Luke 12:5 - Nouveau Testament bété de Gagnoa

⁵ -Ye 'a "kɛ -gɛ 'gu -wɛ 'e "kɔ 'anye 'sloa-, 'a 'gu, -ɔ kɛ 'lɔbhɔ- "bhuɔ, "ne 'ɔ "kɛ "wugɔŋo -kosu "me 'pɔ -wɛ -gɛ. -Ɛɛ 'ɔyi -wɛ, 'a 'gu -gɛ. Soɔ 'ye 'e lɛ -lɔ.

Luke 12:5 Iomraidhean Croise

Matie 10:28

'A te 'nyakpa -wa 'lɔbhɔ ku -mɔ, 'wa "ne 'bhɛle- "ne 'wa "kɛ 'wugɔŋo 'lɔbhɔ -wɛ -gɛ 'gu. -Ye 'a "kɛ -gɛ 'gu -noɔ -lɔ Lagɔ yɔ, "naa-, 'ɔ -kɛ 'bhɛloɛ -se 'ɔ kɛ 'wugɔŋo -nyɛ ku "bhaa 'lɔbhɔ -se 'ɔ 'cɛ -kosu "me 'pɔ.

Matie 25:41

«"Ne -wa -ko 'ɔnɛɛ kɔpɛ "ku -wɛ, 'ɔ "koa 'ce -lɔ bhulɛle- nɛɛ: 'A 'ylile- -ame "guɔ, 'kpilɛkpilɛnyanye -lɛ, 'a me -kosu 'na -ɛ -ka "ku 'nyimɔ "ne Lagɔ -sɛ lɔbhɔ zuzu -nyɛnyea -nyɛ 'ɔnɛɛ -zilia 'wɔ "bhaa -wɛ za "me.

Matie 25:46

"Ne -wa -no "nyɛnye -wɛ "kɛ 'ce -lɔ -jiɛ 'na -ɛ -ka "kubhiɛ -wɛ "me me, "ne "meŋwinɛlenya "kɛ 'ce -lɔ zikpɛ 'na -ɛ -ka "kubhiɛ -wɛ yle.»

Matie 5:22

-Mɔ -ame, 'e bhulɛle 'anye nɛɛ: 'Nyɔkpɔ 'na -ɔ kɛ 'ɔ "nɔwli kɛle yɔko 'pɔle-, 'wa yu gbobhlele-, -ɔ kɛ 'ɔ "nɔwli 'yli- nɛɛ: -E "ne "nɛ-, 'wa yu 'ce zufonya 'na gbobhle-zejilɛ "ku kɔme-; -Ɔ kɛ 'ɔluyu no nɛɛ: "Kukwɛ sa bhɔ -eyi 'a, sɔbhɔ 'na nyɔ -wɛ yi 'ce -kosu "me me.

Malke 13:23

'E ligba- -kɛ 'anye -ɛ "kɛ yi -wɛ 'na weli, zaa, 'a 'luɔ- -se 'a ko kɛ 'lɔbhɔ.

1 Tesalonikenya 4:6

"Ɛ weli ne kɔ, 'nyɔkpɔ te 'ɔ "nɔwli "nyɛnye no -se 'ɔ 'to gbo 'wlime 'gbli. "Naa-, Anyinɛnyɔ ziɛ -kɛ -ɛwɛ 'klekle 'na gbo, sɛko -wɛ, -a -bhulɛle nɛ 'anye "ne -a "pleplele- nɛ lɔbhɔ "me.

Eblenya 10:31

-E kɛ Lagɔ -ɔ -yɛ 'gbligbli -wɛ gbo kɔ -ylele, 'ɛ -le -nyanɔ "ku!

2 Piɛle 2:4

"Naa-, Lagɔ "ne -kɛ 'ɔnɛɛ "nɔgɔzilia 'wa -no 'nyinyonoli -wɛ 'na 'gbo 'yi 'tale-. -Mɔ, -dee 'wa "kɛ 'gbapele 'ye 'ɔ siloa- -lɔ, "ne 'ɔ yua -lɔ gwa- 'gɔgɔ "nu ''titiɛ "me, "ne 'ɔ yua -lɔ 'kulɛ- -kaa -se 'gbobhle -zle "kɛ ylɛ.

'Ylikloylɛleweli 14:7

"Nɔgɔzilɔ 'kpa "me, 'ɔ nɛɛ: 'A "zo Lagɔ 'plome, -se 'a 'kwɔ 'ŋlu, "naa-, lɔbhɔ -ylɛ, -dee 'ɔ "kɛ -glɔnya gbo bhlele- -wɛ. 'A bɔbɔ -ɔ 'wlɛ- "nɔgɔ -nyɛ dodo "bhaa "ne jinyɛ -nyɛ 'ŋuwli "bhaa -wɛ.

'Ylikloylɛleweli 15:4

Anyinɛnyɔ, -ɔ -ka bhɔ -eyi 'plome "zo 'a? "Ne -ɔ -ka bhɔ -neɛ' 'tɔ 'ŋlu 'kwa-? "Naa-, -eyi -bholo -kpee -mɔɔ -ko -lɔ 'wlewle, -glɔnya 'klekle yi 'ce yi "ne 'wa yi 'ce -eyi 'kokomini 'dle "me 'pɔle, "naa-, 'wayi 'klekle yi -neɛ' nonoli -ɛ ŋwinɛle- "me -wɛ 'ylime 'ye.

'Ylikloylɛleweli 20:14

"Ne 'wa yi -lɔ 'kwiɛ -nyɛ "kuduku "bhaa -kosu-gbagbo "me "pɔ. "Ɛ -Kosu-gbagbo -wɛ -noɔ -lɔ 'kwiɛ 'na "sɔnɛɛ yɛ.