Luke 16:24 - Nouveau Testament bété de Gagnoa

²⁴ "Ne 'ɔ yi -lɔ "me 'kpa "yitɛ "ku nɛɛ: -Ame 'to Ablame, 'pɔ 'na nyɛzedle! 'Lebhe- Laza -se 'ɔ "ŋwa 'ɔnɛɛ 'sɔwleyɛ 'ŋu "me -se 'ɔ 'cɛ -ame miɛ "ku tolia-, "naa-, 'e 'gbape kpɛnyee "ɛ -kosu ne "me.

Luke 16:24 Iomraidhean Croise

Matie 25:41

«"Ne -wa -ko 'ɔnɛɛ kɔpɛ "ku -wɛ, 'ɔ "koa 'ce -lɔ bhulɛle- nɛɛ: 'A 'ylile- -ame "guɔ, 'kpilɛkpilɛnyanye -lɛ, 'a me -kosu 'na -ɛ -ka "ku 'nyimɔ "ne Lagɔ -sɛ lɔbhɔ zuzu -nyɛnyea -nyɛ 'ɔnɛɛ -zilia 'wɔ "bhaa -wɛ za "me.

Matie 3:9

-Mɔ, 'a te -kɛ no -gbɔ nɛɛ: -Anye, Ablame 'na yua 'na yua 'ye -a -noɔ -lɔ. Sɛne 'ye 'e bhulɛle lɛ 'anye nɛɛ: 'Tiyi ne, -ye 'a 'wolo dɛne "ku ne, Lagɔ 'yi Ablame 'na yua 'na yua "zoa-!

Matie 5:22

-Mɔ -ame, 'e bhulɛle 'anye nɛɛ: 'Nyɔkpɔ 'na -ɔ kɛ 'ɔ "nɔwli kɛle yɔko 'pɔle-, 'wa yu gbobhlele-, -ɔ kɛ 'ɔ "nɔwli 'yli- nɛɛ: -E "ne "nɛ-, 'wa yu 'ce zufonya 'na gbobhle-zejilɛ "ku kɔme-; -Ɔ kɛ 'ɔluyu no nɛɛ: "Kukwɛ sa bhɔ -eyi 'a, sɔbhɔ 'na nyɔ -wɛ yi 'ce -kosu "me me.

Luke 16:30

"Ne "ɛ -klɔgbɔnyɔ yi no nɛɛ: 'Bhɔ -ɛwɛ 'klekle ne -kɛ -zu -a 'to Ablame, -mɔ, 'nyɔkpɔ kɛ "kuduku 'bha- "ne 'ɔ "koa lo -mele, 'wa yi kɔ bheliɔ-.

Luke 19:9

"Ne Zezu yu -lɔ bhulɛle- nɛɛ: «-Zeka ne "me, Lagɔ 'fuɔ- "ɛ -bhudu ne "me 'na 'nyakpa, "naa- 'ɔyi, Ablame 'na yu 'ye 'ɔ -noɔ -me 'lelee -lɔ.

Luke 3:8

'A 'tlo- bhi, -se 'wa "kɛ 'sɛ yibhlele- -gbɔ 'a 'bheliɔ- kɔ. -Mɔ, 'a te -kɛ no -gbɔ nɛɛ: -Anye, Ablame 'na yua 'na yua 'ye -a -noɔ. Sɛne 'ye 'e bhulɛle lɛ 'anye nɛɛ: 'Tiyi ne, -ye 'a 'wolo dɛne "ku ne, Lagɔ 'yi Ablame 'na yua 'na yua "zoa-!

Zezu Kli 'na 'Denaade ‑ye Zaa kɛle‑ ne lɛ 4:10

"Ne Zezu yu -lɔ bhulɛle- nɛɛ: «-E kɛ nɛ Lagɔ 'na -jɔlo -yi, "ne -e kɛ nɛ -ɔ zlɛ -eyi 'ŋu -wɛ -yi, -eyi -mɔɔ "kɔ nɛ -lɔ zɛlɛ-, "ne 'ɔ "kɛ nɛ -lɔ -eyi 'ŋu 'na -ɛ 'nyɛ zikpɛ -wɛ kɔ 'je.»

