Luke 17:1 - Nouveau Testament bété de Gagnoa

¹ Zezu bhulɛle- -lɔ 'ɔnɛɛ gɛlenya nɛɛ: «'nyinyonoli 'na "me bhlileɛ yi 'ce lele- -godogodo. -Mɔ, -eyi -mɔɔ -gbɔ "ne 'wa bhli 'nyinyonoli "me -wɛ, 'ɛnɛɛ kpilɛkpilɛ -wɛ -neɛ' yɛ -lɔ.»

Luke 17:1 Iomraidhean Croise

Matie 16:23

Lɔbhɔ 'ye Zezu 'bheliɔ -lɔ kɔ, "ne 'ɔ yi -lɔ Piɛle bhulɛle- nɛɛ: «'ylile- -ame "guɔ Sata! -E 'yɔbhɔ -gbɔ -e "kɛ -ame zɔ "pɔ, 'yliku -e "titi -lɔ -ame. -E "ne 'pɔ Lagɔ 'nasɛ 'dle, -mɔ, 'nyakpa 'nasɛ 'ye -e 'pɔ -lɔ 'dle.»

Matie 18:7

-Mɔ, -glɔ 'na -ɛ gbɔ "ne 'nyinyonoli -zu "ɛ soɔ -wɛ, 'ɛnɛɛ kpilɛkpilɛ yɛ 'ce -lɔ. -Ɛ gbɔ "ne 'nyɔkpɔ no 'nyinyonoli -wɛ yi 'ce lele- 'yiɛ, -mɔ, 'nyɔkpɔ 'na -ye 'ɛ 'bhale "me -wɛ, 'ɔnɛɛ kpilɛkpilɛ yɛ 'ce -lɔ.

Luke 16:31

"Ne Ablame yu -lɔ bhulɛle- nɛɛ: 'Wa "mɔ Moyize -nyɛ "guɔkwɔmenya "bhaa 'yukwli -fo, 'nyɔkpɔ -kɛ 'se gluzɔ 'wlo ne 'wa -kɔ 'ce 'dleku kɛle- 'kpɛ.»

Wlomɛnya 14:13

-A te 'se gbo bhlebhlele-. -Mɔ, -ye 'a "kɛ nɛ no ne lɛ: 'A te 'a "nɔwli -bɛɛ' 'na -ɛ kɔ zɔ "pɔ "ne 'ɛ kɔ "nyɛnye -noa -wɛ 'yliku 'piɛ.

Wlomɛnya 16:17

-Nyɔsɔwanye, -ye 'e 'yɔbhɔle 'anye "me lo ne lɛ: 'A 'luɔle- -kɛ 'nyakpa 'wa 'dlidlile Lagɔgligbɛ "me -wɛ "ku. 'Wa yi -kɛ 'dlekukɛlenya zɔ 'pɔ, -see 'wa -sɛ 'anyɛɛ -sloaweli -ye 'a -yle -wɛ 'bhulɛ "ku -wɛ za. 'A 'toa -kɛ -la gɛlele gou!

1 Kolɛtenya 10:32

'A te 'nyɔkpɔ 'nyinyonoli "me 'sile 'anyɛɛ nonoli 'klekle "me zufonya, glɛkenya "ne Lagɔgligbɛ 'nabhɛ.

1 Kolɛtenya 11:19

'Ɛ -ŋwa sɔbhɔ, -ye "me 'dliɔdliɔleɛ -ko 'anye 'glɛme -wɛ, 'ɛ dɛku, 'a yi 'siɛ 'wolo- 'tee, "ne -a "kɛ -lɔ 'anyɛɛ 'glɛme 'na -wa -noɔ 'klecɛnya 'gbaa 'waa -wɛ yibhlele-.

1 Kolɛtenya 8:13

'Ɛza, 'e kɛ 'sɛ -yi -gbɔ "ɛ lilɛ -wɛ yi -ame "nowlia -nyɛ -ame "nɔyoa 'wɔ "bhaa 'siɛ 'bhle ne, 'e -ka nɛ 'ɛ nɛmɛ -wɛ li, -se 'e 'toa kɛ 'siɛ 'bhle.

1 Timote 4:1

Zuzu Wlewle -bhulɛ gbɛklɛklɛ nɛɛ: 'Bebhiɛle 'yli "me, -bedia -ka -la Lagɔ 'dleku 'kɛle-. "Ne 'wa "kɛ -da -lɔ 'dlepɔsɛ -gbeyi -nyɛ sloasɛ 'ɛ 'bhale zuzu -nyɛnye "me -wɛ "bhaa 'dle tɛle-.

'Ylikloylɛleweli 2:14

-Mɔ, -ɛ "ne -ame -gɛ 'nɛne -neɛ' dɛku ne lɛ, 'ɛyi 'e "kɛ -lɔ -eyi bhulɛle-: -Neɛ' moɔ, -wa -gɛlele Balaame 'na -sloaweli -wɛ -ko "bhle. "Ɛ Balaame -wɛ "zo- 'awɔ -lɔ Balake 'de "me -gbɔ 'ɔ 'cile- Izlayɛleyua -gbotu. 'Ɔ 'yɔbhɔ 'awɔ -gbɔ 'wa li nɛmɛ -ye 'wa -bɔbɔle "fu 'na lagɔ -wɛ -se 'ŋwenea "kɛ 'widia -seselia "ne 'widia "kɛ 'ŋwenea -seselia

'Ylikloylɛleweli 2:20

-Mɔ, -neɛ' -ɛ "ne -ame -gɛ 'nɛne- ne lɛ: Zezabɛle, 'ŋɔnɔ -ɔ la 'ɔyi "guɔkwɔmeŋɔnɔ -wɛ, -e 'talo 'yi "ne 'ɔ sloa, "ne 'ɔ bhlia 'neɛ "kulɔbhɔnya 'kwlɛ -se 'ŋwenea "kɛ 'widia -seselia "ne 'widia "kɛ 'ŋwenea -seselia, -se 'wa "kɛ 'nɛmea -ye 'wa -bɔbɔle "fu 'na lagɔ -wɛ li.