Luke 17:21 - Nouveau Testament bété de Gagnoa

²¹ 'Wa -ka 'anye -bhulɛle nɛɛ: 'Ɛɛ ne lɛ, "ne 'ɛɛ -ce lɛ -ce, "naa- sɛko -wɛ Lagɔ 'na 'Kamalezikpɛ -ko 'anye 'glɛme.»

Luke 17:21 Iomraidhean Croise

Matie 12:28

-Mɔ, Lagɔ 'na Zuzu Wlewle "me 'ye 'e kɛ zuzu -nyɛnyea 'kpeti ne, Lagɔ 'na 'Kamalezikpɛ 'wlo- -lɔ 'anye "ku.

Malke 13:21

'Nyɔkpɔ kɛ 'anye bhulɛle nɛɛ: 'A 'wolo- "ku, «Klise -ko dɛne!» "Ne 'a 'wolo- "ku «'ɔ -ko dɛce» 'a 'to 'ce 'dleku kɛle-.

Luke 17:23

'Wa yi 'ce 'anye bhulɛle- nɛɛ: 'Ɔ -ko mɛce, "ne 'ɔɔ ne lɛ dɛne, "ɛ "tɛnye -wɛ "me 'wa kɛ 'anye bhulɛle-, 'a 'toa 'ce gɛlele-.

Luke 21:8

Zezu nɛɛ: «'A 'luɔle- -kɛ 'ayi "ku, 'nyɔkpɔ te -kɛ 'anye ylo no.» "Naa-, 'nyakpa -kwleyia yi 'ce yi 'neɛ 'tɔ "me, ne 'wa yi no nɛɛ: «'Mɔɔ ne lɛ, lɔbhɔ -ylɛ, 'a toa 'ce 'gɛle-.

Zezu Kli 'na 'Denaade ‑ye Zaa kɛle‑ ne lɛ 1:26

"Ne Zaa yua -lɔ bhulɛle- nɛɛ: «-Ame, 'ŋu nu 'ye 'e "nyɛle -lɔ batɛme. -Mɔ, 'nyɔkpɔ -bholo -ko 'anye 'glɛme 'a "no -yi.

Zezu Kli 'na 'Denaade ‑ye Zaa kɛle‑ ne lɛ 18:36

"Ne Zezu yu -lɔ bhulɛle- nɛɛ: «'Neɛ 'Kamalezikpɛ "ne dodo ne "ku -nɛ yɛ. 'Ɛ kɛ nɛ dodo ne "ku -nɛ yɛ ne, 'neɛ "slojanya -ka nɛ "ku 'ŋunu -se 'wa "kɛ -ame Zufonya kɔ plele-. -Mɔ, -neɛ' 'Kamalezikpɛ "ne dodo ne "ku -nɛ yɛ.»

Wlomɛnya 14:17

"Naa-, Lagɔ 'na klɔgbɔdu "ne kɛ lilɛ -nyɛ no "bhaa 'na weli yɛ. Lagɔ 'na -klɔgbɔdu -noɔ -lɔ "meŋwinɛleɛ, "kuwɛtɛ "ne 'ŋwɛnɛ -ye Zuzu Wlewle 'nyɛ -wɛ yɛ.

Kolɔsenya 1:27

'Ɔ 'yɔbhɔ nɛ -gbɔ 'ɔ "koa -ɛ 'nunadleku ne 'na "kpɔmalesɛ, "ne -klɔgbɔpɔsɛ 'sloa-. "Ɛ -ɛ 'nunadleku ne 'nyakpa 'klekle -nɛ yɛ -lɔ, 'ɛɛ ne lɛ: Klise -ko 'anye -jijɛku "ne 'ɔyi "me, 'a -kɛ 'dleku -gbɔ 'a yi Lagɔ 'na 'ŋlumeɛ 'na dɛ "ye.