Luke 12:19 - Nouveau Testament bété de Gagnoa

¹⁹ "Ne 'e "kɛ -la -lɔ sɛne 'ayi bhulɛle- nɛɛ : -E -gɛ 'yli -see -neɛ' -li -zu, 'ɛ yi -na lɔbhɔ ko 'ylobɛ -kwleyi 'na dɛ. 'Nyɔpɔ-, li -se "nɛmɔ, -se 'bhlile kɔ.

Luke 12:19 Iomraidhean Croise

Luke 12:18

"Ne 'ɔ yi -lɔ no nɛɛ: «-Ye 'e "kɛ no ne lɛ: 'na 'wlo -wɛ 'wɔ 'ye 'e "kɛ -lɔ 'wlɛ, -se 'e "kɛ 'ɛnɛɛ "yitɛ -nɛ 'sɔbhɔ, -mee 'e "kɛ 'neɛ 'ble -nyɛ -li 'klekle "bhaa "zo -wɛ.»

Luke 16:19

«-Klɔgbɔnyɔ -bholo -ko 'awɔ -lɔ lɔbhɔ. 'Ɔ -pla 'awɔ gblɛgblɛzɛ, "ne 'ɔ wuɔ 'awɔ gblɛgblɛzɛ. "Ne -se zle ze 'awɔ -wɛ, 'ɔ plɔkɔ 'awɔ -lɔ.

Luke 21:34

Zezu nɛɛ: «'A 'luɔle- -kɛ 'ayi "ku, 'a te -kɛ 'ayi 'dle nuɔ 'yiɛ, no -nɛmɛ -mɔ, "ne zikpɛ ne "ku 'na -li za. -Ɛ "kɛ yi -wɛ te kɛ 'anye vu zɛ.»

1 Kolɛtenya 15:32

'Du -ye 'wa la Efɛze -wɛ 'na 'nyakpa "bhaa -a 'tɔkpɔtɔkpɔle- yɔko 'Denaade za, 'wa -ko sɛgbɛɛ 'nɛmea -nyɛnyea. 'Ɛ kɛ nɛ -kɛ 'nyakpa 'sɛku 'na 'dlepɔsɛ yɛ ne, -ye 'e -ylele bhɔ 'bhle 'a? Zaa, -glukonya "mɔ gluzɔ 'wlo- ne, «-a li -se -a 'nɔmɔ "naa- 'zegbɛ ku 'ye -a "kɛ -lɔ "ku -zɛ.»

Filiponya 3:19

'Wa yi 'ce "kwlɛbhli, "naa- lilɛliɛ -noɔ -lɔ 'wanɛɛ Lagɔ yɔ. -Ɛ -le 'zu "ku -wɛ -noɔ -lɔ 'wanɛɛ 'ŋlumeɛ yɛ, "ne 'wa "tɛle- -lɔ dodo ne "ku 'na -li 'dle.

1 Timote 5:6

-Mɔ, "kwiziŋɔnɔ 'na -ɔ tɛle 'ɔnɛɛ zikpɛ 'na 'ŋwɛnɛ -lɛbhɛ 'ɛyi kɔ siɛ -wɛ, 'ɔyi -wɛ, 'ɔ "kɛ 'se -yɛ -ce, 'ɔ -ko sɛgbɛɛ -ɔ "ku- lɛ ne.

1 Timote 6:17

Bhulɛle -glɔ ne zɔ 'na -klɔgbɔnya -se 'titliloa 'yukwli "me, 'wa te -kɛ bha. 'Wanɛɛ 'dlekukɛleɛ, 'wa "zo Lagɔ "me. -Mɔ, 'wa te -kɛ -klɔgbɔ -ɛ "ne gwlɛ -wɛ "me "zo. Lagɔ -bholo -kpee 'nyɛ -lɔ "fu -anye -li 'klekle -ye -a -su -wɛ -se 'ŋwɛnɛ "kɛ -anye lɔbhɔ.

2 Timote 3:4

'Wa yi 'walua ylo no. 'Wa yi "kpokponya "zo. Bhabha -za, 'wa -ka 'nyɔkpɔ, 'nyɔkpɔ la. 'Wa yi zikpɛ ne "ku 'na -li mamale "ne 'wa -ka Lagɔ wamale.

Zake 5:5

'A -gwlɛ -klɔgbɔpɛɛ "me dodo ne "ku, "ne 'a -no -ye 'a 'yɔbhɔ -wɛ. 'A -li 'tee -sɔɔdɛku 'alua ŋɔŋo 'lɔbhoa nɛ "kukusɛ "ku -wɛ.

1 Piɛle 4:3

'Diɛɛ, -watɔ -ce, 'a 'yɔbhɔ 'awɔ -gbɔ 'a "kɛ 'ayi slu- sɛgbɛɛ -wa "ne "zo Lagɔ 'nasɛ. 'A -su 'awɔ 'ayi -see 'a 'yɔbhɔ 'awɔ -wɛ, 'a -noɔ 'awɔ lɔbhɔzononya 'waa, no -gbi-nɔmɔnya 'waa. 'A mlɛ 'awɔ kpɛnyee, 'a -noɔ 'awɔ nogbinɔmɔnya 'waa, 'a "zo 'awɔ "fu 'na Lagɔ, -ɛ "ne lɛ 'nɛne gou.

'Ylikloylɛleweli 18:7

'Ɔ -wamale 'ŋlu -nyɛ -klɔgbɔ "bhaa kpɛnyee. 'A 'gbapeɔ- sɔbhɔ, -see 'a ziɔ- 'nyɛze. "Naa-, sɛne 'ye 'ɔ lɛ -lɔ 'dlezɔ nɛɛ: 'E 'gli- sɛgbɛɛ -klɔgbɔŋɔnɔ "ne 'e "ne 'kwiziŋɔnɔ yɔ, 'e -ka 'ce -gbudu 'wuɔ.