Luke 12:42 - Nouveau Testament bété de Gagnoa

⁴² Anyinɛnyɔ nɛɛ: «-Ɔ -noɔ bhɔ "kulɔbhɔnyɔ 'na "namanɔ "ne 'nɛnenyɔ yɔ 'a? 'Ɔnɛɛ -ye "bhenyɔ -sɛ lɔbhɔ nɛɛ: 'E 'je- -eyi libhɔ ne kɔ, -se lɔbhɔ kɛ ylɛ ne, "nyɛ "kulɔbhɔnya 'na -vinoa -wɛ lilɛ.»

Luke 12:42 Iomraidhean Croise

Matie 13:52

"Ne Zezu yua -lɔ bhulɛle- nɛɛ: «Sɔbhɔ 'ye -Lɔslonyɔ, -ɔ -yibhlele Lagɔ 'na 'Kamalezikpɛ "me 'na weli -wɛ, 'ɔ -ko sɛgbɛɛ suebhenyɔ, -ɔ -sɛ 'ɔnɛɛ zizidɛ -li 'na 'lele "ne 'ɛnɛɛ 'gɔgɔ.»

Matie 20:8

Silɔ "kɛ 'yilɔ ne, 'lɛɛbhenyɔ yi -lɔ 'ɔnɛɛ "kulɔbhɔnyɔ bhulɛle- nɛɛ: La libhɔnonya -wɛ, -se 'je -ɔkɔkokɔko 'na 'dlasi kɔ, -mɔ, 'bhale- -kɛ -wa -bhiɛle 'be -wɛ "ku, -se -e "kɛ -kɛ -la 'yuku gɛlenya "ku 'sibhɔ.

Luke 12:43

'Ŋwɛnɛ 'lɔbhɔ "ɛ "kulɔbhɔnyɔ -ye 'ɔnɛɛ "bhenyɔ -ylele libhɔ 'yli "me -wɛ.

Luke 7:13

Anyinɛnyɔ "kɛ "ɛ 'ŋɔnɔ -wɛ "ylime 'ye, -nyɛze "ku 'ye 'ɔ lelo- -lɔ, "ne 'ɔ yu -lɔ bhulɛle- nɛɛ: Te -la 'tu.

Luke 7:19

"Ne 'ɔ yua -lɔ Anyinɛnyɔ "ku 'lebhele- -gbɔ 'wa 'yɔbhɔ lo nɛɛ: -Mɔɔ -noɔ bhɔ -ɔ "kɛ yi -wɛ yɔ, -mɔ, -a yi 'na bhɔ -vinɔ wo 'a?

Nonoli 20:28

Zaa, 'a 'slu "kɛ 'ayi 'tee, -se 'a 'slu -me "kɛ 'lelee Zuzu Wlewle 'na wlia 'ye 'ɔ -kulɛle 'anye "ku -wɛ 'tee, -se Lagɔ -gligbɛ 'ye 'ɔ sɔbhɔ- 'ɔyigɛsɛ 'ɔ yowli 'na dlu nu -wɛ "kɛ -kɛ 'anye 'fuɔ.

1 Timote 3:15

'E "mɔ -na -kɛ -dɛme -yi, "ɛ "bɔgo ne "kɛ -kɛ -lɔ -eyi sloa, -neɛ' -see -e "kɛ -eyi slu "ɛ Lagɔgligbɛ ne "me. "Ɛ -gligbɛ ne, Lagɔ -ɔ -yɛ gbligbli nɛ yɛ -lɔ, "ne 'ɔ -kɛ -lɔ kɔ, "ne 'ɔ -kole -lɔ "klo, "ne 'ɛ -noɔ -lɔ gbɛklɛklɛ 'na 'gblɛ yɛ.

1 Timote 5:17

"Yitia kɛ Lagɔgligbɛ 'yliku "zolea- 'tee ne 'wa yi 'wanɛɛ peɛloɛ yle "kusɔ 'na dɛ. -Wa 'cɛ yle -tiaa -noɔ -lɔ -wa sɛ Lagɔ 'na 'Denaade "ne -wa sloɛ -wɛ.

2 Timote 4:2

-Sɛ Lagɔ 'na 'Denaade, 'titliloa 'yukwli "me, -se 'ɛ "mɔ "me -ko "ne -se 'ɛ kɛ "me -ko, bhulɛ 'yiɛ, "tamaloa 'kwɛme -se 'wa kɛ 'gbi 'to ne, 'jijaloa 'wli, -se -gbɔtɔloa "ku, -se 'piɛ -kɛ "bhle 'dle -se -e "koa -kɛ sloa -godogodo.

Tite 1:7

"Naa-, -ɔ -gɛ Lagɔgligbɛ 'yuku -wɛ, 'ɔ "ne kɛle- -da nuɔsɔbhɔledɛ kplokplo, -see 'ɔ -gɛ Lagɔgligbɛ 'yuku -wɛ za: 'Ɔ te -kɛ "bhabhanyɔ, "kɛlenyɔ, nogbinɔmɔnyɔ, 'gɔlegwenyɔ "zo, -se 'ɔ te "kɛ 'lelee 'dlasi -vi "me "ku libhile.

Eblenya 13:17

'A "zo 'anyɛɛ 'yukugɛlenya 'plome, -se 'a kwlilea- 'ayi "ku 'wayi 'yli "ku. "Naa-, 'waa- -kole -lɔ 'anye "klo, sɛko -wɛ, 'waa- "kɛ 'ce -lɔ Lagɔ 'de -sɛle. Zaa, 'a "koa 'plome "zo, 'wa yi 'wanɛɛ libhɔ 'ŋwɛnɛsɛ no. 'Ɛ "mɔ -kɛ sɔbhɔ yɛ, 'wa 'ŋuŋwɔŋuŋwɔle "me "ne 'wa "kɛ -lɔ "ɛ libhɔ -wɛ no, "ne 'a -ka "bhle -bɛɛ' ylele-.

Eblenya 13:7

'Anyɛɛ 'dle 'sibhɔ 'se 'anyɛɛ "yitia -gɔgɔa -wa -sɛle 'anye Lagɔ 'na 'Denaade -wɛ "ku. 'A wolo- -see 'wanɛɛ zikpɛ -bhiɛ 'wlizɔ -wɛ "ku, -se 'a 'didale- 'wanɛɛ -see 'wa -kɛle Lagɔ 'dleku -wɛ.

Eblenya 3:5

'Ɛ kɛ Moyize yɔ, Lagɔ 'na "kulɔbhɔnyɔ -ɔ "tɛle- 'ɔnɛɛ libhɔ 'klekle 'dle -bhudu "me yɔ 'awɔ -lɔ. "Ne 'ɔ "kɛ 'awɔ -lɔ -ye Lagɔ "kɛ bhulɛ -wɛ 'na -ɔyeɛdɛ "zo.

1 Piɛle 4:10

'A 'kwɛle-kwɛlele, -se -ɔkɔkokɔko 'na 'bhɛloɛ -ye Lagɔ 'jo- kɔ, 'ɔ no 'ɔlua za. 'A ko sɛgbɛɛ Lagɔ 'na "kulɔbhɔnya 'namanoa, -wa -su Lagɔ 'na 'bhɛloɛ -kwleyi -ye 'ɔ 'nyoa- -wɛ 'tee.