Luke 17:30 - Nouveau Testament bété de Gagnoa

³⁰ "Ɛ sɛbhele -wɛ 'ye 'ɛ "kɛ 'ce -lɔ ylɛle- -zle 'Nyɔkpɔ Yowli "kɛ 'ce yi "ne 'ɔ "kɛ 'nyakpa 'yliku sibhɔ-.

Luke 17:30 Iomraidhean Croise

Matie 16:27

"Naa-, 'Nyɔkpɔ Yowli yi 'ce 'ɔ To 'na 'ŋlu "me yi 'ɔnɛɛ "nɔgɔzilia 'wɔ "bhaa, "ne 'ɔ yi -ɔkɔkokɔko 'na -ye 'ɔ no -wɛ 'na 'peɔloɛ "nyɛ.

Matie 24:3

Zezu 'gli- Oliviesu 'na tlo 'vli, 'ɔnɛɛ gɛlenya 'nyiɔ- yɔko, 'wayikɔ 'wa -ko nɛ lɔbhɔ, "ne 'wa no -lɔ nɛɛ: «'Bhulɛle- -anye, -Sɔɔdɛku lɔbhɔ "kɛ bhɔ ylɛ "Ne 'be 'na -ye -a "kɛ bhɔ 'ylime 'ye "ne -a "kɛ bhɔ 'sɛ yibhlele- -gbɔ lɔbhɔ -ylɛ 'a?»

Matie 24:37

-See 'ɛ -ylɛle 'ce Nowe 'na zle -wɛ, 'Nyɔkpɔ Yowli 'na yi -zle sɔbhɔ 'ye 'ɛ "kɛ 'ce -lɔ ylɛle- -me.

Matie 24:39

"Ne 'nyakpa "ne 'awɔ "me 'no-, "ne -ziɛziɛŋu -ɛ -lɔbhɔ "ne -ɛ libhi- dodo "ku -wɛ yua -lɔ vu, "ne 'ɛ yua -lɔ 'wli 'bhia- -dɛgbɛɛ. Zle 'Nyɔkpɔ Yowli kɛ 'ce -yi, "ɛ sɛbhele -wɛ 'ye 'ɛ "kɛ 'ce -lɔ ylɛle-.

Matie 26:64

Zezu nɛɛ: «-Mɔɔ 'gbɔ -kɛ -lɔ sɔbhɔ. -Mɔ, 'e bhulɛle -dɛme 'anye nɛɛ: 'A yi 'Nyɔkpɔ Yowli 'ylime 'ye, 'ɔ 'gli- Lagɔ -ɔ 'bhɛle- -li 'klekle 'na lilikwlɛ -gbɔsɔ "ku. 'Ɔ yi 'ce "nɔgɔjatlɛ "me 'kwlile-.»

Malke 13:26

"Ne 'a yi 'ce 'Nyɔkpɔ Yowli 'na yiyinɔ "nɔgɔjatlɛ "me 'ylime 'yele, 'ɔ -nyɛ 'ɔnɛɛ 'bhɛloɛ 'klekle -nyɛ 'ɔnɛɛ 'ŋlu "bhaa.

Luke 17:24

"Naa- -see 'ŋu kɛ 'yli 'bhle "ne 'ɛ 'lea lɛ moɔ 'klekle "ku sɔbhɔ yɛ "kɛ 'ce -lɔ ko 'Nyɔkpɔ Yowli 'na yi -zle.

Luke 17:29

-Mɔ, -zle Lɔte 'bha- Sodɔme -wɛ, Lagɔ 'bhalea- "nɔgɔ "me 'kosu "ne 'wa yi 'awɔ -lɔ "ku 'klekle.

Luke 21:22

"Naa-, 'ɛ 'yli -wɛ, kpɛsɛzle yɛ 'ce -lɔ. -Se, -ɛ kɛleɔ- 'klekle -wɛ "kɛ 'yli 'wlole.

Luke 21:27

Zaa, 'wa yi 'ce 'Nyɔkpɔ Yowli 'na yiyinɔ "nɔgɔjatlɛ "me 'ylime 'yele. 'Ɔnɛɛ 'bhɛloɛ 'klekle -nyɛ 'ɔnɛɛ 'ŋlu "bhaa.

1 Kolɛtenya 1:7

-Dɛme 'na dɛku, Lagɔ 'na -bɛɛ' "kɛ 'anye kɔ 'bɔ, 'anye -wa -wo Anyinɛnyɔ Zezu Kli 'na yiyiɛ -wɛ.

