Luke 14:23 - Nouveau Testament bété de Gagnoa

²³ "Ne "Bhenyɔ yi -lɔ "ɛ "kulɔbhɔnyɔ bhulɛle- nɛɛ: Me -gwe -wɛ 'wɔ "ku "ne 'laawli "ku, 'nyakpa "bhaa 'a "kɛ "ku sibhɔle- ne bhulɛloa- -se 'titliloa kɔ -se 'wa "kɛ yi, 'neɛ -bhudu "kɛ 'yiɛ.

Luke 14:23 Iomraidhean Croise

Matie 21:43

«'Ɛnɛɛ za 'e bhulɛle lɛ 'anye nɛɛ 'wa yi 'ce Lagɔ 'na 'Kamalezikpɛ 'anye kɔ -sɛ, "ne 'wa 'yi 'ce 'nyakpa 'na -zakpɛ -wa "kɛ gbɔ "ne 'ɛ "kɛ bhi tlo -wɛ "ku kulɛle-.

Matie 5:41

'Nyɔkpɔ kɛ no -gbɔ libhi 'na 'gbudu "ku -se 'nyia- -ame doɔ 'klɛpa ne, kwɔlo- -gwe "ku -kaa -se 'ple lɔbhɔ.

Luke 14:22

"Ne 'ɔnɛɛ "kulɔbhɔnyɔ yi -lɔ yi, 'ɔ nɛɛ: "Bhenyɔ -ye -e -bhulɛ -wɛ 'e -no. -Mɔ 'glidɛ -ko -na lɔbhɔ.

Luke 14:24

"Naa- 'e bhulɛle -eyi nɛɛ: 'Nyakpa -ye 'e la- nɛ -wɛ 'na 'glɛme 'na -bholo -ka "ɛ 'na lilɛ "ne li -me 'kpɛ!

Luke 24:29

Gɛlenya nɛɛ: «-A 'ko dɛne -eyi "bhaa. Te "ple. "Naa-, titiɛ -yi. "Ne zle 'ya flale-.» "Ne Zezu yi -lɔ 'wanɛɛ -bhudu "me plɛ "ne 'ɔ yua -lɔ yɔko to-.

Nonoli 16:15

-Sɔɔdɛku 'ɔ -yle batɛme, 'ɔnɛɛ -bhudu "me 'na -konya "bhaa -wɛ, lɔbhɔ -ye Lidi laloa- -lɔ 'ɔnɛɛ sueme. 'Ɔ nɛɛ: «'A 'cɛ 'diɛɛ 'dleku -kɛ -gbɔ, -ame 'e -kɛle Anyinɛnyɔ 'dleku ne, 'a yi 'neɛ dɛne -ko -ka!» 'Ɔ 'sisi- 'anye "ku "ne -a yi -lɔ "ku 'ŋunu.

Nonoli 18:6

-Mɔ, 'wa sɛ nɛ Pɔle "ne 'wa 'ylu nɛ. Sɔbhɔ za Pɔle -sɛ 'ɔnɛɛ "koti "ku "me "ne 'ɔ yi -lɔ "me -vuku, 'ɔ nɛɛ: «'Anyɛɛ zɛ -ye 'a pɛle -kɛ -wɛ! 'Anyɛɛ gbo yɛ -kɛ -lɔ, 'e "ne "kɛ "bhle -ko "me. -Dɛmeda, -wa "ne zufonya 'waa -wɛ 'ye 'e "kɛ -la -lɔ lo mele.»

Nonoli 28:28

"Ne Pɔle yi 'lelee -lɔ no nɛɛ: -Ye 'a "kɛ yibhlele- ne lɛ. -Wa "ne Zufonya 'waa -wɛ za 'Denaade -yi -lɔ -tiaa. "Naa-, 'wayi, 'wa 'yi 'ce 'yukwli fo zɛ!» [

Nonoli 9:15

"Ne Anyinɛnyɔ yi -lɔ Ananiase bhulɛle- nɛɛ: «Me, yle "bhle "ɛ 'nyɔkpɔ -wɛ, "naa- 'mɔɔ -sɔ -lɔ lɔbhɔ -dudu, -se 'ɔ "kɛ 'na 'tɔ -glɔ -ɛ "ne -ame -yi -wɛ "ne "bhle 'na -klɔgbɔnya -nyɛ Izlayɛleyua" "bhaa sloa-.

Wlomɛnya 10:18

'Ɛza, 'e 'yɔbhɔ -lɔ lo nɛɛ: Zufonya "ne bhɔ "ɛ bhulɛweli ne 'no- 'a? 'Wa 'no- -kɛ "me. "Naa-, Lagɔbɔgo nɛɛ: -A 'no- "guɔkwɔmenya 'na weli "me dodo 'kpɛtɛ ne "ku, "ne 'wanɛɛ bhulɛweli -me -kaa "ne 'ɛ 'sibhɔ- dodo 'na 'wlisɛledɛ "me.

2 Kolɛtenya 5:11

-A -yi -se Anyinɛnyɔ 'na 'plomezoɛ sɛ zɔ ne. 'Ɛza, -a 'tɛle -lɔ -se -a 'cɛ 'nyakpa "me "noa -wɛ 'siɛ. Lagɔ -yi -anye 'tee, "ne 'e -yi sɛ -gbɔ, 'anye 'lelee 'anyɛɛ 'dle -ce zɔ, 'a -yi -anye 'tee.

2 Kolɛtenya 5:20

Zaa, Klise 'na 'tɔme 'ye -a libhi -lɔ weli "ku. 'Diɛɛ, -anye "me 'ye Lagɔ, 'ɔyigɛsɛ la -lɔ 'anye, Klise 'na 'tɔ "me, 'a 'ŋunu "ku -se 'a 'seliɔ gbo 'a -nyɛ Lagɔ "bhaa. -Ɛwɛ, 'ye -a 'yɔbhɔle -lɔ 'anye 'kwɛmetamaleɛ "me.

2 Kolɛtenya 6:1

Zaa, -anye -nyɛ Lagɔ "bhaa -wa nole libhɔ 'gɔme ne, -anye 'yɔbhɔle -lɔ 'anye -ɛne: -Jɔlo -ye Lagɔ 'je 'anye kɔ -wɛ 'a 'te nyimɔ.

Kolɔsenya 1:23

-Mɔ, 'a "tamale- "me 'dlekukɛleɛ "me. 'A te 'se 'Denaade 'guɔ 'ylile-: 'Ɛyi -ye -a "tɛle- -lɔ 'dle. 'Wa -sɛle -wa -ko dodo ne "ku 'klekle -wɛ 'de, 'a 'no -me "me, "ne -ame Pɔle, 'e yi -lɔ "ɛ 'Denaade ne 'na "kulɔbhɔnyɔ "zo.

Kolɔsenya 1:28

"Ɛ Klise ne 'na 'de 'ye -a sɛ -lɔ. "Ne -a "zo -lɔ -ɔkɔkokɔko 'de "me, "ne -a 'sloɛ -lɔ "nane sɛku, -see 'wayi 'klekle "kɛ Klise "me "gɔbhɔle.

2 Timote 4:2

-Sɛ Lagɔ 'na 'Denaade, 'titliloa 'yukwli "me, -se 'ɛ "mɔ "me -ko "ne -se 'ɛ kɛ "me -ko, bhulɛ 'yiɛ, "tamaloa 'kwɛme -se 'wa kɛ 'gbi 'to ne, 'jijaloa 'wli, -se -gbɔtɔloa "ku, -se 'piɛ -kɛ "bhle 'dle -se -e "koa -kɛ sloa -godogodo.