Luke 15:6 - Nouveau Testament bété de Gagnoa

⁶ 'Ɔ kɛ sueme -ylɛ cuu, 'ɔ la 'ɔ 'titoa "ne 'ɔnɛɛ dɛglinya, "ne 'ɔ bhulɛloa -lɔ nɛɛ: «'A -ya no 'ŋwɛnɛ, "naa-, 'e -yle 'neɛ 'wli -ɔ -bhli nɛ -wɛ!»

Luke 15:6 Iomraidhean Croise

Luke 1:58

'Ɔnɛɛ suemegbalenya "ne 'ɔnɛɛ 'nyoa 'no- 'awɔ "me -gbɔ Anyinɛnyɔ 'slu- 'awɔ -jɔlo "ku za 'wayi 'wɔ "bhaa 'wa no 'awɔ 'ŋwɛnɛ.

Luke 15:10

Sɛbhelɛ -wɛ yɛ -lɔ, 'e bhulɛle 'anye nɛɛ: -Sɔɔdɛku 'nyinyonolinonyɔ -bholo 'bheliɔ- kɔ, "nɔgɔzilia 'wɔ no "nɔgɔ "me 'ŋwɛnɛ.

Luke 15:24

"Naa- 'neɛ yu -ɔ -ko dɛne, 'ɔ "ku nɛ, "ne 'ɔ yi -lɔ glɔ-. 'Ɔ -bhli nɛ "ne 'e yu -lɔ yle. "Ne 'wa yi -lɔ -jajo -no -ku 'ci.

Luke 15:5

"Ne 'ɔ "kɔ -yle, 'ɔ lubhu "ku 'ŋwɛnɛsɛ, "ne 'ɔ 'piɔ -lɔ -bolo "me.

Luke 15:7

'E bhulɛle 'anye nɛɛ: Sɛbhele -wɛ 'ye 'ɛ "kɛ -lɔ ko -me "nɔgɔ "me. 'Ŋwɛnɛ yi 'ce 'kpɔmale-, nyinyonolinonyɔ -bholo kɛ 'ce kɔ 'bheliɔ-, "ne 'ɛ yi 'nyakpa -glo -mɔɔnɔ yɛ kogbɔ fɛɛnɔ -wa ŋwinɛle- "me "ne -wa "ne tɛle- kɔ -bheliɔ 'siɛ -wɛ nɛ "ku zi.

Zezu Kli 'na 'Denaade ‑ye Zaa kɛle‑ ne lɛ 15:14

'A kɛ -ye 'e 'yɔbhɔ -wɛ no ne, 'neɛ 'titoa 'ye 'a -noɔ -lɔ.

Zezu Kli 'na 'Denaade ‑ye Zaa kɛle‑ ne lɛ 3:29

-Ɔ -kwɔ 'ŋɔnɔ -wɛ, -ɔɔ -noɔ -lɔ 'ɔ "luwli yɔ. -Mɔ, "ɛ 'ŋukwanyɔ 'ɔ 'tito, yɔko 'ye 'ɔ -ko -lɔ. 'Ɔ 'fo 'yukwli, "ne 'ŋwɛnɛ 'lɔbhɔ -lɔ 'ɔnɛɛ lɛtɛweli za. "Ɛ soɔ 'na 'ŋwɛnɛ -wɛ 'ɛɛ 'lɔbhɔ -lɔ -ame. -Dɛmeda, 'ɛ "miɛle- -ame 'wliku.

Nonoli 11:23

-Sɔɔdɛku, 'ɔ -ylɛ 'du -wɛ, 'ɔ -na 'wolo Lagɔ 'na -jɔlo -ko 'awɔ Atiɔse -du "me 'na 'klecɛnya "ku, "ne 'ŋwɛnɛ yu -lɔ 'lɔbhɔ-, lɔbhɔ 'ye 'ɔ "tamaloa- -lɔ 'kwɛme, 'ɔ nɛɛ: 'A kɛle- Anyinɛnyɔ 'dleku -godogodo 'anyɛɛ 'dle 'klekle "me.

