Luke 18:7 - Nouveau Testament bété de Gagnoa

⁷ 'A -kɛ bhɔ 'dleku -gbɔ Lagɔ 'na yua -wa 'tulo "me yli 'o -yli, 'wa yu bhɔ zlɛ "ne 'ɔ -koa bhɔ kɔ 'je 'a, "ne 'ɛ "kɛ bhɔ soɔ tole- gou?

Luke 18:7 Iomraidhean Croise

Matie 24:22

Lagɔ "mɔ nɛ -kɛ "ɛ 'yli -wɛ "ku -sɛ ne, 'nyɔkpɔ -cɛ nɛ nu "po! -Mɔ, 'nyakpa -ye Lagɔ 'ɔyigɛsɛ -sɛ lɔbhɔ -wɛ za, 'ɔ -sɛ -lɔ "ɛ 'yli -wɛ "ku -dudu.

Matie 24:24

"Naa-, 'nyakpa yi 'wayi Ŋwlɛŋwlɛnya la, "ne "guɔkwɔmenya -gbeyia yi yi, "ne 'wa yi zɛzɛ "yitɛ "pɔ. "Ɛ zɛzɛ yi 'kpɔmale- kpɛnyee 'na 'ylime 'ɛnɛɛ 'bhɛloɛ 'ɛ yi nɛ -kɛ 'nyakpa -ye Lagɔ -sɛ lɔbhɔ 'nabhɛ -wɛ 'kwlɛ bhlia-.

Matie 7:11

'Anye, -wa -noɔ 'nyakpanyɛnyea 'waa -wɛ, 'a 'na "nyɛ 'se 'anyɛɛ yua -li 'na "namanɔ ne. Zaa 'ɛ "kɛ -la zi 'a To -ɔ -ko "nɔgɔ "me -wɛ 'ɔɔ -ka bhɔ -wa zlɔ -wɛ -bɛɛ' 'na -bɛɛ' "nyɛ?

Luke 11:13

'Anye, -wa -noɔ 'nyakpanyɛnyea 'waa -wɛ, 'a 'na "nyɛ 'se 'anyɛɛ yua -li 'na "namanɔ ne. Zaa 'ɛ "kɛ -la zi 'a To -ɔ -ko "nɔgɔ "me -wɛ, 'ɔyi 'ye 'a "kɛ zlɛ "ne 'ɔ -ka bhɔ 'anye Zuzu Wlewle "nyɛ 'a?

Luke 2:37

'Kwiziŋɔnɔ yɔ 'awɔ -lɔ, 'ɔ -kɛ 'awɔ 'ylobɛ 'na glomɔɔnɔ 'ylobɛ mɔɔnɔ. 'Ɔ "ne 'ylile 'awɔ "Mebɔbɔlebhudu 'guɔ, 'ɔ bɔbɔ 'awɔ zle o -zle, nuɛteɛ "me, "ne bhubhɔ bhubhɛ "me.

Luke 21:28

-Sɔɔdɛku "ɛ -li -wɛ 'klekle "kɛ "ku 'ci -wɛ, 'a 'nyegble 'ya, -se 'a 'libhi 'wli "ku. "Naa-, 'anyɛɛ Fuenyɔ "ne -la dɛtlo zɛ.

Wlomɛnya 8:33

-Ɔ "kɛ bhɔ -ye Lagɔ -tɔ -wɛ 'wɔ gbo 'lua-? 'Nyɔkpɔ "ne 'bhɛle! "Naa-, Lagɔ "zoa- "meŋwinɛlenya.

Kolɔsenya 3:12

Lagɔ -tɔ 'anye, 'ɔ 'yɔbhɔ -gbɔ 'a "zo 'ɔnoa, "ne 'ɔ -wa 'anye. Zaa, 'a 'piɛ "bhle 'dle -se 'a 'kɛle- 'nyɛze 'dle, -se 'dlezɔ ko 'anye foo, 'ɛ "zo -zigbadle, -bɔŋodle.

1 Tesalonikenya 3:10

-A kɛ bhubhɔ -se zle 'ze "ne titiɛ yi -wɛ, "ne -a 'cɛ "ku piɛle ne, -ye -a zlɔ ne lɛ: 'Ɔ "kɛ -kɛ -anye 'bhɛloɛ 'nyɛ, -se -a "kɛ -kɛ 'anye 'ylime 'ye, -se 'e "kɛ -kɛ 'anyɛɛ 'dlekukɛleɛ "ku zimalea.

2 Tesalonikenya 1:6

-Ɛɛ, Lagɔ yi 'ce -ɛ ŋwinɛle- "me -wɛ no. "Ne 'ɔ yi 'ce -wa 'gbapea 'anye -wɛ 'gbapea -me.