Zezu Kli 'na 'Denaade ‑ye Zaa kɛle‑ ne lɛ 4:14

-Mɔ, -ɔ kɛ 'ŋu 'na -ye 'e "kɔ kɔ 'je -wɛ 'nɔmɔ-, 'ŋuto -kɔ 'ce -la 'lɔbhɔ; "Naa-, 'ŋu 'na -ye 'e "kɔ kɔ 'je -wɛ yu 'ce 'ŋuwli "me ylile-, "ne "ɛ 'ŋuwli -wɛ yu 'ce zikpɛ 'na -ɛ -ka "kubhiɛ -wɛ "nyɛ -godogodo 'na dɛ.»

Zezu Kli 'na 'Denaade ‑ye Zaa kɛle‑ ne lɛ 7:37

-Jajo 'na 'be -bhiɛle -yili, -ɛ -noɔ lɛ gwlɛleɛ "yitɛ yɛ ne, Zezu "nyegbele- 'ya, "ne 'ɔ bhulɛle -lɔ -glɔnya nɛɛ: «'Nyɔkpɔ 'na -ye 'ŋuto 'lɔbhɔ-, 'ɔ yili- -ame lo -se 'ɔ "kɛ "nɔmɔ.

Wlomɛnya 4:12

Ablame "zo- -me 'lelee -wa 'diɔ- "ku -wɛ 'wa 'to. -Wa 'diɔ- "ku "ne 'wa -gɛlele -a To Ablame 'na -gbudu -wɛ -ye 'e ga -lɔ -tiaa. "Naa-, 'ɔyi 'wa -na mlɔ nɛ "ku 'di "ne 'ɔ yi -lɔ Lagɔ 'dleku -kɛle.

2 Tesalonikenya 1:8

"ne 'ɔ yi 'ce -wa "ne Lagɔ -yi "ne -wa "ne "zo Anyinɛnyɔ Zezu Kli 'na 'Denaade 'plome -wɛ, 'ɔ yua 'ce -jiɛ "me "pɔ.

Zake 2:13

Sɛko -wɛ, 'gbobhle -zle -kɛ ylɛ-, 'nyɔkpɔ -ɔ "ne "pɔ 'ɔluyu 'na 'nyɛzedle -wɛ, Lagɔ -ka 'ɔnɛɛ 'nyɛzedle "pɔ. -Mɔ 'nyɛzedle -kɛleɛ zi gbobhleleɛ "ku.

Zake 3:6

Miɛ, -kosu yɛ -me -lɔ. Miɛ, 'ɛyi 'ye "nyɛnye -ko -lɔ zɔ. -Anyɛɛ ku 'na -cibhɛ -ɛ pla ku 'klekle fe yɛ -lɔ. Miɛ, 'ɛɛ "zo -lɔ -kosu -anyɛɛ zikpɛ "me. 'Ɛ 'bhale -anyɛɛ gwɛledɛ "ne 'ɛ sɛle -lɔ 'kwiɛ "me 'wli. "Ɛ -kosu -wɛ 'gbapeledɛ "yitɛ "me 'ɛ "bhale -lɔ.

'Ylikloylɛleweli 19:20

'Wa 'sa- "ɛ nɛmɛ -wɛ -nyɛ "guɔkwɔmenyɔ -gbeyi "bhaa, "ɛ "guɔkwɔmenyɔ -gbeyi ne 'pɔle nɛ "ɛ nɛmɛ -wɛ 'yli "ku zɛzɛ. -Se 'ɔ "kɛ 'wa -yle "ɛ nɛmɛ -wɛ 'na 'be, "ne -wa "zo- nɛ 'ɔnɛɛ 'yuslokpo -wɛ ylo no. 'Wa 'pɔ- "ɛ nɛmɛ -wɛ "ne "guɔkwɔmenyɔ -gbeyi -kosu -gbagbo -dee -biŋu 'siɛle yɔko -wɛ "me.

'Ylikloylɛleweli 20:15

'Nyɔkpɔ 'na nyɔ 'na 'tɔ "ne zikpɛbɔgo "me kɛleɔ- -wɛ, -kosu-gbagbo "me 'wa 'pɔ -lɔ.

'Ylikloylɛleweli 22:1

-Ɛwɛ "kɛ 'ple "bhuɔ ne, "nɔgɔzilɔ -tua -ame 'ŋuwli "yitɛ -ɛ 'nyɛ zikpɛ -wɛ 'ylime. 'Ɛ 'lelele "me sɛgbɛɛ zlitiyi -ye 'wa la klisetale -wɛ, 'ɛ 'bhale Lagɔ "ne 'bhlɛbhlɛyu 'na 'leyli-gbɔglo "me.