Luke 18:23 - Nouveau Testament bété de Gagnoa

²³ 'Ɔ no- lɛ -ɛwɛ "me, 'nyɔkpɔ -wɛ "klo 'ɔ -nyɛne -lɔ, "naa-, -klɔgbɔnyɔ "yitɔ yɔ 'awɔ -lɔ zɛ.

Luke 18:23 Iomraidhean Croise

Matie 19:22

"Ɛ 'teyigbɔ -wɛ "kɛ "ɛ weli -wɛ "me 'no ne, "klo 'ɔ -nyɛne -lɔ, "ne 'ɔ yi -lɔ me. "Naa-, 'ɔnɛɛ -li -zu nɛ kpɛnyee zɛ.

Malke 10:22

"Ɛ 'nyɔkpɔ -wɛ "kɛ Zezu 'na weli -wɛ "me 'no "bhuɔ ne, "klo 'ye 'ɔ -nyɛne -lɔ, "ne 'ɔ yi -lɔ me, 'dle 'yiɔ- 'nuɔ. 'Ɔ -kɛ 'awɔ -li 'na 'gbagbo zɛ.

Luke 12:15

"Ne 'ɔ yi -lɔ 'wayi 'klekle bhulɛle- nɛɛ: «'A 'luɔ- -kɛ! 'A te -kɛ -li 'momale- kpɛnyee, "naa- 'nyɔkpɔ 'na zikpɛ, 'ɔ yi nɛ 'se -klɔgbɔnyɔ "zo -cɛ, 'ɔnɛɛ lɛ za 'ɛ "ne -kɛ lɔbhɔ -ko.»

Luke 18:22

"Ɛ 'nyɔkpɔ "kɛ bhulɛ "bhuɔ ne, "ne Zezu yu -lɔ no nɛɛ: «'Ɛ -to "bhle -bɛɛ' -bholo 'na -ye -e "ne lɛ -no ne. Me, -se -ye -e -kɛ -wɛ 'pɛ 'pɔlo "ku. -Se 'ɛnɛɛ 'dlasi -wɛ 'je "nyɛzenya kɔ -se -e "kɛ -kɛ "nɔgɔ "me 'na -klɔgbɔ yle. -E "kɛ 'ɛyi -wɛ kɔ -bhiɛ ne, yi -se 'gɛle- -ame.»

Luke 18:24

"Ne Zezu yo- lɛ 'ylime -gbɔ 'ɔ -nyɛne "klo ne, "ne 'ɔ yi -lɔ bhulɛ- nɛɛ: «-Wa 'pɔ -klɔgbɔ -wɛ 'na Lagɔ 'na 'Kamalezikpɛ "me meɛ yi "kɛ "me "tamale- kpɛnyee.

Luke 19:8

-Mɔ, Zase "kɛ "ku -sɔ ne, Anyinɛnyɔ 'ye 'ɔ bhulɛle- -lɔ nɛɛ: «"Bhenyɔ, 'e yi 'neɛ -li 'na 'cibhɛ nyɛzenya kɔ 'je, "ne -ye 'e -no ylo "ne 'e yi 'ɔnɛɛ 'dlasi li -wɛ, 'e 'yi ki -mɔɔnɔ "ku 'beme "zole.»

Luke 21:34

Zezu nɛɛ: «'A 'luɔle- -kɛ 'ayi "ku, 'a te -kɛ 'ayi 'dle nuɔ 'yiɛ, no -nɛmɛ -mɔ, "ne zikpɛ ne "ku 'na -li za. -Ɛ "kɛ yi -wɛ te kɛ 'anye vu zɛ.»

Luke 8:14

'Ɛnɛɛ -ɛ -bhli -kpɛcɛ -jijɛ "ku -wɛ, -wa 'no- Lagɔ 'na weli "me "ne -wa 'pɔ zikpɛ "ku 'na -li 'klekle "ku 'dle sɛgbɛɛ -klɔgbɔ "ne zikpɛ "ku 'na 'ŋwanali 'na 'dletɛleɛ gbɔ "ne 'wa "ne tlo bhi.

Efɛzenya 5:5

-Ye 'a "kɛ yibhlele- ne lɛ: 'Wiylinyɔ, "tutulinyɔ "ne gwlɛplɛnyɔ, "ne 'bhɛle- "ne 'wa "kɛ Klise -nyɛ Lagɔ "bhaa 'na -klɔgbɔzikpɛ "me -plɛ -me. "Naa-, -e kɛ no -gbɔ -e "kɛ -eyi 'dle "me 'gugwɔle ne, 'ɛ -ko sɛgbɛɛ "fu 'na Lagɔ -wɛ 'wɔ 'ye -e bɔbɔ.

Filiponya 3:8

"Ɛ -ɛwɛ 'klekle ne, 'ɛ -ko -ame 'yliku sɛgbɛɛ -bɛɛ' 'na -ye 'e 'pɔ- 'kwlɛ "me Anyinɛnyɔ Zezu Kli za -wɛ. "Ɛ -ye 'e -yibhlele Anyinɛnyɔ Zezu Kli -wɛ, 'ɛ 'kpɔ- "ne 'ɛ -zi -li 'klekle "ku. Zezu Kli za, 'e 'bhale- -li 'klekle "me. 'E 'wolo -da "ku sɛgbɛɛ -didi, -se Klise 'ɔyikɔ "kɛ -bɛɛ' 'na 'ye 'e "kɛ yle -wɛ "zo.

Kolɔsenya 3:5

-Ɛwɛza, -ɛ -noɔ dodo ne "ku -nɛ yɛ, "ne 'ɛ -ko 'anye "me -wɛ, 'a lɛbhɛ -se 'ɛ ku: Sɛgbɛɛ 'kpeteklinya "bhaa 'na gogoɛ, -li -nyɛnye 'na nonoɛ, -li -ɛ -le 'zu "ku "ne 'ɛ "ne 'nɛne 'na -wamaleɛ, 'dle "me 'gugwaleɛ, 'ɛ -ko sɛgbɛɛ "fu 'na Lagɔ 'na "zozoɛ.

1 Zaa 2:15

'A te zikpɛ wamale- -se 'a te -ɛ -ko "ɛ zikpɛ "me -wɛ wamale-. 'Nyɔkpɔ kɛ zikpɛ -wa, 'ɔ nyɔ -wɛ "ne To Lagɔ -wa.