Luke 11:39 - Nouveau Testament bété de Gagnoa

³⁹ "Ne "Bhenyɔ yu -lɔ bhulɛle- nɛɛ: «-Dɛmeda 'anye faliziɛnya, 'baa 'na keyi "ku 'ye 'a 'wɛle -lɔ, -mɔ, 'anyɛɛ 'mene 'yiɛ -didi, konyinɛ, tɛtɛ -nyɛ zizi "bhaa "ku.

Luke 11:39 Iomraidhean Croise

Matie 15:19

"Naa-, 'dlepɔsɛ -nyɛnye 'klekle 'dlezɔ 'ye 'ɛ 'bhale -lɔ, 'ɛɛ gbɔ -lɔ "ne 'nyakpa 'lɔbhɔ -lɔ 'walua, gbozɛlɛ, "kpɛtɛklinɔŋoɛ, 'wiyliɛ, 'alua 'na gbo 'wlime -gbliɛ, 'tɔnyimɛ -le -lɔ.

Matie 7:15

«'A 'luɔle- -kɛ "guɔkwɔmenya -gbeyia "ku! 'Wa -pla -kɛ wliaku "me "ne 'wa yile -kɛ -lɔ 'anye lo. -Mɔ, 'wanɛɛ 'mene -ko -kɛ sɛgbɛɛ 'slukua.

Luke 16:15

"Ne Zezu yua -lɔ bhulɛle- nɛɛ: «'Anye, 'a tua 'anyɛɛ "meŋwinɛleɛ 'nyakpa 'ylime 'anyɛɛ nonoli "me, -mɔ, Lagɔ -yi 'anyɛɛ 'dle. "Ne -ye 'nyakpa zia "ku -wɛ, 'ɛ "ne Lagɔ 'ŋwana "ku -le -dɛgbɛdɛgbɛ.

Luke 7:13

Anyinɛnyɔ "kɛ "ɛ 'ŋɔnɔ -wɛ "ylime 'ye, -nyɛze "ku 'ye 'ɔ lelo- -lɔ, "ne 'ɔ yu -lɔ bhulɛle- nɛɛ: Te -la 'tu.

Luke 7:19

"Ne 'ɔ yua -lɔ Anyinɛnyɔ "ku 'lebhele- -gbɔ 'wa 'yɔbhɔ lo nɛɛ: -Mɔɔ -noɔ bhɔ -ɔ "kɛ yi -wɛ yɔ, -mɔ, -a yi 'na bhɔ -vinɔ wo 'a?

Zezu Kli 'na 'Denaade ‑ye Zaa kɛle‑ ne lɛ 12:6

Nyɛzenya za 'ye Zuda -na nɛ 'se "ɛ soɔ bhulɛ-, -mɔ, 'winyɔ yɔ nɛ -lɔ zɛ. 'Ɔɔ kulɛ nɛ -lɔ 'wanɛɛ dlasi 'na "zomɔ, "ne 'ɔ 'sɛ nɛ -lɔ "bhle 'wime.

Zezu Kli 'na 'Denaade ‑ye Zaa kɛle‑ ne lɛ 13:2

Zezu -nyɛ 'ɔnɛɛ gɛlenya "bhaa -ko kugbedɛku 'na lilɛ li dɛku. -Mɔ, Sata -plɛ 'awɔ Simɔ yowli Zuda Isekaliɔte 'dlezɔ "klee, -se 'ɔ "kɛ Zezu ple.

Nonoli 5:3

Lɔbhɔ 'ye Piɛle -no -lɔ nɛɛ: «Ananiaase, sɔɔbɛɛza Sata -plɛ bhɔ soɔ -eyi 'dlezɔ 'a? -E -wlɛle Zuzu Wlewle yo yɔko. Dodo -ye -e 'pɔ- 'pɔlo "ku -wɛ 'na 'dlasi, -e zizi- 'ɛ 'cibhɛ.

Galatenya 1:14

Lɔbhɔ 'na dɛ -wɛ "ku, Zufonya 'na Lagɔgligbɛ "me 'na dɛku, 'e -flale nɛ kpɛnyee, "ne 'e 'zi nɛ -alua 'na -bedia -nyɔ 'wɔ "bhaa -a -kɛ 'ylobɛ -bhele -wɛ "ku. 'E -zua nɛ "ku, -sɔɔdɛku, 'e sibhɔ nɛ -ame 'to 'wa 'to 'wɔ 'na -Lɔ 'beme -wɛ 'kwɛmetamaleɛ "me.

2 Timote 3:5

'Wa yi ko sɛgbɛɛ Lagɔ 'wa gɛle me, -mɔ, -a 'cɛ "me 'veɛ ne, 'wa "ne Lagɔ 'na 'bhɛloɛ 'dleku -kɛ kplokplo. Soɔ 'na 'nyakpa -wɛ, gloa keyi.

Tite 1:15

-Li 'klekle -ko 'wlele, -wa -ko 'wlele -wɛ za. -Mɔ, -wa "ne 'wlele -ko -wɛ, "ne -wa sɛ 'dleku kɛle -lo -wɛ, -bɛɛ' "ne -la 'wanɛɛ dɛku 'wlele -ko. -Mɔ, 'wanɛɛ "nanoɛ, "ne 'wanɛɛ 'dlepɔsɛ 'nabhɛ -kɛ 'fe.

Zake 4:8

'A 'nyiɔ- Lagɔ yɔko, -se 'ɔ "kɛ 'anye yɔko 'nyiɔ- -me. 'A "zoa- 'ayi 'wlele, 'anye -wa -noɔ 'nyinyonolinonya 'waa -wɛ! 'A 'wɛle- 'anyɛɛ 'dlezɔ, 'anye -wa -noɔ -fɔfɔlemɔ -kolemɔ 'waa -wɛ