Luke 11:48 - Nouveau Testament bété de Gagnoa

⁴⁸ "Ɛ -ɛwɛ "me 'ye 'a 'ŋlule -lɔ 'a 'to 'wɔ 'na nonoli. 'Wayi 'wa 'lɔbhɔ- "guɔkwɔmenya, "ne 'anye 'a sɔbhɔ -lɔ 'wanɛɛ -biɛ.

Luke 11:48 Iomraidhean Croise

Matie 23:27

'Kpilɛkpilɛ 'ye 'a lale -kɛ -lɔ 'ayi "ku Faliziɛnya -nyɛ -Lɔsloanya "bhaa, 'ylisiɛtɛlenya nye -lɛ! 'A -ko sɛgbɛɛ -biɛ -ye 'wa 'pɔ- blɛ 'fɛɛ -wɛ, -biɛ 'na "ku -le sɛgbɛɛ -ɛ -ko 'wlele, -mɔ, 'ɛnɛɛ 'mene 'yiɛ- 'nyakpakwɛ "ku "ne zizili 'klekle.

Matie 23:31

'Ayigɛsɛ "ne -a -sɛ -kɛ -la -lɔ 'ayi zɔ -gbɔ 'nyakpa -wa 'lɔbhɔ- "guɔkwɔmenya -wɛ 'na yua 'ye -a -noɔ.

Luke 11:47

«-Kpilɛkpilɛnya nye -lɛ, 'anye -wa sɔbhɔ "guɔkwɔmenya -ye 'a 'to 'wɔ 'lɔbhɔ- 'na -biɛ -wɛ.»

Luke 11:49

'Ɛza, Lagɔ 'na "nanoɛ "me 'ɔ no -lɔ nɛɛ: «'E yua 'ce "guɔkwɔmenya "ne "kɔlepɔnya -nɛme. 'Wa yi 'ce -bedia 'lɔbhɔ, "ne 'wa yi 'ce 'wawɛ 'nyɛzesɛ no.»

Wlomɛnya 1:32

'Ɛ -ko sɔbhɔ "ne 'wa -yi -see Lagɔ 'bhlele 'nyɔkpɔ gbo. -Wa no "ɛ soɔ -wɛ, 'kwiɛ -ŋwa -lɔ "ku. "Ɛ -li -ye 'wa no -wɛ, 'ɛyikɔ 'ye 'ɛ "ne -noɔ, -mɔ, 'wa 'ŋunule me 'ɛnɛɛ nonya!

Zake 5:10

"Nyɔsɔwanye, "guɔkwɔmenya -wa -bhulɛle Anyinɛnyɔ 'na 'tɔ "me -wɛ 'ye- 'kle kpɛnyee, -mɔ, 'wa 'piɛ- nɛ "bhle 'dle. 'A didaloa- 'se.