Luke 12:32 - Nouveau Testament bété de Gagnoa

³² Nyanɔ te 'anye 'lɔbhɔ, -zakpɛ 'tekeyi lɛ, "naa-, 'a To 'je- 'anye 'Kamalezikpɛ kɔ zɛ.»

Luke 12:32 Iomraidhean Croise

Matie 14:27

"Ne Zezu yua -lɔ bhulɛle- cuu nɛɛ: «'A 'piɛ "bhle 'dle! -Ame yɔ -lɔ, -mɔ, 'a te 'gu!»

Matie 20:16

Sɔbhɔ 'ye 'bebhiɛlenya "kɛ 'ce -lɔ 'yuku 'gɛle-, "ne -wa -gɛ 'yuku -wɛ "kɛ 'ce -lɔ 'be bhiɛle-.»

Matie 25:34

"Ne -klɔgbɔnyɔ "kɛ 'ce -lɔ -wa -ko lilikwlɛ "ku -wɛ bhulɛle- nɛɛ: 'Anye -ye -a To Lagɔ 'pɔ- 'ŋu -wɛ, 'a yi, 'e 'je 'anye 'Kamalezikpɛ -ye Lagɔ 'jijalea- 'wli zikpɛ 'na "kucidɛku 'anyɛɛ za -wɛ kɔ.

Matie 7:15

«'A 'luɔle- -kɛ "guɔkwɔmenya -gbeyia "ku! 'Wa -pla -kɛ wliaku "me "ne 'wa yile -kɛ -lɔ 'anye lo. -Mɔ, 'wanɛɛ 'mene -ko -kɛ sɛgbɛɛ 'slukua.

Luke 10:21

"Ɛ -gbabhele -wɛ "me, Zuzu Wlewle 'labha- Zezu 'ŋwɛnɛ, 'ɔ nɛɛ: «'To Lagɔ, "nɔgɔ -nyɛ dodo "bhaa 'na "Bhenyɔ, 'e 'kwa -eyi 'ŋlu, -ye -e zizile- 'ylimeyamalenya "ne "bɔgoyibhlelenya "bhaa 'ylime -wɛ, 'ɛyi 'ye -e -tuɔ -lɔ -wa "ne -bɛɛ' "me -ko -wɛ 'ylime. To Lagɔ -see -e 'yɔbhɔ -neɛ' 'nɛne -ko -ylime -wɛ sɔbhɔ 'ye 'ɛ -ylɛle -lɔ.»

Zezu Kli 'na 'Denaade ‑ye Zaa kɛle‑ ne lɛ 18:36

"Ne Zezu yu -lɔ bhulɛle- nɛɛ: «'Neɛ 'Kamalezikpɛ "ne dodo ne "ku -nɛ yɛ. 'Ɛ kɛ nɛ dodo ne "ku -nɛ yɛ ne, 'neɛ "slojanya -ka nɛ "ku 'ŋunu -se 'wa "kɛ -ame Zufonya kɔ plele-. -Mɔ, -neɛ' 'Kamalezikpɛ "ne dodo ne "ku -nɛ yɛ.»

Nonoli 20:28

Zaa, 'a 'slu "kɛ 'ayi 'tee, -se 'a 'slu -me "kɛ 'lelee Zuzu Wlewle 'na wlia 'ye 'ɔ -kulɛle 'anye "ku -wɛ 'tee, -se Lagɔ -gligbɛ 'ye 'ɔ sɔbhɔ- 'ɔyigɛsɛ 'ɔ yowli 'na dlu nu -wɛ "kɛ -kɛ 'anye 'fuɔ.

Nonoli 20:29

-Mɔ, 'e -yi -sɛ -gbɔ, 'e "kɛ 'anye yɔko 'bha ne 'nyakpa -wa -ko sɛgbɛɛ 'slukua -wɛ yi 'anye 'glɛme -plɛ. "Ne 'wa -ka 'ce Lagɔ 'na wlia 'na -zakpɛ "ku 'tle-.

Wlomɛnya 6:23

"Naa-, 'nyinyonoli 'na 'peɛleɛ 'kwiɛ yɛ -lɔ. -Mɔ, Lagɔ 'na -ye 'ɔ "nyɛ "fu -wɛ -noɔ -lɔ zikpɛ 'na -ɛ ka "kubhiɛ -ye -a -ylele Anyinɛnyɔ Zezu Kli "me yɛ.

