Luke 17:29 - Nouveau Testament bété de Gagnoa

²⁹ -Mɔ, -zle Lɔte 'bha- Sodɔme -wɛ, Lagɔ 'bhalea- "nɔgɔ "me 'kosu "ne 'wa yi 'awɔ -lɔ "ku 'klekle.

Luke 17:29 Iomraidhean Croise

Luke 17:28

"Ne Lɔte 'na "tɛnye -wɛ "me 'nyɔkpa "zo -me 'awɔ 'lelee "ɛ sɛbhele -wɛ: 'Wa li 'awɔ, 'wa nɔmɔ 'awɔ, 'wa 'pɔ 'awɔ 'pɔlo, 'wa glo 'awɔ "ne 'wa sɔbhɔ 'awɔ -bhudu.

Luke 17:30

"Ɛ sɛbhele -wɛ 'ye 'ɛ "kɛ 'ce -lɔ ylɛle- -zle 'Nyɔkpɔ Yowli "kɛ 'ce yi "ne 'ɔ "kɛ 'nyakpa 'yliku sibhɔ-.

2 Piɛle 2:6

Lagɔ -bhia me 'awɔ -kɛ 'lelee Sodɔme -nyɛ Gomɔle "bhaa 'na 'du -kosu nu "ku. 'Ɛwɛ 'ye 'nyakpa -gbeyia -wɛ "kɛ nɛ -lɔ "ku wolo-, "ne 'wa "kɛ nɛ -lɔ 'sɛ yibhlele- -gbɔ 'ɛwɛ yua 'ce yle -me.

Zude 1:7

'A 'luɔle- -kɛ Sodɔme 'na weli "ku, Gomɔle "ne 'du -ɛ -ko moa 'awɔ yɔko -wɛ 'wɔ "ku: 'Wa -no -me "nyɛnye "ɛ sɛbhele -wɛ. "Ɛ zoku -wɛ 'na -konya -su 'awɔ 'wayi -gbeyi "ku "ne 'wa -nyɛ 'kpeteklinya 'wɔ "bhaa go 'awɔ, "ne 'wa -zlɛ -lɔ gbo, 'widia -nyɛ 'widia "bhaa go 'awɔ. -Dɛmeda, 'wa 'gbapele -kosu -ɛ "ne nyimɔ -wɛ "me, "ne 'wa yi -lɔ kosɛ -nyɛnye -tle.

'Ylikloylɛleweli 11:8

'Wanɛɛ -gɛzea yi 'ce "ɛ 'du "yitɛ -wɛ "me 'na -digbɛ "me slu, "ɛ 'doɔ 'wa -kole -lɔ 'wanɛɛ "Bhenyɔ klowa "klo, "ɛ 'du -wɛ 'pa- -lɔ wɔkɔle- sɛku Sodɔme "ne Ezipte.

'Ylikloylɛleweli 14:10

'ɔyi -wɛ yi 'ce 'lelee Lagɔ 'na 'kɛle 'na no 'nɔmɔ, "ɛ no -wɛ yi "me "tamale "ne Lagɔ 'yi 'ce 'ɔnɛɛ 'kɛle 'na -slɔ "me slu. "Ne 'ɔ yi 'ce -kosu -nyɛ -biŋu "bhaa "me 'gbapele- kpɛnyee, "nɔgɔzilia 'wlewle -nyɛ 'bhlɛbhlɛyu "bhaa 'yli "ku.

'Ylikloylɛleweli 19:20

'Wa 'sa- "ɛ nɛmɛ -wɛ -nyɛ "guɔkwɔmenyɔ -gbeyi "bhaa, "ɛ "guɔkwɔmenyɔ -gbeyi ne 'pɔle nɛ "ɛ nɛmɛ -wɛ 'yli "ku zɛzɛ. -Se 'ɔ "kɛ 'wa -yle "ɛ nɛmɛ -wɛ 'na 'be, "ne -wa "zo- nɛ 'ɔnɛɛ 'yuslokpo -wɛ ylo no. 'Wa 'pɔ- "ɛ nɛmɛ -wɛ "ne "guɔkwɔmenyɔ -gbeyi -kosu -gbagbo -dee -biŋu 'siɛle yɔko -wɛ "me.