Luke 18:14 - Nouveau Testament bété de Gagnoa

¹⁴ Zezu nɛɛ : 'E bhulɛle 'anye, -sɔɔdɛku "ɛ -lɛposanyɔ -wɛ "kɛ sueme 'wlizɔ zi ne, 'ɔɔ ŋwinɛle- -lɔ "me Lagɔ 'yliku. Falizienyɔ 'na 'nyinyonoli -tuɔle 'ɛnɛɛ sɛku. 'Nyɔkpɔ 'na -ɔ 'kwlialea 'ɔyi "ku -wɛ yi 'wli "ku libhiɔ-. 'Nyɔkpɔ 'na -ɔ libhi 'ɔyi 'wli "ku -wɛ yi 'ce "ku 'kwlialeɔ-.

Luke 18:14 Iomraidhean Croise

Matie 23:12

-Ɔ libhi 'ɔyi 'wli "ku -wɛ, yi 'ce "ku 'kwlialeɔ-, "ne -ɔ 'kwlialea 'ɔyi "ku -wɛ, yi 'ce 'wli "ku libhiɔ-.

Matie 5:3

«'Ŋwɛnɛ "lɔbhɔ -ye 'dlezɔ -ko foo, "naa-, Lagɔ 'na 'Kamalezikpɛ 'wanɛɛ yɛ -lɔ.

Luke 1:52

'Ɔ 'teti- 'kamalenya -gbɔglo zɔ, "ne 'ɔ yi -wa sɛ 'wayi "ku -wɛ 'wli "ku 'libhi.

Luke 10:29

-Mɔ, 'ɔyi 'ɔ 'yɔbhɔ nɛ -gbɔ 'ɔ "kɛ 'ɔnɛɛ 'meŋwinɛleɛ Zezu 'ylime tua za 'ɔ bhulɛlolɔ nɛɛ: «-Ɔ -noɔ bhɔ -aluyu yɔ 'a?»

Luke 14:11

"Naa- 'nyɔkpɔ 'na -ɔ libhi 'ɔyi 'wli "ku -wɛ, yi 'ce "ku 'kwlialeɔ-, "ne 'nyɔkpɔ 'na -ɔ 'kwlialea 'ɔyi "ku -wɛ yi 'ce 'wli "ku libhiɔ-.

Luke 16:15

"Ne Zezu yua -lɔ bhulɛle- nɛɛ: «'Anye, 'a tua 'anyɛɛ "meŋwinɛleɛ 'nyakpa 'ylime 'anyɛɛ nonoli "me, -mɔ, Lagɔ -yi 'anyɛɛ 'dle. "Ne -ye 'nyakpa zia "ku -wɛ, 'ɛ "ne Lagɔ 'ŋwana "ku -le -dɛgbɛdɛgbɛ.

Wlomɛnya 3:20

-Ɛwɛza, Lagɔ 'yliku, -ɔ "kɛ 'ce "me ŋwinɛle- "ne -le, -Lɔ 'na 'kɔkɛleɛ "me. "Naa-, -Lɔ, 'ɛyi, 'nyakpa -ye 'ɛ 'luɔle -lɔ 'dle -gbɔ 'wa -no 'nyinyonoli.

Wlomɛnya 4:5

'Nyɔkpɔ "mɔ 'se libhɔ no -ce, "ne 'ɔ kɛ 'dleku -kɛ -gbɔ Lagɔ 'di- 'nyinyonolinonyɔ 'na 'galu ne, "ɛ 'nyɔkpɔ -wɛ 'na 'dlekukɛleɛ 'gbɔ -lɔ "ne Lagɔ zoɔ -lɔ "meŋwinɛlenyɔ.

Wlomɛnya 5:1

'Diɛɛ, -a "zo- "meŋwinɛlenya 'dlekukɛleɛ "me, "ne -dɛmenadɛ ne "ku, -a yi -da -lɔ "kuwɛtɛ yle- Lagɔ yɔko Anyinɛnyɔ Zezu Kli "me.

Wlomɛnya 8:33

-Ɔ "kɛ bhɔ -ye Lagɔ -tɔ -wɛ 'wɔ gbo 'lua-? 'Nyɔkpɔ "ne 'bhɛle! "Naa-, Lagɔ "zoa- "meŋwinɛlenya.

Galatenya 2:16

'Ɛ -ko sɔbhɔ, "ne -a -yi sɛ, 'nyakpa 'na -wa "zo "meŋwinɛlenya -wɛ, 'ɛ "ne -kɛ -gbɔ Moyize 'na -Lɔ 'wa "zo 'plome za yɛ, -mɔ, Zezu Kli 'na 'dlekukɛleɛ "me yɛ -lɔ. "Ne -anye 'lelee -a -kɛle Zezu Kli 'dleku za -a "zo- -lɔ "meŋwinɛlenya Lagɔ 'yliku. -Anye, 'wa yibhlele- -anye "meŋwinɛlenya "ku Lagɔ 'yliku Zezu Kli 'na 'dlekukɛleɛ "me. -Mɔ, 'ɛ "ne -kɛ Moyize 'na -Lɔ 'na 'plome -zo -ylime yɛ. 'Bhɔ! 'Nyɔkpɔ "ne 'bhɛle-, "ne 'ɔ "kɛ Lagɔ 'yliku "meŋwinɛlenyɔ "zo, -Lɔ 'na 'plome -zo -ylime.

Zake 4:10

'A 'kwlialea- 'ayi "ku Anyinɛnyɔ 'yliku, -se 'ɔ "kɛ 'anye -bhlegbi "me "zo.

Zake 4:6

-Mɔ, Lagɔ 'nyɛ- -anye -bɛɛ' "yitɛ -bholo "fu. "Naa-, Lagɔbɔgo lɛ- -me 'lelee sɛne nɛɛ: Lagɔ "ne "bhabhanya -wa. -Mɔ, -wa 'kwlialea 'wayi "ku -wɛ, 'ɔ "pɔ 'wanɛɛ 'nyɛzedle.