Luke 12:15 - Nouveau Testament bété de Gagnoa

¹⁵ "Ne 'ɔ yi -lɔ 'wayi 'klekle bhulɛle- nɛɛ: «'A 'luɔ- -kɛ! 'A te -kɛ -li 'momale- kpɛnyee, "naa- 'nyɔkpɔ 'na zikpɛ, 'ɔ yi nɛ 'se -klɔgbɔnyɔ "zo -cɛ, 'ɔnɛɛ lɛ za 'ɛ "ne -kɛ lɔbhɔ -ko.»

Luke 12:15 Iomraidhean Croise

Malke 7:22

'Alua 'na ylonoɛ, gbozlɛɛ, lɔbhɔzonoɛ, bhabhɛ, gwlɛplɛɛ, -konyinɛplɛɛ, "nyɛnyenoɛ, 'kpɛtɛklinoŋoɛ, 'nyakpasɛɛ.

Luke 12:16

"Ne Zezu yua -lɔ nunɛ -bholo 'pɔle nɛɛ: «-Klɔgbɔnyɔ -bholo 'na dodo nɛne 'awɔ zaa, -li 'klekle 'po- 'awɔ.»

Luke 16:14

Faliziɛnya -wa -wa nɛ 'dlasi -fo nɛ Zezu 'na -ye 'ɔ bhulɛ nɛ 'klekle 'yukwli "ne 'wa silo nɛ -lɔ.

Luke 21:34

Zezu nɛɛ: «'A 'luɔle- -kɛ 'ayi "ku, 'a te -kɛ 'ayi 'dle nuɔ 'yiɛ, no -nɛmɛ -mɔ, "ne zikpɛ ne "ku 'na -li za. -Ɛ "kɛ yi -wɛ te kɛ 'anye vu zɛ.»

Luke 8:14

'Ɛnɛɛ -ɛ -bhli -kpɛcɛ -jijɛ "ku -wɛ, -wa 'no- Lagɔ 'na weli "me "ne -wa 'pɔ zikpɛ "ku 'na -li 'klekle "ku 'dle sɛgbɛɛ -klɔgbɔ "ne zikpɛ "ku 'na 'ŋwanali 'na 'dletɛleɛ gbɔ "ne 'wa "ne tlo bhi.

1 Kolɛtenya 6:10

'winya, -wa 'tɛ- -wɛ, nogbinɔmɔnya, -wa 'yli 'walua, 'kpokponya, sɔbhɔ -nɛɛ' 'nya -wɛ 'na 'glidɛ "ne 'ce Lagɔ 'na 'Kamalezikpɛ "me -ko!

Kolɔsenya 3:5

-Ɛwɛza, -ɛ -noɔ dodo ne "ku -nɛ yɛ, "ne 'ɛ -ko 'anye "me -wɛ, 'a lɛbhɛ -se 'ɛ ku: Sɛgbɛɛ 'kpeteklinya "bhaa 'na gogoɛ, -li -nyɛnye 'na nonoɛ, -li -ɛ -le 'zu "ku "ne 'ɛ "ne 'nɛne 'na -wamaleɛ, 'dle "me 'gugwaleɛ, 'ɛ -ko sɛgbɛɛ "fu 'na Lagɔ 'na "zozoɛ.

2 Timote 3:2

'Nyakpa -ka -kɛ 'walua "ku 'dlepɔ. 'Wa yi 'dlasi mamale, 'wa yi 'yli siɛ tɛle-, 'wa yi bha, 'wa yi Lagɔ 'yli, 'wa yi 'wa 'to 'wɔ 'plome -sɛ. 'Wa -ka "nɛne yibhlele-. 'Wa -ka -kɛ -la Lagɔ 'na -li 'plome "zo.

Eblenya 13:5

'A te 'dlasi 'mamale-, -mɔ, -ye 'a -kɛ -wɛ lele- 'anye 'ŋwana "ku. "Naa-, Lagɔ 'ɔyigɛsɛ nɛɛ: «'Bhɔ, 'e -ka 'ce -eyi 'yi 'tale-, 'e -ka 'ce -eyi "me 'bhale-.»

2 Piɛle 2:14

'Wa biɛ 'yli gbo -zlɛ -za, 'wanɛɛ 'dle "ne bɔ 'nyinyonoli -nodɛ. "Ne 'wa 'tetile -lɔ -wa "ne 'dlekukɛleɛ "me tɛle- -wɛ 'wayi lo. 'Nyakpa 'na -wa -kɛ 'dlasi 'na 'ŋwɛnɛ "me kpɛnyee 'waa -lɔ. -Kpilɛkpilɛnya 'waa -lɔ!

2 Piɛle 2:3

"Ne 'wa 'yɔbhɔ -gbɔ 'wa "kɛ -kɛ 'se 'dlasi yle cuu za, 'wa yi 'ce 'anye bhulɛweli -ye 'wa -sɛ 'wayi 'wlime -wɛ "me ylo nole-. -Mɔ, -ɛ "ne 'awɔ -la -dɛme yɛ, 'wanɛɛ 'gbobhleleɛ -ko 'awɔ lɔbhɔ "kle, "ne 'wa yi -kpilɛkpilɛ sibhɔle- cuu.