Luke 13:24 - Nouveau Testament bété de Gagnoa

²⁴ «'A 'tɔtɔle- -kɛ 'ayi kɔ, -se 'a "kɛ -kɛ -gbanuɛgwe 'tekeyi "me ylɛle- -me, "naa-, 'e bhulɛle 'anye nɛɛ: 'Nyakpa -kwleyia yi 'ce "bhle 'na plɛplɛɛ siɛtɛle-, "ne 'wa -ka 'ce "bhle plɛ.

Luke 13:24 Iomraidhean Croise

Matie 11:12

'Ɛ 'cile- Zaa Batise "ku -kaa "ne 'ɛ -ylɛ lɛ -dɛme ne, Lagɔ 'na 'Kamalezikpɛ 'kpokposɛ 'wa -su -lɔ "ku, zaa, 'kpokponya tɛle -lɔ 'ɛnɛɛ "ku libhiɛ 'siɛ.

Luke 13:23

"Ne 'nyɔkpɔ yu -lɔ lo 'yɔbhɔ- nɛɛ: «Anyinɛnyɔ, 'nyakpa 'na -zakpɛ 'tekeyi "kɛ 'ce bhɔ 'po 'a?» "Ne Zezu yu -lɔ bhulɛle- nɛɛ:

Luke 21:36

'A 'ple 'yli -se 'a ko lɔbhɔ, 'a bhubhɔ- 'yiɛ -se "ɛ -li -nyɛnye -wɛ 'klekle te -kɛ 'anye yle. 'Nyɔkpɔ Yowli kɛ -yi 'a "kɔ 'yliku 'nyegbe -me.

Zezu Kli 'na 'Denaade ‑ye Zaa kɛle‑ ne lɛ 13:33

'Na 'yueja nye, 'e "kɛ 'anye 'glɛme 'bha- 'na dɛ "ne -la dɛtlo; "ne 'a "kɛ 'ce -lɔ -ame 'siɛ tɛle-. -Ye 'e -bhulɛle Zufonya -wɛ, 'ye 'e bhulɛle me 'lelee -lɔ 'anye nɛɛ: -Dee 'e me -wɛ, 'a -ka lɔbhɔ "mɔme-.

Zezu Kli 'na 'Denaade ‑ye Zaa kɛle‑ ne lɛ 5:4

]

Zezu Kli 'na 'Denaade ‑ye Zaa kɛle‑ ne lɛ 6:27

'A te lilɛ 'na -ɛ 'zu -wɛ za libhɔ "me 'diɔle-. -Mɔ, 'a no lilɛ 'na -ɛ 'nyɛ Lagɔ 'na zikpɛ -ɛ -ka lɛ "kubhiɛ -wɛ 'na libhɔ. "Ɛ lilɛ -wɛ, 'Nyɔkpɔ Yowli 'yi 'ce 'anye "nyɛ; "Naa-, To Lagɔ, 'ɔyigɛsɛ, 'ɔɔ 'jo- -lɔ "ɛ soɔ 'na 'bhɛloɛ -wɛ kɔ zɛ.»

Zezu Kli 'na 'Denaade ‑ye Zaa kɛle‑ ne lɛ 7:34

'A yi 'ce -ame 'siɛ tɛle- "ne 'a -ka 'ce -ame yle. "Naa-, -dee 'e -ko -wɛ, 'a "ne 'bhɛle- "ne 'a "kɛ lɔbhɔ yi zɛ.»

Zezu Kli 'na 'Denaade ‑ye Zaa kɛle‑ ne lɛ 8:21

"Ne Zezu yua -lɔ "kusɔ bhulɛle- nɛɛ: «'E kaa- me. -Mɔ, 'a yi 'ce -ame 'siɛ tɛle-, "ne 'a yi 'ce 'anyɛɛ 'nyinyonoli "me "kule. "Ne -mee 'e me 'ce -wɛ, 'a -ka 'ce lɔbhɔ "mɔme-.»

Wlomɛnya 10:3

'Wa "ne -see Lagɔ "zoa 'nyakpa "meŋwinɛlenya -wɛ 'na weli "me 'no-, 'wa -tɛle -see 'nyakpa "kɛ 'wanɛɛ "meŋwinɛlesɛ slu klepaa -wɛ 'siɛ. -Soɔ 'wa -sɛ -lɔ Lagɔ 'na -gwe -ye 'ɔ bhli "ne 'ɔ ŋwinɛlea- 'nyakpa "me -wɛ 'na lo.

Kolɔsenya 1:29

'Ɛza, 'e no -lɔ libhɔ, "ne 'e "tɔtɔle -lɔ 'ayikɔ Klise -ɔ -ko -ame "me 'ɔnɛɛ 'bhɛloɛ "bhaa -wɛ za.

Eblenya 4:11

'Ɛnɛɛ za, -a -ya tɛle- 'siɛ 'dle "namanɔ "me -see -a "kɛ "zo "ne -a "kɛ "ɛ nyɛpɛ nyɛpɛɛ -wɛ yle. -Se 'nyɔkpɔ te -kɛ zɔ bhli -wa -sɛ 'plome -wɛ 'nasɛ.

2 Piɛle 1:10

Zaa, -nyɔsɔwanye, 'a 'gwele 'se 'ayi kɔ -se 'a "kɛ Lagɔ 'na 'laweli "ne 'ɔnɛɛ -se 'ɔ -tɔ 'anye -wɛ 'dle "tɛle. 'A kɛ -soɔ 'ayi -su, 'a -ka 'ce 'nyinyonoli "me 'bhlile-.