Luke 11:9 - Nouveau Testament bété de Gagnoa

⁹ "Ne -ame, 'e bhulɛle lɛ sɛne 'anye nɛɛ: 'A kɛ zlɛ-, 'wa yi 'anye "nyɛ. 'A kɛ lɔbhɔ 'siɛ tɛle-, 'a 'yi yle. 'A kɛ gbɔtɔ, 'wa yi lɔbhɔ kɛle-.

Luke 11:9 Iomraidhean Croise

Matie 21:22

Lagɔ 'na 'dlekukɛleɛ "me, -ye 'a zlɛ bhubhɔbhubhɔɛ "me 'klekle -wɛ, 'a 'yi yle.»

Matie 21:31

'Wayi "sɔ 'glɛme 'na -ɔ "zo- bhɔ 'ɔ To 'plome 'a? -Ɔ -no bhɔ "ɛ 'ɔ To 'na libhɔ -wɛ 'a? 'Nyakpa -wɛ nɛɛ: «"Naa-, tɛkɛnɔ -wɛ.» Zezu nɛɛ: Gbɛklɛklɛ 'e bhulɛle lɛ 'anye, -lɛposanya "ne 'tutu 'ŋwenea -gɛ 'anyɛɛ za Lagɔ 'na 'Kamalezikpɛ "me 'na 'yuku.

Matie 6:29

-Mɔ, 'e bhulɛle 'anye, -klɔgbɔnyɔ Salomɔ 'nabhɛ -ɔ me 'awɔ lɛ 'ŋlu "yitɛ "ku, 'ɔ "ne 'ce 'wanɛɛ sɛ "me -pla.

Malke 11:24

'Ɛnɛɛ za 'e bhulɛle lɛ 'anye sɛne: 'A kɛ bhubhɔ- "ne 'a kɛ -bɛɛ' zlɛ, 'a -kɛle 'dleku gbɔ 'a -yle "ne Lagɔ 'yi 'anye kɔ 'je.

Malke 13:37

'Anye 'klekle 'ye 'e bhulɛle -lɔ nɛɛ: 'A 'gɛle- -kɛ 'ylime, -mɔ 'a te "kɛ 'ŋɔŋo.»

Luke 11:10

"Naa-, -ɔ zlɛ -wɛ, 'ɔyi 'wa "nyɛ -lɔ, -ɔ tɛle 'siɛ -wɛ, 'ɔɔ yle -lɔ, "ne -ɔ gbɔtɔ -gbulɛ -wɛ za 'wa kɛle -lɔ lɔbhɔ.

Zezu Kli 'na 'Denaade ‑ye Zaa kɛle‑ ne lɛ 14:13

"Ne, -ye 'a "kɛ 'neɛ 'tɔ "me zlɛ- -wɛ, 'e 'yi 'anye kɔ 'je. "Naa-, Yu "me 'ye To "kɛ -lɔ 'ŋlu me -le zɛ.

Zezu Kli 'na 'Denaade ‑ye Zaa kɛle‑ ne lɛ 15:16

'Anye "ne -ame -tɔ, -mɔ -ame 'mɔɔ -tɔ -lɔ 'anye. 'E -lebhe 'anye -se 'a "kɛ bhi tlo, bhi 'na "namanɔ. Lɔbhɔ 'na dɛku, -li 'klekle -ye 'a "kɛ -ame To zlɛ- 'neɛ 'tɔ "me -wɛ, 'ɔ 'yi 'anye kɔ 'je.

Zezu Kli 'na 'Denaade ‑ye Zaa kɛle‑ ne lɛ 15:7

'A kɛ -ame "me -ko ne, "ne 'neɛ bhulɛweli kɛ 'anye "me -ko, 'a zlɛ- -ye 'a 'yɔbhɔ -wɛ. 'A 'yi yle.

