Luke 15:24 - Nouveau Testament bété de Gagnoa

²⁴ "Naa- 'neɛ yu -ɔ -ko dɛne, 'ɔ "ku nɛ, "ne 'ɔ yi -lɔ glɔ-. 'Ɔ -bhli nɛ "ne 'e yu -lɔ yle. "Ne 'wa yi -lɔ -jajo -no -ku 'ci.

Luke 15:24 Iomraidhean Croise

Matie 8:22

Zezu -bhulɛlo nɛɛ: «Gɛle- -ame, -se 'tale- -gɛzea 'yi -se 'wa zizi- 'wanɛɛ -gɛzea.»

Malke 8:22

Zezu -nyɛ 'ɔnɛɛ gɛlenya "bhaa -yi -lɔ Bɛtesayida. 'Nyakpa -su -kpelɔbhɔnyɔ, "ne 'wa yu -lɔ Zezu -nɛme, "ne 'wa yi -lɔ Zezu bhubhɔ- nɛɛ: Libhu 'kwlɛ.

Luke 10:19

'E 'je 'anye 'bhɛloɛ kɔ -se 'a "kɛ tɛbhea -nyɛ gagagbitoa 'wɔ "ku 'nɔŋole-, 'wa -nyɛ gblenyɔ 'na 'bhɛloɛ 'klekle "bhaa, "ne -bɛɛ' -ka 'ce 'anye "nyɛnye 'wli no.

Luke 15:23

'A -nɛme -dodobhli, 'a 'lɔbhɔ, 'a -ya li, 'a no -jajo.

Luke 15:25

Yu 'na "yitɔnɔ -ko nɛ 'kwlɛ "me. -Sɔɔdɛku 'ɔ 'bha nɛ "bhle "ne 'ɔ 'nyiɔ nɛ -bhudu yɔko, 'ɔ 'no gbɔgɔ -li "ne lo 'ye -jiji "me.

Luke 15:32

-Mɔ, -zeka "ne "me, -a yi 'na -jajo "ne 'ŋwɛnɛ no. "Naa-, 'e "nɔwli -ɔ -ko doɔ -wɛ "ku- nɛ, "ne 'ɔ yi -lɔ glɔ-. 'Ɔ -bhli nɛ 'kwlɛ "ne 'ɔ yi -lɔ yleɔ-.

Luke 15:4

«'Anyɛɛ 'glɛme 'na 'nyɔkpɔ kɛ wlia 'na glo 'umgbu -kɛ, "ne 'wanɛɛ 'glɛme 'na -bholo kɛ -bhli, 'ɔ yi 'kwlɛ "me "ɛ wlia 'na glo -mɔɔnɔ yɛ kogbɔ fɛɛnɔ -wɛ 'tle-, "ne 'ɔ "kɛ -lɔ -bholo -kpee -ɔ -bhli -wɛ 'siɛ tɛle- -ka me, -kaa "ne 'ɔ "kɔ -lɔ yle.»

Luke 19:10

"Naa- 'Nyɔkpɔ Yowli -yi -se 'ɔ "kɛ -wa -bhli "kwlɛ -wɛ 'fuɔ.»

Luke 9:60

Zezu -bhulɛlo nɛɛ: «'Tale- -gɛzea 'yi -se 'wa zizi- 'wanɛɛ -gɛzea, -mɔ -eyi, me -se -e "kɛ Lagɔ 'na 'Kamalezikpɛ 'na 'de -glɔ -sɛle.»

Zezu Kli 'na 'Denaade ‑ye Zaa kɛle‑ ne lɛ 11:25

"Ne Zezu yu -lɔ no nɛɛ: «-Ame, 'mɔɔ -noɔ -lɔ gluzɔwloɛ yɔ, "ne 'e -noɔ -lɔ zikpɛ yɔ. -Ɔ kɛ -ame 'dleku -kɛ ne, "ku 'ɔ kɛ se 'ku- -ce, 'ɔ yi 'ce lele-.

Zezu Kli 'na 'Denaade ‑ye Zaa kɛle‑ ne lɛ 5:21

-See To sɛ -glukonya glu "ne 'ɔ 'nyoa zikpɛ -wɛ, sɔbhɔ 'ɔ yowli "nyɛ me -lɔ 'nyakpa 'na -ye 'ɔ -wa -wɛ zikpɛ.

Wlomɛnya 11:15

"Naa-, -sɔɔdɛku Lagɔ 'bhoa- 'beku -wɛ, 'ɔyi -nyɛ -glɔnya "bhaa 'gbo 'wa -seliɔ -lɔ. Zaa, 'ɔ 'koa 'ce "kusɔ "klo -glɛle ne, -ɛ "kɛ 'ce bhɔ lɔbhɔ ylɛle? -Wa "ku- -wɛ "kɛ -lɔ zikpɛ "ku "kusɔ 'ylile-.

Wlomɛnya 12:15

-Ye 'ŋwɛnɛ 'lɔbhɔ -wɛ "bhaa, 'a nole- 'ŋwɛnɛ 'gɔme. -Wa 'tu -wɛ "bhaa, 'a 'tule 'gɔme.

