Luke 13:21 - Nouveau Testament bété de Gagnoa

²¹ 'Ɛ -ko sɛgbɛɛ: Manyɔ -ye 'ŋɔnɔ libhi- "ku, "ne 'ɔ yi "fɔlɔbhobho 'na "kɔpo ta wɔkɔ-, "ne 'ɔ yi manyɔ "me "zo -se 'ɛ "kɛ -kɛ 'flu.»

Luke 13:21 Iomraidhean Croise

Matie 13:33

"Ne Zezu yua -lɔ nunɛ 'na -vinɛ "pɔle nɛɛ: «Lagɔ 'na 'Kamalezikpɛ -ko sɛgbɛɛ manyɔ -ye 'ŋɔnɔ libhi- "ku, "ne 'ɔ yi "fɔlɔbhobho 'na "kɔpo ta wɔkɔ-, "ne 'ɔ 'yi "me "zo -se 'ɛ "kɛ -kɛ 'flu.»

Luke 13:20

"Ne Zezu yi 'lelee -lɔ bhulɛ nɛɛ: «-ye 'e "kɛ bhɔ Lagɔ 'na 'Kamalezikpɛ wɔkɔle- 'a?

Zezu Kli 'na 'Denaade ‑ye Zaa kɛle‑ ne lɛ 15:2

Klɛ 'klekle 'na -ɛ -glɛ -ame 'glɛ "ne 'ɛ "ne tlo bhi -wɛ, -ame To "ku 'ye 'ɔ 'di -lɔ. "Ne klɛ 'klekle 'na -ɛ tlo bhi -wɛ, 'ɔ tɛle 'tee -se 'ɛnɛɛ bhi "kɛ zimale- 'yiɛ-.

Zezu Kli 'na 'Denaade ‑ye Zaa kɛle‑ ne lɛ 4:14

-Mɔ, -ɔ kɛ 'ŋu 'na -ye 'e "kɔ kɔ 'je -wɛ 'nɔmɔ-, 'ŋuto -kɔ 'ce -la 'lɔbhɔ; "Naa-, 'ŋu 'na -ye 'e "kɔ kɔ 'je -wɛ yu 'ce 'ŋuwli "me ylile-, "ne "ɛ 'ŋuwli -wɛ yu 'ce zikpɛ 'na -ɛ -ka "kubhiɛ -wɛ "nyɛ -godogodo 'na dɛ.»

1 Kolɛtenya 5:6

'A "ne nɛ 'bhɛle- "ne 'a "kɛ nɛ 'ayi "ku 'kpɔmalea-. 'A "ne bhɔ 'sɛ -yi -gbɔ manyɔ 'tekeyi 'yolia 'tatagonyi "ne 'ɛ 'flu?

Filiponya 1:6

'E -kɛ -bɛɛ' -bholo 'dleku, 'ɛɛ -noɔ -lɔ nɛɛ: Lagɔ -ɔ 'ci- "ɛ libhɔ "namanɔ 'anye 'glɛme "ku ne, 'ɔ 'yi no -kaa, "ne 'ɛ "kɛ 'ce -lɔ Zezu Kli 'na yizle 'wlizɔ bhiɛle-.

Zake 1:21

Zaa, 'a 'tale- "nyɛnye "ne -li 'klekle -ɛ pla 'anye 'fe -wɛ 'yi, -se 'dlewɔtɛ "me, 'a 'sa weli -ye Lagɔ "zo- 'anye 'dlezɔ -wɛ kɔ, 'ɛ bhɛle -se 'ɛ "kɛ 'anyɛɛ zikpɛ 'fuɔ.