Luke 12:17 - Nouveau Testament bété de Gagnoa

¹⁷ "Ne 'ɔ 'yɔbhɔ -lɔ 'ɔyi lo nɛɛ: «-see 'e "kɛ bhɔ "zo?» 'E "ne -dee 'e "kɛ 'na -li 'wli kulɛle- -kɛ.

Luke 12:17 Iomraidhean Croise

Matie 16:7

-Mɔ, 'wanɛɛ dɛku sɛne 'wa 'pɔ -lɔ 'dle nɛɛ: «-A "ne "fɔlɔ "ku libhi- za 'ɔ bhulɛ -lɔ soɔ.»

Matie 5:42

-Ɔ kɛ -eyi zlɛ "nyɔ. 'Nyɔkpɔ kɛ -eyi bho -ka -yi ne, te lo -sɛ.»

Luke 10:25

-Lɔslonyɔ -sɔ "ku -se 'ɔ "kɛ Zezu "me 'bea-, "ne 'ɔ bhulɛlo -lɔ nɛɛ: «Sloanyɔ, -ye 'e "kɛ bhɔ no "ne 'e "kɛ zikpɛ 'na -ɛ -ka "kubhiɛ -wɛ yle 'a?»

Luke 11:41

Zaa, -ye -a -kɛ -wɛ, 'a 'nyɛ 'alua -se 'a "kɛ 'wlele ko.

Luke 12:16

"Ne Zezu yua -lɔ nunɛ -bholo 'pɔle nɛɛ: «-Klɔgbɔnyɔ -bholo 'na dodo nɛne 'awɔ zaa, -li 'klekle 'po- 'awɔ.»

Luke 12:18

"Ne 'ɔ yi -lɔ no nɛɛ: «-Ye 'e "kɛ no ne lɛ: 'na 'wlo -wɛ 'wɔ 'ye 'e "kɛ -lɔ 'wlɛ, -se 'e "kɛ 'ɛnɛɛ "yitɛ -nɛ 'sɔbhɔ, -mee 'e "kɛ 'neɛ 'ble -nyɛ -li 'klekle "bhaa "zo -wɛ.»

Luke 12:22

Zezu -bhulɛle 'ɔnɛɛ gɛlenya nɛɛ: «-Ɛwɛza, 'e bhulɛle lɛ 'anye nɛɛ 'anyɛɛ zikpɛ 'na 'dlebhɛ te 'anye 'lɔbhɔ, lilɛ 'ye 'ɛ kɛ 'se -noɔ -ce, "meplakoti 'ɛ kɛ 'se -noɔ -ce.

Luke 12:29

'Anye ne, 'a te -ye 'a "kɛ 'zegbɛ li "ne -ye 'a "kɛ "nɔmɔ -wɛ 'siɛ tɛle-. 'A te "fu 'ayi 'kpla-.

Luke 12:33

«'A 'pɔ -ye 'a -kɛ -wɛ 'pɔlo "ku, -se 'a "nyɛ 'ɛnɛɛ dlɛ "nyɛzenya. 'A 'nɔŋo ziziledɛ 'na -ɛ -ka nyimɔ gou -wɛ. 'Kamalezikpɛ 'na -ye 'a "kɛ "nɔgɔ "me ylele "ne 'winya -cɛ kɔme, "ne ŋɔnoa -cɛ li -wɛ.

Luke 16:3

"Ne "ɛ libhɔnonyɔ yi -lɔ no nɛɛ: -See 'e "kɛ bhɔ "zo 'a? "Naa-, 'neɛ "bhenyɔ nɛɛ 'e te -kɛ -la 'ɔnɛɛ li "klo kole. 'E "ne -kɛ 'kwlɛ libhɔ 'bhɛle-. 'E "ne -kɛ 'bhɛle- "ne 'e "kɛ nɛne-, 'ɛ yi -kɛ -ame 'zu "ku lele- kpɛnyee.