1 Kolɛtenya 1:8

'Ɔɔ "kɛ -lɔ 'anye 'kwɛme "tamalea- -kaa "ne 'ɛnɛɛ 'wlisɛledɛ "kɛ -lɔ ylɛ. -Se Anyinɛnyɔ Zezu Kli 'na yizle, 'nyɔkpɔ 'te "kɛ 'anye 'nuɔ sɔbhɔ.

Kolɔsenya 3:4

Klise -noɔ -lɔ 'anyɛɛ zikpɛ yɔ. -Zle 'ɔ -kɛ 'ce dodo ne "ku -yi, 'ɔ yi 'ce 'ɔyi -glɔnya 'ylime -tua, "ne 'anyɛɛ Lagɔ zikpɛ yi 'ce 'yli ple "ne 'a yi 'ce 'ɔnɛɛ 'ŋlumeɛ -wɛ 'na 'didi "me -ko -me.

2 Tesalonikenya 1:7

'Anye -wa 'gbape -wɛ, -zle Anyinɛnyɔ Zezu Kli kɛ 'ce -kosugbagbo 'na -jijɛku -yi 'ɔnɛɛ "nɔgɔzilia -wa -kɛ 'bhɛloɛ -wɛ "bhaa, 'ɔ yi 'ce 'anye nyɛpɛnyɛpɛdɛ "nyɛ,

1 Piɛle 1:13

'Ɛnɛɛ za, 'a 'luɔ- -kɛ! 'A 'fo 'yukwli! -Se 'a "zo 'anyɛɛ 'dletɛleɛ 'nyɛnyɛ -bɛɛ' -ye 'a "kɛ yle -wɛ "me, -sɔɔdɛku Zezu Kli "kɛ 'anye 'yliku 'sibhɔ.

1 Piɛle 1:7

"Ɛ 'kleyeɛ ne 'gbɔ -lɔ "ne 'wa "kɛ -lɔ 'anyɛɛ 'dlekukɛleɛ 'na kosɛ 'ylime 'ye. -Badlɛ 'bhɛle- 'ɛ "kɛ 'nyimɔ, -mɔ, -ɛ -ko sɔbhɔ "ne 'wa "zo -kosu "me, -se 'wa 'cɛ 'ylime 'ye, 'ɛ kɛ -kɛ 'wlele -ko. 'Ɛ sɛbhele -wɛ 'anyɛɛ 'dlekukɛleɛ -ko -me -lɔ. 'Ɛ -zi -badlɛ "ku, -mɔ, 'ɛyi 'lelee 'wa 'beɛ- "me. Zaa, Zezu Kli kɛ 'ce "kusɔ yi -zle, 'wa 'yi 'ce 'anye -bhlegbi "me "zo, 'wa yi 'ce 'anye 'tɔ zɛle- "ne 'wa yi 'anye 'ŋlu 'kwa- -see 'anyɛɛ 'dlekukɛleɛ 'tɛ- "me za.

1 Piɛle 4:13

-Mɔ, 'a kɛ -diɛnadiɛ Klise 'nasɛ 'gbape ne, 'ŋwɛnɛ 'lɔbhɔ 'anye. 'Naa-, 'ɔnɛɛ 'ŋlu kɛ zɔ 'wlo-, 'ŋwɛnɛ yi 'ce 'anye 'lɔbhɔ, "ne "ɛ 'ŋwɛnɛ -wɛ yi 'ce 'anye "ku yiɛ -blɛblɛ.

1 Zaa 2:28

'Diɛɛ, 'na yua nye, Klise "bhaa 'a kole- "ku. Lɔbhɔ 'na dɛku, -zle 'ɔ kɛ 'ce -yi, 'dlekutamaleɛ yi -anye "ku yiɛ. "Ɛ -zle -wɛ zu -ka 'ce -anye lɔbhɔ 'ɔyi 'yliku.

1 Zaa 3:2

'Titoa -ye 'e -wa, -dɛme, Lagɔ 'na yua 'ye -a -noɔ -lɔ, -mɔ, -see -a "kɛ 'lelee bhliji "me ko -wɛ, zizɔ- -namlɛ "ku. -Ye -a -yi ne lɛ: Zle Klise kɛ -yi, -a yu 'ylime 'ye 'ɔnɛɛ -see 'ɔ -ko -wɛ, "ne -a yu 'ce 'wlole.

'Ylikloylɛleweli 1:7

'A -gɛ 'yli: "nɔgɔjatlɛ "me 'ye 'ɔ 'bhale -lɔ, -Se 'nyakpa 'klekle "kɔ 'ylime 'ye, -wa 'pɔ- li -wɛ 'nabhɛ. 'Ɔnɛɛ 'tɔ "me, dodo ne "ku 'na ŋeyi 'klekle 'nyɛze yua 'lɔbhɔ. 'Diɛɛ! Amɛn