Luke 16:2 - Nouveau Testament bété de Gagnoa

² "Ɛ "bhenyɔ 'lɔ-, "ne 'ɔ yu -lɔ lo 'yɔbhɔ nɛɛ: -Ye 'e no bhɔ -neɛ' dɛku 'a? Yi -se -seselia "ɛ li -wɛ 'wɔ "me, "naa-, -e -ka -la dɛme 'na -li "klo kole- zɛ.

Luke 16:2 Iomraidhean Croise

Matie 12:36

Gbɛklɛklɛ 'ye 'e bhulɛle lɛ 'anye, gbobhlezle 'nyakpa yi 'ce weli 'klekle -ye 'wa -bhulɛ "ne -ɛ "ne zɔ -kɛ -wɛ 'na 'de -sɛ.

Matie 20:8

Silɔ "kɛ 'yilɔ ne, 'lɛɛbhenyɔ yi -lɔ 'ɔnɛɛ "kulɔbhɔnyɔ bhulɛle- nɛɛ: La libhɔnonya -wɛ, -se 'je -ɔkɔkokɔko 'na 'dlasi kɔ, -mɔ, 'bhale- -kɛ -wa -bhiɛle 'be -wɛ "ku, -se -e "kɛ -kɛ -la 'yuku gɛlenya "ku 'sibhɔ.

Luke 12:20

-Mɔ, Lagɔ 'nyɔ 'de nɛɛ: «-Ɔ "ne lɛ "nɛ- kplokplo -lɛ, sabo ne 'e yi "ku! "Ɛ -ye -e "zo- 'wli 'klekle -wɛ, nyɔ -nɛ yɛ -da?

Luke 12:42

Anyinɛnyɔ nɛɛ: «-Ɔ -noɔ bhɔ "kulɔbhɔnyɔ 'na "namanɔ "ne 'nɛnenyɔ yɔ 'a? 'Ɔnɛɛ -ye "bhenyɔ -sɛ lɔbhɔ nɛɛ: 'E 'je- -eyi libhɔ ne kɔ, -se lɔbhɔ kɛ ylɛ ne, "nyɛ "kulɔbhɔnya 'na -vinoa -wɛ lilɛ.»

Luke 16:1

"Ne Zezu yi -lɔ 'ɔnɛɛ gɛlenya bhulɛle- nɛɛ: «-Klɔgbɔnyɔ -bholo -kɛ 'awɔ -lɔ libhɔnonyɔ 'ɔ -kole 'ɔnɛɛ -li "klo, "ne 'wa yi -lɔ 'ɔnɛɛ "bhenyɔ bhulɛle -gbɔ "ɛ 'nyɔkpɔ -wɛ 'nyimɔ 'ɔnɛɛ -li.

Luke 16:3

"Ne "ɛ libhɔnonyɔ yi -lɔ no nɛɛ: -See 'e "kɛ bhɔ "zo 'a? "Naa-, 'neɛ "bhenyɔ nɛɛ 'e te -kɛ -la 'ɔnɛɛ li "klo kole. 'E "ne -kɛ 'kwlɛ libhɔ 'bhɛle-. 'E "ne -kɛ 'bhɛle- "ne 'e "kɛ nɛne-, 'ɛ yi -kɛ -ame 'zu "ku lele- kpɛnyee.

Wlomɛnya 14:12

'Ɛza, -ɔkɔkokɔko yi 'ce -ye 'ɔ -no -wɛ 'na 'de Lagɔ -sɛle.

1 Kolɛtenya 1:11

"Naa-, -nyɔsɔwanye, Kloe 'na -gligbɛ "ku 'na 'nyakpa -bhulɛle -ame -gbɔ 'a 'diɔle "me.

1 Kolɛtenya 4:2

-Ye 'wa 'yɔbhɔle -tia "ɛ libhɔ -wɛ 'na 'yukugɛlenya "me lo -noɔ -lɔ 'dletɛleɛ yɛ.

1 Kolɛtenya 4:5

Anyinɛnyɔ -namlɛ yi, zaa 'a te -mlɛ 'se 'nyɔkpɔ 'gbobhlele. -Mɔ, 'ɔ kɛ -yi ne, 'ɔɔ "kɛ -lɔ -ɛ zizɔ- titiɛ "me -wɛ "ku 'lea-, "ne 'ɔɔ "kɛ -lɔ 'dlepɔsɛ zle "ku 'lea-, lɔbhɔ 'na dɛku, Lagɔ yi -ɔkɔkokɔko 'ŋlu 'kwa- -se 'ɔ 'yɔbhɔ -wɛ.

2 Kolɛtenya 5:10

Sɛko -wɛ, -anye 'klekle -a yi 'ce Klise 'yliku 'sibhɔ 'ɔnɛɛ 'gbobhleledɛ "me, lɔbhɔ 'ye -ɔkɔkokɔko "kɛ -lɔ -ɛ -noɔ 'ɔnɛɛ yɛ -wɛ ylele-, "namanɔ "ne "nyɛnye, -se 'ɔ -su 'ɔnɛɛ zikpɛ "ku dodo ne "ku -wɛ.

1 Timote 4:14

Te -kɛ Zuzu Wlewle yɛle "ku plɛle-. -E -ylelo "guɔkwɔmenya 'na bhulɛweli kɔ, "ne -Gligbɛyitia yi -eyi 'sɔ 'wli 'piɛ -wɛ.

1 Timote 5:24

'Nyakpa 'na -bedia, 'wa -noa -mlɛ gbobhlele- "ne 'wanɛɛ 'nyinyonoli -ple 'yli. -Mɔ, -bedia nɛ lɔbhɔ "mɔ -na "me gwlɛ, "ne 'wa yibhlele -la -lɔ sɛ.

1 Piɛle 4:10

'A 'kwɛle-kwɛlele, -se -ɔkɔkokɔko 'na 'bhɛloɛ -ye Lagɔ 'jo- kɔ, 'ɔ no 'ɔlua za. 'A ko sɛgbɛɛ Lagɔ 'na "kulɔbhɔnya 'namanoa, -wa -su Lagɔ 'na 'bhɛloɛ -kwleyi -ye 'ɔ 'nyoa- -wɛ 'tee.

1 Piɛle 4:5

-Mɔ, 'wa yi 'ce 'wanɛɛ -ye 'wa -no -wɛ 'na 'de Lagɔ -sɛle, -ɔ -bhɛme -se 'ɔ "kɛ -wa -yɛ "ne -wa "ku- -wɛ gbobhlele.

'Ylikloylɛleweli 20:12

"Ne 'e 'ye- "kudukonya 'ylime, yua "ne "yitia, 'wa 'nyegbe- 'leyli-gbɔglo 'yli "ku, "ne Lagɔbɔgo yi -lɔ "ku 'kɛleɔ-, "ne "bɔgo 'na -vinɛ yi -lɔ "ku kɛleɔ-, -ɛɛ -noɔ -lɔ Zikpɛ -bɔgo yɛ. "Ne 'wa yi -lɔ "kudukonya 'gbobhlele- -see 'ɛ 'kɛleɔ- 'awɔ Lagɔ-bɔgo "me -wɛ.