Luke 18:12 - Nouveau Testament bété de Gagnoa

¹² -Ame 'e te nuɛ "kusɔ dimasi -bholo "me. 'E 'peɛle 'neɛ 'dimo.

Luke 18:12 Iomraidhean Croise

Matie 5:20

-Mɔ, gbɛklɛklɛ 'ye 'e bhulɛle -kɛ lɛ 'anye, 'anyɛɛ "meŋwinɛleɛ 'ɛ "mɔ -Lɔsloanya "ne Faliziɛnya -nɛ "ku -zi, 'a "ne 'bhɛle- "ne 'a "kɛ Lagɔ 'na 'Kamalezikpɛ "me plɛ.

Matie 6:1

-Ye Lagɔ 'na -Lɔ 'yɔbhɔ lo -wɛ, 'a te 'nyakpa 'yliku -see 'wa "kɛ 'anye 'yli kabha- -wɛ 'na -li no. 'Ɛ kɛ sɔbhɔ -ko ne, 'a To -ɔ -ko "nɔgɔ "me -wɛ -ka 'anye -bɛɛ' "nyɛ.

Matie 6:16

'A kɛ nuɛ te ne, 'a te 'klo "me 'nyimɔ-, -see 'bhabhanya sɛ -wɛ. 'Wa -yɛ klo -se -glɔnya "koa 'ylime 'ye -see 'wa -te nuɛ. Gbɛklɛklɛ 'ye 'e bhulɛle lɛ 'anye, -wa "zo "ɛ soɔ -wɛ, 'wa -yle 'wanɛɛ 'peɛleɛ "bhuɔ.

Matie 6:5

'A kɛ bhubhɔ, 'a te 'ylisiɛtɛlenya 'na -li no. 'Wa -wa -se 'wa "kɛ 'ya 'nyegblele- "mebhubhɔlebhudu "me, -se 'wa "kɛ bhubhɔ, -gwe-gbata "me, -se 'nyakpa "koa ylɛ. Gbɛklɛklɛ 'ye 'e bhulɛle lɛ 'anye, soɔ -noa -wɛ, 'wa -yle 'wanɛɛ 'peɛleɛ "bhuɔ.

Matie 9:14

"Ne Zaa Batise 'na gɛlenya yi -lɔ Zezu yɔko 'nyiɔ-, ŋwɛnɛɛ: «Faliziɛnya 'wɔ "bhaa -a te nuɛ, "ne -neɛ' gɛlenya 'wa "ne te nuɛ, sɔɔbɛɛza?»

Luke 11:42

-Mɔ, 'Kpilɛkpilɛ 'ye 'a lale -kɛ -lɔ 'ayi "ku 'anye faliziɛnya, 'a 'nyɛ lasiklɔ "ne -gwe "ne -ɛ mi 'lɛɛ "bhueyi "me 'klekle 'na 'dime 'a 'ze kɔ "ne 'a 'tale Lagɔ 'na "meŋwilezikpɛ "ne Lagɔ 'na wamaleɛ yi. 'Ɛyi -wɛ 'ye 'a "kɛ -lɔ no, "ne 'a 'plɛle -lɔ 'yɛle "ku.

Luke 17:10

'Ɛ sɛbhele -wɛ 'ye 'ɛ "kɛ -lɔ ko 'anyɛɛ dɛku, -ye 'wa -bhulɛle 'anye -wɛ, 'a 'cɛ -no "bhuɔ ne, 'a no -gbɔ -anye "kulɔbhɔnya -fu 'ye -a -noɔ -lɔ, -anyɛɛ -ye -a "kɛ no, 'ye -a -no -lɔ.

Wlomɛnya 3:27

Zaa, -ɛ 'nɛne bhɔ -anye kɔ, -se 'a "kɛ bhɔ 'ayi "ku zia? -Ɛ "ne -le! Sɔɔbɛɛza yɛ bhɔ? "Naa-, -ɛ 'nɛne -wɛ, -Lɔ 'na 'plomezoɛ -ye 'ɛ "ne -noɔ, -mɔ, 'dlekukɛleweli yɛ -lɔ.

1 Kolɛtenya 1:29

Lagɔ -no 'ɛ soɔ, -se 'nyɔkpɔ te -kɛ 'ɔyi "ku zia Lagɔ 'yliku.

Galatenya 1:14

Lɔbhɔ 'na dɛ -wɛ "ku, Zufonya 'na Lagɔgligbɛ "me 'na dɛku, 'e -flale nɛ kpɛnyee, "ne 'e 'zi nɛ -alua 'na -bedia -nyɔ 'wɔ "bhaa -a -kɛ 'ylobɛ -bhele -wɛ "ku. 'E -zua nɛ "ku, -sɔɔdɛku, 'e sibhɔ nɛ -ame 'to 'wa 'to 'wɔ 'na -Lɔ 'beme -wɛ 'kwɛmetamaleɛ "me.

Efɛzenya 2:9

"Ɛ 'popoɛ -wɛ 'anyɛɛ libhɔ 'ye 'ɛ 'na -kɛ "me 'bhale-, zaa, 'nyɔkpɔ te -kɛ 'ɛza 'ɔyi "ku zia-!

1 Timote 4:8

-E "kɛ -eyi "kɔ "tɔtɔle -se 'kwɛme "kɛ -eyi "tamale ne, 'ɛ 'nɛne, -mɔ, -e "kɛ -eyi "kɔ "tɔtɔle -se -e "kɛ Lagɔ 'dletɛle -wɛ 'nɛne "ne 'ɛ -zi -li 'klekle "ku. "Naa-, -ɔ "tɛle- Lagɔ 'dle -wɛ, zikpɛ 'na -ye Lagɔ 'sɛ lɔbhɔ -dɛme, "ne 'watɔ -wɛ, 'ɔnɛɛ yɛ -lɔ.