Nonoli 15:3

"Ne Atiɔse 'na Lagɔgligbɛ yua -lɔ 'dlasi kɔ 'je, -se 'wa "kɛ -glɔ "ku me. 'Wa -ylɛle Fenisi "ne Samali -glɔ "me, "ne 'wa -sɛle -lɔ -glɔnya -wa "ne Zufonya 'waa -wɛ 'de -gbɔ 'wa 'bhelia- 'wanɛɛ -kosɛ -nyɛnye kɔ -se 'wa "kɛ 'wayi Lagɔ kɔ 'je. "Ne 'ŋwɛnɛ 'lɔbhɔ nɛ -lɔ "ɛ "nowlia -wɛ 'klekle.

Filiponya 1:4

-Se 'e bhubhɔ 'ce 'anyɛɛ za 'yiɛ- -wɛ, 'ŋwɛnɛsɛ 'ye 'e bhubhɔ 'ce -lɔ.

Filiponya 2:17

'Anyɛɛ 'dlekukɛleɛ -ko sɛgbɛɛ Lagɔ 'na bɔbɔle -bɛɛ', 'wa kɛ -ame lɔbhɔ "ne 'e kɛ "ku- ne, 'neɛ 'dlu yi 'ɛ bɔbɔle -bɛɛ' -wɛ "ku 'slu. "Ɛ soɔ 'ye 'ɛ kɛ -ylɛle ne, 'neɛ dɛku, 'ŋwanaweli 'ye 'ɛ "kɛ -lɔ "zo 'na 'ŋwɛnɛ -wɛ ne, 'e 'yɔbhɔ -gbɔ 'ɛ 'lɔbhɔ me 'anye 'klekle.

Filiponya 4:1

-Awale 'wanye, 'anyɛɛ to 'lɔbhɔ -ame kpɛnyee za 'e 'yɔbhɔ -gbɔ 'e "kɛ 'anye "kusɔ 'ylime 'ye ka yi. "Naa-, 'anye -noɔ -lɔ 'neɛ 'ŋwɛnɛ 'waa, "ne 'anye -noɔ 'lelee -lɔ 'neɛ -bhlegbimezonya 'waa. 'Ɛnɛɛ za, 'titoa 'wanye, 'a "tɛle Anyinɛnyɔ 'dle gbigbi "ɛ sɛbhele -wɛ.

1 Tesalonikenya 2:19

-Ɛɛ, -anyɛɛ 'dletɛleɛ, -anyɛɛ 'ŋwɛnɛ, "ne -anyɛɛ 'peɛleɛ, 'anye 'waa -lɔ. -Sɔɔdɛku -anyɛɛ "Bhenyɔ Zezu "kɛ 'ce yi -wɛ, 'anyɛɛ za, -anyɛɛ "klo "kɛ -lɔ gbɛklɛklɛ 'pe 'ɔyi 'yliku.

1 Piɛle 2:10

-Watɔ -ce, 'a "ne 'awɔ Lagɔ 'na -gligbɛnya 'waa, -mɔ, -dɛmeda, 'anye -noɔ -lɔ 'ɔnɛɛ -gligbɛnya 'waa. -Watɔ -ce, Lagɔ "ne "pɔ 'awɔ 'anyɛɛ 'nyɛzedle, -mɔ, -dɛmeda, 'ɔ 'pɔ 'anyɛɛ 'nyɛzedle.

1 Piɛle 2:25

'Diɛɛ, 'a -ko 'awɔ sɛgbɛɛ wlia 'na -wa -bhli 'kwlɛ, -mɔ -dɛmeda, 'a 'ylile- wliagɛlenyɔ 'na -ɔ "kɛ 'anyɛɛ zikpɛ -slu -wɛ lo.