Luke 11:49 - Nouveau Testament bété de Gagnoa

⁴⁹ 'Ɛza, Lagɔ 'na "nanoɛ "me 'ɔ no -lɔ nɛɛ: «'E yua 'ce "guɔkwɔmenya "ne "kɔlepɔnya -nɛme. 'Wa yi 'ce -bedia 'lɔbhɔ, "ne 'wa yi 'ce 'wawɛ 'nyɛzesɛ no.»

Luke 11:49 Iomraidhean Croise

Matie 22:6

'Wanɛɛ -wawɛ 'sa- "ɛ "kulɔbhɔnya kɔ ne 'wa 'lɔbhoa- "ne -bedia "ku-.

Luke 11:48

"Ɛ -ɛwɛ "me 'ye 'a 'ŋlule -lɔ 'a 'to 'wɔ 'na nonoli. 'Wayi 'wa 'lɔbhɔ- "guɔkwɔmenya, "ne 'anye 'a sɔbhɔ -lɔ 'wanɛɛ -biɛ.

Luke 24:47

'Ɔnɛɛ 'tɔ "me 'wa yi 'nyakpa bhulɛle- -se 'wa "kɛ kɔ 'bheliɔ-, -se 'wanɛɛ 'nyinyonoli 'na gbo "kɛ 'yi 'taleɔ- -glɔ 'klekle "ku, 'ɛ 'bhale- Zeluzalɛme.

Zezu Kli 'na 'Denaade ‑ye Zaa kɛle‑ ne lɛ 16:2

'Wa yi 'ce 'anye "me bhubhɔlebhudu "me kpeti-. "Ne, lɔbhɔ -ko ylɛ dɛku 'nabhɛ -ye -wa "kɛ 'anye 'lɔbhɔ "ne 'a "kɛ "ku wɛ "kɛ 'dle "pɔ -gbɔ Lagɔ 'ye 'wa 'lɔbhɔ -lɔ "ɛ soɔ "ku.

Nonoli 1:8

-Mɔ, 'anye, 'a yi 'ce 'bhɛloɛ yle, -ɛ 'bhale Zuzu Wlewle "me -wɛ, "ne 'ɛ yi 'anye "ku 'kwile-, "ne 'a yi 'kwɛmetamaleɛ yle, "ne 'a "kɛ -lɔ 'neɛ -wayeɛdɛ "zo, Zeluzalɛme, Zude -glɔ 'klekle "ku, "ne Samali, -kaa 'du 'na 'wlisɛledɛ.»

Nonoli 11:27

"Ɛ -zle -wɛ, "guɔkwɔmenya 'na yɛ 'bha- Zeluzalɛme "ne 'wa yi -lɔ Atiɔse yi.

Nonoli 22:20

-Sɔɔdɛku 'wa 'lɔbhɔ 'awɔ Etiɛne -ɔ 'ye -me -neɛ' -li 'na dɛ -wɛ, -ame 'nabhɛ 'e -ko -me 'awɔ lɔbhɔ. 'E -nyɛ -wa 'lɔbhɔ -wɛ "bhaa 'a kole- 'awɔ -lɔ "ku zɛ. "Ne 'e 'kulɛ 'awɔ -lɔ 'wanɛɛ 'koti.

Nonoli 7:57

Lɔbhɔ 'ye 'wa 'kpa- -lɔ "me "yitɛ "ku, "ne 'wa yi -lɔ 'wanɛɛ 'yukwli -gwe "su. "Ne 'wayi 'klekle yi -lɔ Etiɛne "ku bhlile-,

Nonoli 8:3

'Ɛ kɛ Sɔle yɔ, 'ɔ -ko 'awɔ Lagɔgligbɛ 'na "ku bhia- -libhɔ "me: 'Ɔ plɛ 'awɔ -bhudu 'klekle "me, "ne 'ɔ sa 'awɔ -lɔ "bhle 'na 'dlekukɛlenya, 'widia- "ne 'ŋwenea, "ne 'ɔ 'poa 'awɔ -lɔ -jiɛ "me.

1 Kolɛtenya 1:24

-Mɔ, -ye Lagɔ -tɔ -wɛ, 'wa -noɔ zufonya 'wa 'oo, "ne 'wa "ne zufonya 'wa 'oo, 'wanɛɛ dɛku, Klise -noɔ -lɔ Lagɔ 'na 'bhɛloɛ "ne 'ɔnɛɛ 'ylimeyamaleɛ yɔ.

1 Kolɛtenya 1:30

"Naa-, 'ɔ gbɔ -lɔ "ne Klise Zezu "bhaa -a yi -lɔ "ku 'kole-, "ne Klise yi -lɔ -anyɛɛ dɛku 'ylimeyamaleɛ -ɛ 'bhale Lagɔ "me -wɛ "zo. "Ne 'ɔyi "me, Lagɔ yi -lɔ -anye "meŋwinɛlenya "zoa-, "ne -a yi -lɔ 'wlewle ko, "ne 'ɔ yi -lɔ -anye 'nyinyonoli 'na 'galu 'yli -sɛ.

Efɛzenya 4:11

-Ye Klise -nyɛ -wɛ ne lɛ: -Bedia "zo- "kɔlepɔnya, "guɔkwɔmenya, "ne 'Denaade 'na -sɛnya. 'Dlekukɛlenya 'na 'yukugɛlenya, "ne Lagɔweli 'na -sloanya.

Kolɔsenya 2:3

"naa-, Klise 'ɔyikɔ "me 'ye -a yle -lɔ "nanoɛ -nyɛ 'ylimeyamaleɛ "bhaa.

'Ylikloylɛleweli 16:6

"Naa-, 'nyakpa 'slu- -wa -noɔ Lagɔ -noa 'waa "ne -neɛ' "guɔkwɔmenya 'na dlu siɛ, -e 'nyoa- dlu "ne 'wa yi -lɔ "nɔmɔ. 'Wa -yle -ɛ -ŋwoa "ku -wɛ.

'Ylikloylɛleweli 18:20

"Nɔgɔ "me 'na konya 'wa no 'ŋwɛnɛ, -see "ɛ 'du ne -bhiɛ "ku -wɛ za! "Ne -anye 'lelee, -wa -noɔ Lagɔ -noa 'waa -wɛ, "kɔlepɔnya, "ne "guɔkwɔmenya, 'a 'no -me 'ŋwɛnɛ, "naa-, Lagɔ -bhlelo gbo, "nyɛnye -ye 'ɔ -no 'anye -wɛ za.