Luke 14:13 - Nouveau Testament bété de Gagnoa

¹³ -Mɔ, -e kɛ -jajo no, la nyɛzenya, bhogbeyinya -nyɛ kpelɔbhɔnya 'wɔ "bhaa.

Luke 14:13 Iomraidhean Croise

Matie 15:30

-Zakpɛ -kwleyia 'yli Zezu lo. 'Wa nɛme 'bhogbeyinya, -kpelɔbhɔnya, 'kɔtɔkɔtɔnya, -wa "ne 'di 'gbo "ne 'gwizinya 'na -kwleyia, 'wa glua Zezu yɔko, "ne 'ɔ yua -lɔ yamalea- 'klekle.

Matie 22:10

"Ne "ɛ "kulɔbhɔnya -wɛ yi -lɔ zɔ 'wlo "ne 'wa yi -lɔ -gwe -gbata "me me, "ne 'wa yi -lɔ -ye 'wa -ylele lɔbhɔ 'klekle -wɛ, "nyɛnyea -nyɛ "namanoa 'wɔ "bhaa 'wli "zo, "ne "ɛ -bhuducibhɛ -mee 'wa "kɛ -jajolilɛ lile- -wɛ yi -lɔ 'yiɛ -gwizi.

Luke 11:41

Zaa, -ye -a -kɛ -wɛ, 'a 'nyɛ 'alua -se 'a "kɛ 'wlele ko.

Luke 14:12

"Ne Zezu yi -lɔ -ɔ lalo- lilɛ "ku -wɛ bhulɛle- nɛɛ: 'E kɛ lilɛ -pi, te -kɛ 'bheyia, -e nowlia, -neɛ' -gligbɛnya -nyɛ klɔgbɔnya 'wɔ "bhaa la -tiaa, -e 'cɛ sɔbhɔ 'sa-, 'wayi, 'wa yi 'ce -eyi la -me, "ne -neɛ' "nɛne -wɛ yi -eyi "me 'wli sɔbhɔ.

Luke 14:14

-E 'cɛ sɔbhɔ 'sa-, 'ŋwɛnɛ yi 'ce -lɔ -eyi 'lɔbhɔ "naa- 'wa "ne -bɛɛ' -kɛ -se 'wa 'cɛ 'beme "zo, -mɔ, Lagɔ "kɛ 'ce -lɔ -eyi 'ŋu 'pɔ, zle "meŋwinɛlenya "kɛ gluzɔ 'wlo.

Luke 14:21

"Ne "ɛ "kulɔbhɔnyɔ yi -lɔ 'wlizɔ zi, "ne 'ɔ yi -lɔ "ɛ weli -wɛ 'klekle 'ɔnɛɛ "bhenyɔ bhulɛle-. Lɔbhɔ 'ɔnɛɛ "Bhenyɔ yi -lɔ 'kɛle 'pɔ "ne 'ɔ yu -lɔ bhulɛle- nɛɛ: Me digbɛme, bhli -gwe -wɛ 'wɔ, la 'nyɛzenya, bhogbeyinya, kpelɔbhɔnya.

Nonoli 9:39

Piɛle "ne -la -boɔ "ne 'ɔ yi -lɔ "ku -sɔ "ne 'ɔ yi -lɔ me. 'Ɔ -ylɛ lɛ 'du ne, "ne 'wa yu -lɔ -bhudu -mee "ɛ Tabita 'na -gɛzɛ 'pe- -wɛ kɔme-. "Kwiziŋwenea 'klekle 'nyegbe- Piɛle 'yliku. 'Wa tu "ne 'wa tuɔ 'awɔ -lɔ Dɔkaase 'na -ye 'ɔ -yɛ nɛ -wɛ 'na "koti 'ye 'wa 'gbli keyi "ne 'ɔ 'kplɛ -wɛ 'ylime.

1 Timote 3:2

"Ɛ -soɔ 'na 'nyɔkpɔ -wɛ, 'ɔ te -kɛ 'nuɔsɔbhɔledɛ kɛle- "kpɛɛ. 'Ɔ kɛle- -kɛ 'ŋɔnɔ bholo -kpee. -Se 'ɔ yibhlele- -kɛ 'ɔyi 'na "ku piɛle -sɛ. -Se 'ɔnɛɛ 'dlepɔsɛ 'namale- -kɛ, -se 'ɔ 'sa 'nyakpa 'na -wa yu "ku plɛ -ka -wɛ 'tee. -Se 'ɔ 'bhɛle -kɛ slosloɛ.

1 Timote 5:10

-Glɔnya -yibhlele sɛ -gbɔ 'nɛne -ko 'ŋɔnɔ yɔ -lɔ. 'Ɔ bhoa- 'ɔnɛɛ yua 'tee. -Wa yu "ku plɛ ka -wɛ, 'ɔ soa- 'tee. 'Ɔ -wɛle 'klecɛnya 'bho yɔko. 'Ɔ -kwɛle "nyɛzenya, "ne 'ɔ -no -li 'klekle -ɛ 'nɛne -wɛ.

Tite 1:8

-Mɔ, 'ɔ yibhlele- -kɛ 'nyakpa 'na "sa sɛ, -se 'ɔ 'wamale- -kɛ -ɛ 'nɛne -wɛ, -se 'ɔ slu -kɛ 'ɔyi 'tee, -se 'ɔ ŋwinɛle- -kɛ "me, -se 'ɔ -ko -kɛ 'wlewle, -se 'ɔ yibhlele- -kɛ 'ɔyi 'na "ku piɛle sɛ.

Filemɔ 1:7

"Nɔwli, 'ŋwɛnɛ 'lɔbhɔ- -ame "yitɛ "ku, "ne 'ɛ "tamalea- -ame "kwɛme, sɛko -wɛ, -neɛ' 'ŋwɛnɛ -ye -e -kɛ 'wlewlea za "me -wɛ "zoa -nyɔŋo "me.

Eblenya 13:2

'A te -kɛ 'nyakpa -wa yi 'anyɛɛ -moɔ -wɛ 'na 'tee -sɛɛ "ku dlu. -Wa -no "ɛ -soɔ -wɛ 'na -bedia sa- 'awɔ "nɔgɔzilia 'tee "ne 'wa "ne 'awɔ sɛ -yibhlele.