Luke 13:4 - Nouveau Testament bété de Gagnoa

⁴ "Ne, 'nyakpa kogbɔ gbɔɔta -ye Siloe 'na "ku 'jejele-bhudu -bhlile "ku "ne 'wa "ku- -wɛ, 'wanɛɛ 'nyinyonoli 'kpɔ- bhɔ "ne 'ɛ -zi Zeluzalɛme 'na 'nyakpa -nɛ "ku bha?

Luke 13:4 Iomraidhean Croise

Matie 18:24

'Ɛ "kɛ "ku ci ne, 'nyɔkpɔ 'na -ɔ -kɛ ɔnɛɛ 'dlasi -kwleyi 'na 'gɛgbo 'ye 'wa -nɔmo -lɔ.

Matie 6:12

'Tale- -anyɛɛ "nyɛnye -ye -a no -eyi 'wli -wɛ 'yi, -see -anye 'nabhɛ -a 'tale "nyɛnye -ye -alua -no -anye 'wli -wɛ 'yi.

Luke 11:4

'Tale- 'anyɛɛ "nyɛnye 'yi, -see -a 'tale -alua nɛ 'yi -wɛ, te -kɛ -anye 'yi 'tale- -se -a te -kɛ "mebeamɔ bhlile-.

Luke 13:3

'Bhɔ! 'E bhulɛle 'anye nɛɛ 'a "mɔ -kɛ kɔ 'bheliɔ-, "ɛ sɛbhele -wɛ 'ye 'a "kɛ -lɔ "ku me 'klekle.

Luke 13:5

'Bhɔ -kɛ, -mɔ, 'e bhulɛle 'anye, 'a "mɔ kɔ 'bheliɔ-, "ɛ sɛbhele -wɛ 'ye 'a "kɛ 'ce -lɔ "ku me.

Zezu Kli 'na 'Denaade ‑ye Zaa kɛle‑ ne lɛ 9:11

'Ɔ nɛɛ: «'Nyɔkpɔ -ye 'wa la Zezu -wɛ -no -lɔ paple, "ne 'ɔ 'yi -lɔ -ame 'yli "klo 'diale-, "ne 'ɔ yi -lɔ -ame bhulɛle- nɛɛ: Me Siloe -se 'bhudɔ-. "Ne 'e yi -lɔ "bhle me, "ne 'e yi -lɔ 'bhudɔ-, "ne 'e yi -lɔ 'siɛ 'ye.»

Zezu Kli 'na 'Denaade ‑ye Zaa kɛle‑ ne lɛ 9:7

"Ne 'ɔ yu -lɔ bhulɛle- nɛɛ: «Me, -se -e "kɛ Siloe 'na 'ŋu -wɛ "me 'bhudɔle.» "Ɛ 'tɔ «Siloe -wɛ» sɛ zɔ nɛɛ «Lebhelebheyu.» "Ne "ɛ -kpelɔbhɔnyɔ yi -lɔ me, "ne 'ɔ yi -lɔ 'bhudɔ-. 'Ɔ -le 'wlizɔzi dɛku "ne 'ɔ yi -lɔ 'siɛ 'ye gbɛklɛklɛ.

Nonoli 28:4

"Ne Malte -du "me 'na 'nyakpa "kɛ "ɛ "ŋwetɛbhɛ -ɔ -bubɔ Pɔle 'na sɔ -wɛ 'ylime 'ye ne, 'wa -bhulɛ -bhulɛle nɛɛ: «"Ɛ 'nyɔkpɔ ne, 'nyakpalɔbhɔnyɔ yɔ -lɔ -diɛɛ. Jinyɛ "no lɔbhɔ, -mɔ Lagɔ -ɔ 'ŋwinɛle- "me -wɛ yi -gbɔ "ne 'ɔ -ka 'lele-.»