Zezu Kli 'na 'Denaade ‑ye Zaa kɛle‑ ne lɛ 4:10

"Ne Zezu yu -lɔ bhulɛle- nɛɛ: «-E kɛ nɛ Lagɔ 'na -jɔlo -yi, "ne -e kɛ nɛ -ɔ zlɛ -eyi 'ŋu -wɛ -yi, -eyi -mɔɔ "kɔ nɛ -lɔ zɛlɛ-, "ne 'ɔ "kɛ nɛ -lɔ -eyi 'ŋu 'na -ɛ 'nyɛ zikpɛ -wɛ kɔ 'je.»

Wlomɛnya 2:7

-Wa 'tɛle -godogodo 'nɛne 'na nonoɛ 'siɛ -gbɔ 'wa "kɛ 'ŋlu me, 'wa "koa -bhlegbi "me "zo, -se 'wa "kɛ zikpɛ 'na -ɛ -ka "kubhiɛ -wɛ yle, "ɛ 'wayi -wɛ, Lagɔ "bhaa, 'wa yi 'ce "ku 'glile- -godogodo.

2 Kolɛtenya 6:2

"Naa-, Lagɔ nɛɛ: «Lɔbhɔ -ylɛ za, 'e 'no- -neɛ' bhubhɔweli "me, "ne -zle 'anyɛɛ 'fuɔzle -kɛ -ylɛ, 'e yi -eyi kwɛle- -ka yi. Zaa, -Dɛmeda, lɔbhɔ -ylɛ, lɔbhɔ -ylɛ -diɛɛ'. -Dɛme, 'yli -ye Lagɔ "kɛ -anye "me 'fuɔ ne lɛ.»

Eblenya 11:6

'Nyɔkpɔ "ne 'bhɛle "ne 'ɔ "kɛ Lagɔ -gɛ namale-, 'ɔ "mɔ 'dleku -kɛ ne. -Ɔ 'nyiɔ Lagɔ yɔko 'na -ye 'ɔ "kɛ 'dleku kɛle- ne lɛ: Lagɔ -le, "ne 'ɔ 'peɛle -wa 'tɛlo siɛ -wɛ.

Eblenya 4:16

Zaa, -a -ya kɛle- 'dleku, -a te "gu -se -a 'nyiɔ- Lagɔ 'na 'leyli -gbɔglo yɔko, lɔbhɔ 'ye -jɔlo -ko -lɔ. 'Ɔyi yɔko, 'ɔ yi -anyɛɛ 'nyɛze 'dle "pɔ "ne -a yi 'ɔnɛɛ -jɔlo yle, -se 'ɔ "kɛ -anye kwɛle- lɔbhɔ kɛ 'ce -ylɛ ne.

Zake 1:5

'Anye 'glɛme 'na -ɔ "ne "nɛ- -wɛ, 'ɔ 'yɔbhɔle "ɛ "nanoɛ -wɛ Lagɔ -ɔ 'nyɛ 'nyakpa 'klekle, "ne 'ɔ "ne 'gbɔtɔle 'nyɔkpɔ "ku "ne 'ɔ 'nyɛle 'dle -wɔtɛ "me.

Zake 5:15

'Ɛ 'dlekukɛlesɛ 'na bhubhɔ-weli -wɛ yi gwizinyɔ yamalea-. Anyinɛnyɔ yu 'wli "ku 'libhi. 'Ɔ kɛ 'nyinyonoli -no ne, Lagɔ yi 'ɔnɛɛ 'nyinyonoli 'na gbo 'yi 'tale-.

1 Zaa 3:22

"ne -ye -a zlɔ -wɛ, 'ɔ 'je 'anye kɔ. 'Naa- -a "zo 'ɔnɛɛ gbagbɛ 'plome, "ne -a no -ye 'ɔ 'yɔbhɔ -wɛ.

'Ylikloylɛleweli 2:24

-Mɔ, 'anye Tiatiledu "me 'na 'nyakpa 'klekle 'na -bedia -wa "ne Zezabɛle 'na slosɛ -gɛle -wɛ, "ne 'anye -wa "ne -ye 'wa la Sata 'na diɛweli -ɛ zizɔ- -wɛ 'ciɛ-: Sɛne 'ye 'e bhulɛle lɛ 'anye: 'E -ka 'anye 'gbudu 'na -vinɛ 'wli 'jilɛ.