Wlomɛnya 6:11

"Ɛ sɛbhele -wɛ, 'anye 'lelee sɛne 'ye -a "kɛ -la -lɔ 'dle "pɔ: 'A "ku- "ne 'nyinyonoli yi -lɔ 'anye "guɔ 'ylile gou, -mɔ, Zezu Kli "bhaa 'a "kɛ -bholo "zo- ne, 'anyɛɛ zikpɛ Lagɔ -nɛ -yɛ -lɔ.

Wlomɛnya 6:13

'Anyɛɛ ku te -kɛ -la 'nyinyonoli "ku lɔbhɔ- sɛgbɛɛ "nyɛnye 'na nonoɛ. -Wa 'bha- 'kwiɛ "me "ne 'wa -yɛ -wɛ 'nasɛ, 'a lɔbhɔ- Lagɔ "ku. 'A 'libhi 'anyɛɛ ku "ku se 'a "kɛ -ɛ ŋwinɛle- "me -wɛ no.

Wlomɛnya 8:2

Sɛko -wɛ, Zuzu Wlewle 'na -Lɔ, -ɛ "nyɛ zikpɛ Zezu Kli "me, -sɛ -ame 'nyinyonoli 'na -Lɔ "ne 'kwiɛ 'na 'galu 'yli.

1 Kolɛtenya 12:26

Ku 'na dɛ -bholo kɛ 'gbape, moɔ 'klekle 'gbape me -lɔ. Ku -cibhɛ nɛɛ -wɛ kɛ 'ŋwɛnɛ no, -ɛwɛ 'klekle nome 'ɛ nome -lɔ.

Efɛzenya 2:1

-Watɔ -ce, 'a "ku- 'awɔ 'anyɛɛ "nyɛnye za, "ne -anyɛɛ 'nyinyonoli za.

Efɛzenya 2:5

'Ɛza, -anye -wa "ku- 'awɔ -anyɛɛ 'nyinyonoli 'na gbo "me -wɛ, Klise "bhaa 'na "kukoleɛ "me, 'ɔ 'je- -anye zikpɛ kɔ. 'Diɛɛ, 'a 'po- Lagɔ 'na "nɛneko 'ylime.

Efɛzenya 5:14

"Naa-, -ɛ 'wlo zɔ 'klekle -wɛ, zle "ku 'ye 'ɛ yi -lɔ, 'ɛza 'wa no -lɔ nɛɛ: Glɔ! -Eyi -mɔ 'ŋɔŋo- -wɛ. "Sɔ "ku -glukonya 'glɛme, -se Klise "kɛ -eyi 'ɔnɛɛ zle "ku -lea.

Kolɔsenya 2:13

'Anye, 'a "ku- 'awɔ 'anyɛɛ 'nyinyonoli 'na gbo "me, "ne 'a "ne 'awɔ 'lelee "ku diɔ- zɛ. -Mɔ, 'ɛ -ko sɔbhɔ "ne Lagɔ 'nyɛ- 'anye zikpɛ Klise "me, "ne 'ɔ 'tale- -anye 'klekle 'na 'nyinyonoli 'na gbo 'yi,

1 Timote 5:6

-Mɔ, "kwiziŋɔnɔ 'na -ɔ tɛle 'ɔnɛɛ zikpɛ 'na 'ŋwɛnɛ -lɛbhɛ 'ɛyi kɔ siɛ -wɛ, 'ɔyi -wɛ, 'ɔ "kɛ 'se -yɛ -ce, 'ɔ -ko sɛgbɛɛ -ɔ "ku- lɛ ne.

Zude 1:12

'Wanɛɛ lɔbhɔkoɛ -nyimɔ 'anye 'klecɛnya 'na 'ŋwɛnɛsɛ 'na 'gɔme liliɛ. Lɔbhɔ -wɛ, 'wa li "ne 'wa -nɔmɔ "ne 'ɛ 'ple- lɔbhɔ, "ne 'ɛ "noa 'zu "ku -le, 'wayi kɔ 'wa 'pɔ -lɔ "ku 'dle. 'Wa -ko sɛgbɛɛ 'ŋu -kɔbhɔ 'ylime "ne 'ɛ "ne -lɔbhɔ "ne -pepe kɔme -lɔ "ɛ "nɔgɔjatlɛ -wɛ. 'Wa -ko sɛgbɛɛ su -ɛ "ne 'ɛnɛɛ 'tlo dɛku bhuɛ 'yli -ko, "ne 'ɛ -bhli lɛ "ne 'ɛ "ku- lɛ gou.

'Ylikloylɛleweli 3:1

"Kɛle "nɔgɔzilɔ -ɔ -ko Salededu "me 'na Lagɔgligbɛ "me -wɛ "ku nɛɛ: -Ɔ -kɛ Lagɔ 'na Zuzu gbɔɔsɔ "ne -zeli gbɔɔsɔ 'na weli ne lɛ. 'E -yi -neɛ' nonoli 'klekle, 'e -yi sɛ -gbɔ 'nyakpa 'pɔ 'dle -gbɔ: -E -yɛ, -mɔ, -e "ku-.