Luke 14:26 - Nouveau Testament bété de Gagnoa

²⁶ «'Nyɔkpɔ kɛ no -gbɔ 'ɔ "kɛ -ame gɛlele-, "ne 'ɔ "mɔ 'ɔ 'to, 'ɔ "nɔ, 'ɔnɛɛ 'nyoa, yua "ne 'ɔ "nowlia, "nɔyoa "ne 'ɔyigɛsɛ 'na zikpɛ "me 'bhale- ne, 'ɔ -ka 'neɛ gɛlenyɔ "zo.»

Luke 14:26 Iomraidhean Croise

Matie 10:37

«-Ɔ kɛ 'ɔ 'to -nyɛ 'ɔ "nɔ "bhaa -wa "ne 'ɛ kɛ -ame "ku -zi, 'ɔ "ne -ame "ku -ŋwa. "Ne -ɔ kɛ 'ɔ yowli -nyɛ 'ɔ yɔŋɔ "bhaa -wa "ne 'ɛ kɛ -ame "ku -zi, 'ɔ "ne -ame "ku -ŋwa.

Luke 14:20

'Ɔnɛɛ tanɔ nɛɛ: 'Ŋulele -bhudume 'ye 'e -ko kɛ lɛ, 'ɛza 'e -ka -kɛ yi.

Luke 14:25

'Nyakpa -kwleyia -gɛle 'awɔ Zezu, "ne 'ɔ yi -lɔ 'beme 'wolo-, "ne 'ɔ yua -lɔ bhulɛle- nɛɛ:

Zezu Kli 'na 'Denaade ‑ye Zaa kɛle‑ ne lɛ 12:25

'Nyɔkpɔ -ɔ -wa 'ɔnɛɛ zikpɛ -wɛ, 'ɛ yu 'ce kɔ 'bha. -Mɔ, 'nyɔkpɔ 'na -ɔ 'bhale- 'ɔnɛɛ zikpɛ "me dodo ne "ku -wɛ, "ɛ zikpɛ -wɛ -kɔ 'ce kɔ 'bha, "ne "ɛ -ka 'ce "kubhiɛ -godogodo.

Nonoli 20:24

-Mɔ -ame, 'neɛ zikpɛ ne, 'ɛ "ne -bɛɛ' "me -ko. -Mɔ 'ɛnɛɛ -ye 'e 'yɔbhɔ lɛ 'tiaa, 'ɛ -leɛ 'e no Anyinɛnyɔ Zezu 'na libhɔ 'ye 'ɔ 'je- -ame kɔ -wɛ -se 'e -sɛ 'wli, zaa Anyinɛnyɔ Zezu 'na libhɔ -ye 'ɔ 'no -gbɔ 'e no -wɛ, 'ɛyi 'ye 'e no -lɔ, -ɛɛ -noɔ -lɔ -gbɔ To Lagɔ 'na 'Denaade, "ne 'ɔnɛɛ 'ŋwanade -wɛ 'e -sɛle -glonya.

Filiponya 3:8

"Ɛ -ɛwɛ 'klekle ne, 'ɛ -ko -ame 'yliku sɛgbɛɛ -bɛɛ' 'na -ye 'e 'pɔ- 'kwlɛ "me Anyinɛnyɔ Zezu Kli za -wɛ. "Ɛ -ye 'e -yibhlele Anyinɛnyɔ Zezu Kli -wɛ, 'ɛ 'kpɔ- "ne 'ɛ -zi -li 'klekle "ku. Zezu Kli za, 'e 'bhale- -li 'klekle "me. 'E 'wolo -da "ku sɛgbɛɛ -didi, -se Klise 'ɔyikɔ "kɛ -bɛɛ' 'na 'ye 'e "kɛ yle -wɛ "zo.

'Ylikloylɛleweli 12:11

-Mɔ, 'wayi, 'wa -lua to "me 'bhlɛbhlɛyu 'na dlu za "ne -see 'wa "zo- Lagɔweli 'na -wayeɛdɛ za. 'Wa 'bhale- 'wanɛɛ zikpɛ "me "ne 'wa 'ŋunu- 'kwiɛ 'na gbo.