1 Kolɛtenya 1:21

"Naa-, zikpɛ ne "ku 'na 'nyakpa -nyɛ 'wanɛɛ 'ylimeyamaleɛ "bhaa "ne Lagɔ 'na 'ylimeyamaleɛ yibhlele-. 'Ɛza, Lagɔ -ylɛle -lɔ 'Denaade -ye 'wa la "kukwɛ -wɛ "me -se 'ɔ "kɛ -wa -kɛ 'dleku -wɛ 'fuɔ.

Filiponya 2:13

"Naa-, Lagɔ gbɔ "ne 'a no -li 'na -ɛ 'nɛno 'gɛ -wɛ.

2 Tesalonikenya 1:11

'Ɛnɛɛ 'ylime, -a bhubhɔ -lɔ 'anyɛɛ za 'yiɛ "ne -a "ne diɔle- -lɔ, -ye -a 'yɔbhɔle -anyɛɛ Lagɔ ne lɛ: Lagɔ gbɔ -se -a 'sa 'ɔnɛɛ 'laweli kɔ -wɛ, 'a "kɛ sɔbhɔ 'ayi slu-. -Se 'ɔ kwɛle- 'anye -ɔnɛɛ' 'bhɛloɛ "me. -Se "nɛne 'na -ye 'a no -gbɔ 'a kɛ no -wɛ, 'a 'cɛ no, 'anyɛɛ Lagɔ 'na 'dlekukɛleɛ gbɔ -se 'a "kɛ -li 'na -li no.

2 Tesalonikenya 1:5

"Ɛ 'gbapegbapeɛ ne tua -lɔ 'anye Lagɔ 'na -see 'ɔ bhle "meŋwinɛlesɛ gbo -wɛ 'ylime. "Naa-, "ɛ 'gbapegbapeɛ -wɛ "kɛ -lɔ gbɔ "ne 'wa "kɛ -lɔ 'sɛ yibhlele- -gbɔ 'a 'bhɛle- -se 'a "kɛ Lagɔ 'na 'Kamalezikpɛ nyɔ za 'a 'ye "kle -wɛ "me plɛ -me.

Eblenya 12:28

-Anye, -a yi -klɔgbɔdu -ye 'nyɔkpɔ "ne 'bhɛle- "ne 'ɔ 'cɛ 'gblicia- -wɛ yle. Zaa, -a 'bhɛle- Lagɔ -se -a lɔbhɔ- "ku, -see 'ɛ 'nɛno -gɛ -wɛ, 'dletɛleɛ "me, "ne 'plomezoɛ "me.

Zake 2:5

'A 'fo 'yukwli, -awale 'wanye, Lagɔ "ne bhɔ -glɔnya 'yliku "ɛ 'nyɛzenya -wɛ lɔbhɔ -sɛ 'a? 'Ɔ 'yɔbhɔ -gbɔ 'ɔ "koa -klɔgbɔnya "zoa- 'dlekukɛleɛ "me, -se 'wa "kɛ Lagɔ 'na 'Kamalezikpɛ -ye 'ɔ -sɛ lɔbhɔ -wa -kɛ 'ɔnɛɛ 'ŋwɛnɛ "me -wɛ za yle.

2 Piɛle 1:11

'Diɛɛ, Lagɔ yi 'anyɛɛ za 'kamalezikpɛ -ɛ "ne lɛ "nenidɛ -kɛ 'na -gbanuɛgwe "ku vulu- gbɛklɛklɛ, Anyinɛnyɔ, "ne -anyɛɛ 'Fuɔnyɔ Zezu Kli 'na 'kamale zikpɛ.

'Ylikloylɛleweli 1:6

'Ɔ "zoa- -anye klɔgbɔnya "ne bɔbɔnya -se -a "kɛ 'ɔ 'To Lagɔ "ku lɔbhɔ-. Zezu 'bhe- -lɔ 'ŋlumeɛ, "ne 'bhɛloɛ -godogodo! Amɛn.

'Ylikloylɛleweli 22:5

"Titiɛ -ka 'ce -la yi, "ne 'wa -ka -la 'napɛ 'na zle "ne ylopozle lo 'yɔbhɔ. "Naa-, Anyinɛnyɔ Lagɔ "koa -lɔ "ku 'lea-, "ne 'wa "kɛ -lɔ 'kamalea- -godogodo 'na dɛ.