Luke 18:32 - Nouveau Testament bété de Gagnoa

³² "Naa- 'wa yu -wa "ne Lagɔ -yi -wɛ kɔ plele-, 'wa yu sile-, 'wa yu 'yli. 'Wa yu 'dɔ "klo wale-.

Luke 18:32 Iomraidhean Croise

Matie 16:21

Lɔbhɔ 'ye Zezu Kli -bhulɛle -lɔ 'ɔnɛɛ gɛlenya gbɛklɛklɛ nɛɛ: 'Ɔ yi Zeluzalɛme me, "ne -Gligbɛyitia, bɔbɔnya "yitia "ne -Lɔsloanya yu 'gbapea- kpɛnyee, "ne 'wa yu 'lɔbhɔ "ne 'ɔ yi "ku, -mɔ 'yli ta kɛ ple-, 'ɔ yi gluzɔ 'wlo.

Matie 20:19

"Ne 'wa yu -wa "ne Lagɔ -yi -wɛ kɔ plele-, -se 'wa "kɔ 'dii ziɛ-, 'wa "kɔ 'sɛpɔ-, -se 'wa "kɔ su "klo kole- 'yli ta kɛ 'ple- ne, 'ɔ yi gluzɔ 'wlo.»

Matie 22:6

'Wanɛɛ -wawɛ 'sa- "ɛ "kulɔbhɔnya kɔ ne 'wa 'lɔbhoa- "ne -bedia "ku-.

Matie 26:67

"Ne -bedia 'mɛno nɛ 'dɔ "ku, -wane 'bhoto, "ne -wawɛ 'pɔ 'kwlɛ 'yukwli "me

Matie 27:2

"Ne 'wa yi -lɔ no nɛ 'wa gbɔto-, 'wa -su "ne 'wa yu -lɔ Wlɔme 'na 'kamalenyɔ Pilate kɔ 'je.

Malke 14:65

-Bedia 'mɛno 'dɔ "ku, -bedia 'wale- 'ɔnɛɛ "klo "ku. -Bedia 'bhoto, ŋwɛnɛɛ: «-Ɔ 'lɔbhɔ -eyi -wɛ 'sɔbhɔle- 'ɔnɛɛ 'tɔ.» "Kulɔbhɔnya libhi- Zezu "ku "ne 'wa yu -lɔ 'kwlɛ 'yukwli "me "pɔ.

Malke 15:1

'Zegbakpɔme, bɔbɔnya "yitia, gligbɛyitia, -Lɔsloanya "ne Zufonya 'na -glɔgbobhlenya "zo- 'wli -se 'wa "kɛ weli "ku "zolea-. 'Wa -gbɛte Zezu "ne 'wa yu -lɔ Pilate kɔ 'je.

Luke 18:33

'Wa kɔ 'sɛpɔ- "bhuɔ ne, 'wa yu 'lɔbhɔ- "ne 'ɔ yi "ku, "ne 'yli ta kɛ 'ple- 'ɔ yi gluzɔ 'wlo.

Luke 23:1

-Wa -ko 'awɔ lɔbhɔ -wɛ -sɔ "ku 'klekle "ne 'wa yi -lɔ Zezu Pilate kɔme-.

Luke 23:11

Elode -nyɛ 'ɔnɛɛ "slojanya "bhaa 'wa ziɛ Zezu 'dii, 'wa silo, 'wa -plɔ -klɔbgɔnyɔ 'na 'koti "me, "ne 'wa yu -lɔ Pilate 'na dɛce kɔme-.

Luke 23:35

"Ɛ 'nyakpa -wa -ko -me 'awɔ lɔbhɔ -wɛ wolo 'awɔ Zezu "ku, "ne bɔbɔnya 'na "cifia 'silo 'awɔ -lɔ nɛɛ: 'Ɔ 'fuɔ- 'se 'nyakpa 'na -bedia ne, 'ɔ 'fuɔ -me 'se 'ɔyi 'ɔyigɛsɛ, 'ɔ kɛ 'diɛɛ Lagɔ 'na 'fuɔnyɔ -ye 'ɔ -sɛ lɔbhɔ yɔ.

Zezu Kli 'na 'Denaade ‑ye Zaa kɛle‑ ne lɛ 18:22

"Ɛ weli -wɛ kɔ 'ye "slojayu -bholo -ɔ -kome nɛ lɔbhɔ -wɛ 'pɔ- -lɔ Zezu 'kwlɛ 'yukwli "me, "ne 'ɔ yu -lɔ bhulɛle- nɛɛ: «Soɔ- 'ye -e bhulɛle -lɔ "ɛ bɔbɔnyɔ "yitɔ?»

Zezu Kli 'na 'Denaade ‑ye Zaa kɛle‑ ne lɛ 18:28

Lɔbhɔ 'ye "slojanya -sɛ -lɔ Zezu Kayifo 'na doɔ, "ne 'wa yu -lɔ Wlomɛnya 'na "kamalenyɔ "yitɔ 'na -bhudu "me kɔme-. -Zle -ze -dɛku yɛ 'awɔ -lɔ. Zufonya "ne nɛ "ɛ "kamalenyɔ "yitɔ 'na -bhudu -wɛ "me -plɛ -me. 'Wa "kɛ -na nɛ -kɛ 'wlele ko 'yiɛ -se 'wa "kɛ -kɛ Paake 'na -jajolilɛ li -me.

Zezu Kli 'na 'Denaade ‑ye Zaa kɛle‑ ne lɛ 18:30

"Ne 'wa yu -lɔ bhulɛle- nɛɛ: «'Ɔ "mɔ nɛ 'nyɔkpɔ -nyɛnye yɔ ne, -a -kɔ nɛ -eyi kɔ plele- -ka yi»

Zezu Kli 'na 'Denaade ‑ye Zaa kɛle‑ ne lɛ 18:32

Zezu 'na 'kwiɛ 'na -ɛ "kɔ nɛ yle -wɛ 'na weli -ye 'ɔ -bhulɛ 'awɔ -wɛ, soɔ 'ye 'ɛ "kɛ nɛ -lɔ 'yliwlole.

Zezu Kli 'na 'Denaade ‑ye Zaa kɛle‑ ne lɛ 18:35

"Ne Pilate yu -lɔ no nɛɛ: «Zaa, -ame, Zufonyɔ 'ye 'e -noɔ bha? -Neɛ' 'nyakpa "ne bɔbɔnya "yitia, 'waa- -plele -lɔ -eyi -ame kɔ! Zaa, -ye -e -no bhɔ -tiaa?»

Nonoli 2:23

"Ɛ 'nyɔkpɔ -wɛ, 'a -plolo 'nyakpa -gbeyia kɔ, "ne 'wa yu -lɔ klowa "klo kole-. -See Lagɔ 'yɔbhɔ nɛ 'kle -gbɔ 'ɛ ylɛle- nɛ -wɛ yɛ -lɔ.

Nonoli 3:13

Ablame 'na Lagɔ, Izake 'na Lagɔ, Zakɔbo 'na Lagɔ, 'a To 'wɔ 'na Lagɔ -kwa 'ɔnɛɛ "kulɔbhɔnyɔ Zezu 'ŋlu. "Ɛ Zezu -wɛ 'a -plo 'awɔ, 'a -sɛ 'awɔ 'ɔnɛɛ lo Pilate 'yliku. "Ne Pilate 'yɔbhɔ nɛ -se 'ɔ "kɔ nɛ 'yi 'tale.