Luke 16:9

"Ne Zezu yua -lɔ bhulɛle- nɛɛ: «'A 'libhi dodo ne "ku 'na -klɔgbɔ-li -ɛ no ylo -wɛ "ku, 'a 'tɔ- 'bheyia. -Zle 'ɛ kɛ 'ce lɔbhɔ -bhiɛ, Lagɔ "kɛ 'ce 'anye zikpɛ 'na -ɛ -ka "kubhiɛ -wɛ "me 'tee 'sale.

Luke 18:22

"Ɛ 'nyɔkpɔ "kɛ bhulɛ "bhuɔ ne, "ne Zezu yu -lɔ no nɛɛ: «'Ɛ -to "bhle -bɛɛ' -bholo 'na -ye -e "ne lɛ -no ne. Me, -se -ye -e -kɛ -wɛ 'pɛ 'pɔlo "ku. -Se 'ɛnɛɛ 'dlasi -wɛ 'je "nyɛzenya kɔ -se -e "kɛ -kɛ "nɔgɔ "me 'na -klɔgbɔ yle. -E "kɛ 'ɛyi -wɛ kɔ -bhiɛ ne, yi -se 'gɛle- -ame.»

Luke 19:17

"Ne "ɛ -klɔgbɔnyɔ yu -lɔ bhulɛle- nɛɛ: 'Ɛ 'nɛne, libhɔnonyɔ 'na "namanɔ 'ye -e -no -lɔ, "Naa- -e -no "ɛ libhɔ bhueyi ne 'tee zaa, me -se -e "kɛ 'du 'wli 'kɔgbɔ kamalea-.

Luke 3:11

Zaa nɛɛ: -Ɔ kɛ 'koti "sɔ -kɛ, 'ɔ 'nyɛ -ɔ "ne -kɛ -wɛ -bholo. -Ɔ -kɛ lilibɛɛ -kɛ, 'ɔ 'nyɛ me -wa "ne -kɛ -wɛ.

Nonoli 16:30

Lɔbhɔ 'ye 'ɔ 'wloaloa- -lɔ zɔ, "ne 'ɔ yua -lɔ lo 'yɔbhɔ: «Anyinɛnyɔ, -ye 'e "kɛ bhɔ no, "ne 'e "kɛ bhɔ "po 'a?»

Nonoli 2:37

Piɛle -bhulɛ lɛ "ɛ weli -cibhɛ -wɛ "bhuɔ ne, "ɛ weli -wɛ -ze 'wanɛɛ 'dle kɔ kpɛnyee. "Ne 'wa yi -lɔ Piɛle "ne "kɔlepɔnya 'na -bedia 'wɔ "bhaa lo 'yɔbhɔ nɛɛ: «"Nowlia 'nye, -ye -a "kɛ bhɔ no 'a?»

Wlomɛnya 12:13

'A kwɛle- 'a "nowlia -wa -ko 'kplɛkplɛɛ "me -wɛ. -Wa yile 'anye lo -wɛ, 'a 'soa 'tee.

1 Timote 6:17

Bhulɛle -glɔ ne zɔ 'na -klɔgbɔnya -se 'titliloa 'yukwli "me, 'wa te -kɛ bha. 'Wanɛɛ 'dlekukɛleɛ, 'wa "zo Lagɔ "me. -Mɔ, 'wa te -kɛ -klɔgbɔ -ɛ "ne gwlɛ -wɛ "me "zo. Lagɔ -bholo -kpee 'nyɛ -lɔ "fu -anye -li 'klekle -ye -a -su -wɛ -se 'ŋwɛnɛ "kɛ -anye lɔbhɔ.

1 Zaa 3:16

Sɛne 'ye -a -yibhlele -lɔ -waleɛ: Zezu 'bhale- 'ɔnɛɛ zikpɛ "me -anyɛɛ za. Zaa, -anye 'lelee, -a yi -anyɛɛ zikpɛ "me 'bhale- -me -a "nowlia 'wɔ za.