Luke 16:25 - Nouveau Testament bété de Gagnoa

²⁵ "Ne Ablame yu -lɔ bhulɛle- nɛɛ: 'Na yu, -neɛ' 'dle sibhɔ 'se -klɔgbɔ -ye -e 'pɔ- -neɛ' zikpɛ "me -wɛ "ku, -sɔɔdɛku Laza 'ye nɛ 'kle. -Dɛmeda 'ɔyi 'ye 'ŋwɛnɛ lɔbhɔ -la -lɔ "ne -eyi, -e 'gbape -la -lɔ.

Luke 16:25 Iomraidhean Croise

Matie 27:63

"Ne 'wa yu -lɔ bhulɛle- nɛɛ: «"Bhenyɔ, -anyɛɛ 'dle 'ya -kɛ -bɛɛ' -bholo "ku 'sibhɔ, yowlɛnyɔ ne, 'na -ye 'ɔ -yɛ nɛ -wɛ, 'ɔ nɛɛ: 'Yli ta kɛ 'ple- "bhuɔ ne, 'e yi gluzɔ 'wlo

Malke 9:45

-Neɛ' bho kɛ -eyi 'nyinyonoli noa- ne, 'di "ku. -E "kɛ bho -bholo kɛle- -se 'e "kɛ Lagɔzikpɛ "me plɛ 'nɛne "ne 'ɛ -zi -e "kɛ bho "sɔ kɛle- -se 'wa "kɛ -eyi 'kleyeɛ "me "pɔ.

Luke 16:20

Nyɛzenyɔ -bholo 'pa- 'awɔ Laza, gbi suɛle- 'awɔ 'ɔnɛɛ "ku 'klekle, "ne -se -zle ze -wɛ, 'ɔ 'pe- 'awɔ -lɔ "ɛ -klɔgbɔnyɔ 'na -gbanuɛ "ku.

Luke 16:23

'Ɔ 'gbapele nɛ "kuduku kpɛnyee. 'Ɔ "kɛ 'wli "ku 'libhi ne, 'ɔ 'na 'wolo Ablame -ce "bhle, Laza glu- yɔko.

Luke 16:26

'Ɛ "ne -ɛwɛ 'ɛyi kɔ yɛ, -mɔ, 'anye 'wɔ "bhaa sɔkɔ 'na "yitɛ -gwli -ko 'anye jijɛku, -se -wa 'yɔbhɔ -gbɔ 'wa "kɛ mɛne 'bha- -se 'wa "kɛ 'anyɛɛ mɛce me -wɛ, te -kɛ 'ple, "ne 'ɔ kɛ 'anyɛɛ mɛce 'bha- "ne 'bhɛle- 'ɔ 'cɛ to "ne 'ɔ "kɛ -anyɛɛ mɛne yi.

Luke 6:24

'Anye pɔ -klɔgbɔ "ne 'a -yle -li 'klekle -wɛ, -nyɛzenya 'ye 'a -noɔ -lɔ.

Zezu Kli 'na 'Denaade ‑ye Zaa kɛle‑ ne lɛ 16:33

'E -bhulɛle 'anye soɔ, -se -ame "me, 'a "kɛ "kuwɛtɛ yle. "Naa-, zikpɛ ne "ku, 'a yi "gbape. -Mɔ, 'a "tamale- -kɛ 'dleku: 'E -lu -glɔ to "me zɛ!»

Nonoli 14:22

"Ne 'wa yi -lɔ gɛlenya bhulɛle -gbɔ 'wa -kɛle Lagɔ 'dleku, 'kwɛme "tamaleɛ "me, "ne 'wa yi 'lelee -lɔ no nɛɛ: «-A yi -gbape kpɛnyee "ne -a "kɛ -lɔ Lagɔ 'na 'Kamalezikpɛ "me plɛ.»

Wlomɛnya 8:7

'Diɛɛ, 'nyakpa "kɛ 'wayigɛsɛ 'na 'dlepɔsɛ -gɛlele, Lagɔ 'na -gblenya 'waa -lɔ, 'wayi -wɛ, 'wa "ne "zo Lagɔ 'na -Lɔ 'plome, 'wanɛɛ -dɛku, 'ɛ "ne 'bhɛle gou.

Filiponya 3:19

'Wa yi 'ce "kwlɛbhli, "naa- lilɛliɛ -noɔ -lɔ 'wanɛɛ Lagɔ yɔ. -Ɛ -le 'zu "ku -wɛ -noɔ -lɔ 'wanɛɛ 'ŋlumeɛ yɛ, "ne 'wa "tɛle- -lɔ dodo ne "ku 'na -li 'dle.

1 Tesalonikenya 3:3

'gbapegbapeɛ -ye 'a -ko "me -wɛ te -kɛ 'anye geji "ku -sɛ. "Naa-, 'anye 'nabhɛ 'a -yi sɛ -gbɔ -ye Lagɔ wɔkɔ -anyɛɛ za -wɛ, 'gbapegbapeɛ -ko me "me.

Eblenya 11:25

-Mɔ, 'ɔ 'ŋunu- "ku -gbɔ Lagɔ 'na yua "bhaa 'wa yi 'gɔme gbapele-, "ne 'ɔ yi nɛ -kɛ 'ɔnɛɛ zikpɛ no 'nyinyonoli "me "tɛnye 'tekeyi 'na dɛ, -mɔ Lagɔ 'ye 'ɔ "kɛ nɛ -lɔ 'plome -sɛ.

1 Zaa 2:15

'A te zikpɛ wamale- -se 'a te -ɛ -ko "ɛ zikpɛ "me -wɛ wamale-. 'Nyɔkpɔ kɛ zikpɛ -wa, 'ɔ nyɔ -wɛ "ne To Lagɔ -wa.

'Ylikloylɛleweli 7:14

'E -bhulɛloo nɛɛ: «Anyinɛnyɔ "mɔ -yi -lɔ sɛ.» "Ne 'ɔ yi -lɔ -ame bhulɛle- nɛɛ: «'Nyakpa 'na -ye 'wa 'gbapea- kpɛnyee 'waa -lɔ. 'Bhlɛbhlɛyu 'na dlu nu 'wa -wɛle -lɔ 'wanɛɛ "koti, -ɛwɛza, 'wanɛɛ "koti -plɛ -lɔ 'buu.