Luke 18:19 - Nouveau Testament bété de Gagnoa

¹⁹ Zezu nɛɛ: «Sɔɔbɛɛza -e la bhɔ -ame "namanɔ 'a? -Ɔ nɛne "ne -kɛ -le, 'ɛ "mɔ -kɛ Lagɔ 'ɔyi kɔ yɔ.

Luke 18:19 Iomraidhean Croise

Luke 1:35

"Ne "ɛ "nɔgɔzilɔ yi -lɔ Mali bhulɛle nɛɛ: «Zuzu Wlewle "kɛ -lɔ -eyi "ku 'kwlile-, "ne Lagɔ -ɔ zi "ku 'na 'bhɛloɛ "kɛ -lɔ -eyi "ku 'wale- sɛgbɛɛ zuzu: 'Ɛnɛɛ za, yu -ɔ "kɛ gwɛleɔ- -wɛ "kɛ 'ce -lɔ 'wlewle ko, "ne 'wa "kɔ 'ce -lɔ Lagɔ 'na Yu la.»

Luke 11:13

'Anye, -wa -noɔ 'nyakpanyɛnyea 'waa -wɛ, 'a 'na "nyɛ 'se 'anyɛɛ yua -li 'na "namanɔ ne. Zaa 'ɛ "kɛ -la zi 'a To -ɔ -ko "nɔgɔ "me -wɛ, 'ɔyi 'ye 'a "kɛ zlɛ "ne 'ɔ -ka bhɔ 'anye Zuzu Wlewle "nyɛ 'a?

Luke 18:18

Zufonya 'na "cifi -bholo 'yɔbhɔ -lɔ Zezu lo nɛɛ: Sloanyɔ "namanɔ -ye 'e "kɛ bhɔ no "ne 'e "kɛ zikpɛ 'na -ɛ -ka "kubhiɛ -wɛ yle -me 'a?

Luke 18:20

-E -yi Lagɔ 'na gbagbɛ -ɛ no nɛɛ: Te -kɛ gbo zlɛ. Te -kɛ 'nyɔkpɔ 'lɔbhɔ. Te -kɛ 'wi 'yli. Te -kɛ "fu -eluyu gbo 'wlime "gbli. "Zo -e 'to -nyɛ -e "nɔ "bhaa 'plome.»

1 Timote 3:16

-Ɛɛ, -diɛɛ yɛ -lɔ. Lagɔ 'na -diɛweli -ɛ zizɔ- 'Denaade "me "ne -a yibhlele- 'dlekukɛleɛ "me -wɛ 'kpɔ kpɛnyee. Klise tua- -anye 'ɔyi 'ylime 'nyɔkpɔ sɛ; 'Ɔ ŋwinɛle- "me, Zuzu Wlewle 'ŋunu -me "ku, "nɔgɔzilia 'yo- 'ylime, "Ne 'wa -tuɔ -glɔ 'klekle 'ylime, 'Wa -kɛlo 'dleku dodo ne "ku, "Ne "nɔgɔ "me, 'ɔ -me 'ŋlu.

Eblenya 7:26

Zezu -noɔ -lɔ bɔbɔnyɔ "yitɔ 'na 'ɔ "kɛ nɛ -anye 'yliku -ko -wɛ yɔ. 'Ɔ -ko 'wlewle, 'ɔ "ne gbo 'wlime -kɛ, "ne 'ɔ "ne 'nyinyonoli 'wlime -kɛ, 'ɔ -ylile 'nyinyonolinonya "guɔ, "ne Lagɔ yu -lɔ "nɔgɔ "ku jilɛ-.

Zake 1:17

-Mɔ, -li 'na "namanɔ -ɛ yle 'anye -wɛ, "ne -bɛɛ' 'na "namanɔ -ye 'wa 'nyɛ 'anye "fu -wɛ, "nɔgɔ "me 'ye 'ɛ 'bhale -lɔ, Lagɔ -ɔ 'wlɛ- ylo "ne -zeli -wɛ 'je -lɔ 'anye kɔ. Lagɔ "ne bheliɔ- kɔ, 'ɔ "ne 'bha- bhulɛ "ku, 'ɔ "ne zuzu -kɛ.