Luke 19:12 - Nouveau Testament bété de Gagnoa

¹² "Ne Zezu yi -lɔ sɛne lɛ nɛɛ: -Gligbɛ "yitɛ -bhole "ku 'na 'nyɔkpɔ "kɛ -lɔ 'du 'na mɔ -bhlɔblu me -se 'wa "kɔ "bhle -klɔgbɔnyɔ "zoale-, -se 'ɔ "kɛ 'ɔ 'luku 'wlizɔ zi.

Luke 19:12 Iomraidhean Croise

Matie 21:38

-Mɔ, 'wa 'ye- lɛ 'ɔ yowli 'ylime ne 'wa yi -lɔ no nɛɛ: -Ɔ "kɛ 'ɔnɛɛ 'gugbɛ "ku 'libhi ne lɛ, -a 'lɔbhɔ -se 'ɔ "ku -se 'ɔnɛɛ 'gugbɛ -wɛ "kɛ -anye nɛ "zo.

Matie 28:18

Zezu 'nyua- yɔko, 'ɔ nɛɛ: «'E -yle 'bhɛloɛ 'klekle "nɔgɔ "me "ne dodo ne "ku.

Malke 12:1

'Ɛyi -wɛ "kɛ 'ple cuu ne, Zezu 'pɔle- -lɔ 'ɔnɛɛ gɛlenya nunɛ. 'Ɔ nɛɛ: «'Nyɔkpɔ -bholo -glo -lɔ vinyelɛɛ. 'Ɔ -gwe 'yli 'tee, 'ɔ 'sɔbhɔ- 'ɛnɛɛ kɔnimiledɛ, "ne 'ɔ 'sɔbhɔ- -lɔ -dee 'ɔ "kɛ 'nyegbe- "ne 'ɔ 'cɛ "klo 'kole- -wɛ. "Ne 'ɔ yi -lɔ libhɔnonya yɔko 'tle-. "Ne 'ɔ yi -lɔ -glɔ "ku me.

Malke 16:19

Anyinɛnyɔ Zezu "kɛ bhulɛ "bhuɔ ne, 'ɔ 'gblɛ- "nɔgɔ "me. 'Ɔ 'gli- "bhle Lagɔ yɔko, lilikwlɛ -gbɔsɔ "ku.

Luke 20:9

"Ne Zezu yi -lɔ "ɛ 'nyakpa -wɛ nunɛ 'pɔle nɛɛ: 'Nyɔkpɔ -bholo -glo -lɔ vinyelɛɛ "ne 'ɔ yi -lɔ libhɔnonya yɔko 'tle- "ne 'ɔ yi -lɔ -glɔ "ku me.

Luke 24:51

-Sɔɔdɛku 'ɔ 'poa nɛ 'ŋu, 'ɔ 'bhoa- yɔko "ne 'ɔ yi -lɔ "nɔgɔ "me 'gblɛ.

Zezu Kli 'na 'Denaade ‑ye Zaa kɛle‑ ne lɛ 18:37

"Ne Pilate yu -lɔ lo 'yɔbhɔ nɛɛ: «Zaa, -klɔgbɔnyɔ 'ye -e -noɔ bha? Zezu nɛɛ: -Eyi -mɔɔ no -lɔ nɛɛ -klɔgbɔnyɔ 'ye 'e -noɔ. -Mɔ, 'e -yi zikpɛ ne "ku -se 'e "kɛ gbɛklɛklɛ 'na -ɔyeɛdɛ "zo. -Wa -noɔ gbɛklɛklɛ -noa 'waa -wɛ, 'waa- 'fo -lɔ -ame 'yukwli.»

Nonoli 17:31

"Naa-, Lagɔ -sɛ lɔbhɔ 'yli 'na 'ye 'ɔ "kɛ 'nyakpa 'gbobhlele "meŋwinɛlesɛ -wɛ. 'Ɔ -sɛ lɔbhɔ 'nyɔkpɔ -bholo 'ɛza "ne 'ɔ yu -lɔ gluzɔ 'wloa-. Sɔbhɔ 'ye 'ɔ -tuɔ -lɔ nyakpa 'ylime -gbɔ 'ɔyi -noɔ -lɔ gbobhlenyɔ -ye 'ɔ -sɛ lɔbhɔ -wɛ yɔ.»

1 Kolɛtenya 15:25

Lɔbhɔ 'na dɛku, Lagɔ 'yi 'ɔnɛɛ 'gbhlenya Zezu Kli 'bhozɔ "zo, -mɔ, lɔbhɔ -gba "kɛ ylɛ ne, Klise "mɔ -na -kɛ 'kamaleɛ 'na 'bhɛloɛ 'klekle yle "bhuɔ.

Eblenya 9:28

"Ɛ sɛbhele -wɛ, Klise 'bhale- 'ɔnɛɛ zikpɛ "me "ku -bholo 'na dɛ, -se 'ɔ "kɛ 'nyakpa -kwleyia 'na 'nyinyonoli lɔbhɔ -sɛ. 'Ɔ yi 'ce "kusɔ 'ɔyi 'tua-, 'nyinyonoli 'ye 'ɔ -na -kɛ lɔbhɔ -sɛ -ka yi, -mɔ 'ɔ "kɛ 'wa -wo -wɛ 'fuɔ.

1 Piɛle 3:22

'Ɔ 'gblɛ- "nɔgɔ "me, 'ɔ 'gli- Lagɔ 'na lilikwlɛ -gbɔsɔ "ku. -Dɛmeda, 'ɔ -kɛ 'bhɛloɛ "ne 'ɔ zi "nɔgɔzilia 'klekle -nyɛ zuzu 'klekle -wa 'kamalea "ne -wa -kɛ 'bhɛloɛ -wɛ "bhaa "ku.

'Ylikloylɛleweli 1:7

'A -gɛ 'yli: "nɔgɔjatlɛ "me 'ye 'ɔ 'bhale -lɔ, -Se 'nyakpa 'klekle "kɔ 'ylime 'ye, -wa 'pɔ- li -wɛ 'nabhɛ. 'Ɔnɛɛ 'tɔ "me, dodo ne "ku 'na ŋeyi 'klekle 'nyɛze yua 'lɔbhɔ. 'Diɛɛ! Amɛn