1 Timote 5:5

-Mɔ, "kwiziŋɔnɔ 'na -ɔ "ne 'nyɔkpɔ 'na -ɔ "kɔ slu -wɛ -kɛ, "ne 'ɔ gli- -ɔyikɔ gou -wɛ, Lagɔ 'ye 'ɔ "zo -lɔ 'ɔnɛɛ 'dle "ku. Zaa, -se zle ze "ne titiɛ yi -wɛ 'ɔ bhubhɔ 'ce Lagɔ 'yiɛ.

2 Timote 1:3

-Se titiɛ yi "ne zle ze -wɛ, 'e "kɛ bhubhɔ 'e 'di 'ce 'neɛ -tɔ 'yiɛ. "Ne 'e bhɛle Lagɔ -ye -e lɔbhɔ "ku 'dle -wɔtɛ "me -wɛ, -se -a 'to 'wa 'to 'wɔ 'sɛ- -wɛ.

2 Timote 2:10

-Ɛwɛza, 'e 'sa -lɔ 'ɛyi 'klekle kɔ -ye Lagɔ -sɛ lɔbhɔ -wɛ za, -se 'wayi, 'wa "kɛ -kɛ 'po Zezu Kli "me, -se 'wa "kɛ -kɛ 'lelee 'ŋlu "mɔme -godogodo 'na -ɛ "ne lɛ 'nɛnidɛ -kɛ ne.

Tite 1:1

-Ame Pɔle, Lagɔ 'na "kulɔbhɔnyɔ "ne Zezu Kli 'na "kɔlepɔnyɔ 'ye 'e -noɔ -lɔ. 'Ɔ -sɛ -lɔ -ame lɔbhɔ -se 'e "kɛ Lagɔ 'na 'nyakpa -ye 'ɔ -tɔ -wɛ 'dlekukɛleɛ kɔme- -se 'wa "kɛ gbɛklɛklɛ yibhlele-, -se 'wa "kɛ Lagɔ 'dle 'tɛle.

1 Piɛle 1:1

-Ame, Piɛle, Zezu Kli 'na "kɔlepɔnyɔ, 'mɔɔ 'kɛle lɛ Lagɔ 'na 'nyakpa -ye 'ɔ -sɛ lɔbhɔ "ne 'wa 'glile- 'lowlime "ne 'wa -ŋwɛne Pɔɔ, Galasi, Kapadɔse, Azi "ne Bitini -glɔ "me.

2 Piɛle 3:9

Anyinɛnyɔ 'na weli -ye 'ɔ -ple -wɛ -na 'yli 'wlole dɛku "ne -la dɛtlo. -Mɔ 'ɛ -ko "ɛ -soɔ "ne -bedia no -lɔ -gbɔ 'ɔ -to 'be. 'Anyɛɛ za, 'ɔ 'piɛ- -lɔ "bhle 'dle, 'ɔ "ne 'yɔbhɔ -gbɔ 'nyɔkpɔ ku. Anyinɛnyɔ 'yɔbhɔ -gbɔ 'nyakpa 'klekle 'bhelia- 'wanɛɛ zikpɛ kɔ.

'Ylikloylɛleweli 18:20

"Nɔgɔ "me 'na konya 'wa no 'ŋwɛnɛ, -see "ɛ 'du ne -bhiɛ "ku -wɛ za! "Ne -anye 'lelee, -wa -noɔ Lagɔ -noa 'waa -wɛ, "kɔlepɔnya, "ne "guɔkwɔmenya, 'a 'no -me 'ŋwɛnɛ, "naa-, Lagɔ -bhlelo gbo, "nyɛnye -ye 'ɔ -no 'anye -wɛ za.

'Ylikloylɛleweli 6:10

'Wa 'kpa 'awɔ "me "yitɛ "ku nɛɛ: "Bhenyɔ 'wlewle, gbabhulɛnyɔ, -zlegba -e "kɛ bhɔ zikpɛ -konya 'gbobhlele- "ne -e "kɛ -anyɛɛ 'kwiɛ 'na gbo ziɛ 'a?

'Ylikloylɛleweli 7:15

'Ɛnɛɛ za, 'wa 'nyegbe- -lɔ Lagɔ 'na 'leyli-gbɔglo 'yli "ku. "Ne -see titiɛ yi "ne zle ze -wɛ 'wa 'lɔbhɔ -lɔ Lagɔ "ku, 'ɔnɛɛ "Mebɔbɔlebhudu "me. "Ne -ɔ -gli "ɛ -klɔgbɔnyɔ 'na 'leyli-gbɔglo "ku -wɛ "koa -lɔ "klo 'kole-.