Luke 12:1 - Nouveau Testament bété de Gagnoa

¹ "Ɛ "tɛnye -wɛ "me, 'nyakpa 'na 'wulu -vlugbo 'yɔbhɔle- 'awɔ lɔbhɔ 'wli, "ne 'wa 'gwegwele 'awɔ yɔko "me. "Ne Zezu bhulɛle -lɔ 'ɔnɛɛ gɛlenya nɛɛ: «'A 'luɔle- -kɛ faliziɛnya 'na manyɔ "ku, "naa-, 'yli 'wa 'tɛle -kɛ siɛ zɛ.»

Luke 12:1 Iomraidhean Croise

Luke 11:44

'Kpilɛkpilɛ 'ye 'a lale -kɛ -lɔ 'ayi "ku, 'anye -ko sɛgbɛɛ -biɛ -ye 'wa 'nɔŋo "klo "ne 'wa "ne -see 'wa 'nɔŋo- 'klo -yi.

Luke 12:56

'A yibhlele dodo ne "ku "ne "nɔgɔ "me 'na -li, "ne 'ɔ yi dɛme ne sɔɔbɛɛza 'a "ne 'yibhlelo bhɔ?

Luke 5:1

'Yli -bholo "me Zezu -ko 'awɔ 'ŋu yɔko Zenezalɛte; 'Nyakpa 'na -zakpɛ 'gwegwele 'awɔ yɔko "me -se 'wa "kɛ Lagɔ 'na weli 'yukwli fo.

Luke 5:15

'Wa sɛ 'awɔ 'ɔnɛɛ 'de kpɛnyee, "ne 'nyakpa 'na -zakpɛ -blu -se 'wa "kɔ 'yukwli fo, -se 'wa "kɛ yamale-.

Luke 6:17

Zezu -nyɛ 'ɔnɛɛ "kɔlepɔnya "bhaa 'kwli tlo, "ne 'ɔ yi -lɔ -dee 'ŋulɛle- "ku -wɛ 'nyegbe-. Gɛlenya 'na 'kwleyia -ko nɛ lɔbhɔ. 'Nyakpa 'na -zakpɛ "yitɛ -wa 'bhale Zude "ne Zeluzalɛme "ne Tile -nyɛ Sidɔ "bhaa 'na jinyɛ yɔko -ko -me nɛ lɔbhɔ.

Nonoli 21:20

-Wa fo Pɔle 'yukwli -wɛ 'kwa 'awɔ -lɔ Lagɔ 'ŋlu, "ne 'wa yu nɛ -lɔ bhulɛle nɛɛ: «"Nɔwli, -e 'ye 'ylime, -see -wa "tɛle Lagɔ 'dle -zu, Zufonya 'glɛme "ne 'wa -kɛ Moyize 'na -Lɔ kɔ 'tee -wɛ.

1 Kolɛtenya 15:3

"Ɛ 'Denaade -wɛ -ye 'wa -sloa -ame -wɛ, 'ɛyi 'ye -ame 'nabhɛ -sloa -lɔ 'anye tɛ: -Gbɔ Klise -ku -anyɛɛ 'nyinyonoli 'na 'gbo "me. -Se "ɛ Lagɔbɔgo -gbɔ 'awɔ -wɛ -yɛ -lɔ.

Eblenya 12:22

-Mɔ, 'anye, 'a nyiɔ- Sinyɔ 'na tlo "ne Lagɔ -ɔ -yɛ 'gbligbli -wɛ 'na 'du yɔko. "Nɔgɔ "me 'na Zeluzalɛme yɛ -lɔ, -mee "nɔgɔzilia -kwleyia no -jajo -wɛ,

Zake 3:17

"Nɛnoɛ 'na -ɛ 'bhale "nɔgɔ "me -wɛ 'ɛ -ko 'wlele, 'dlewɔtɛ 'ye 'ɛ 'nyɛ -lɔ, "ne 'ɛ -su -lɔ "kuwɛtɛ, "ne 'ɛ 'tɛle 'lelee -lɔ "kukoleɛ siɛ. -Ye 'ɛ no -wɛ "nɛne. "Ne 'ɛ "ne dlidlile- 'nyakpa "me. "Ne 'ɛ "ne wlɛ- yo.

1 Piɛle 2:1

'A 'tale -ɛ -noɔ -konyinɛ yɛ 'klekle -wɛ 'yi, 'a te 'nyɔkpɔ ylo no, 'a te -jijigbɛlɛ "zo, -se 'a te lɔbhɔzo no, -se 'a te 'alua 'na weli -nyɛnye bhulɛ.