Luke 11:36 - Nouveau Testament bété de Gagnoa

³⁶ Zaa, 'ɛyi 'nabhɛ 'e kɛ zle "ku -ko, "ne -neɛ' dɛne -bholo "mɔ titiɛ "me -ko ne, -eyi 'nabhɛ zle "ku 'ye -e -ko -lɔ sɛgbɛɛ 'napɛ -ɛ le gbɛklɛklɛ -wɛ.

Luke 11:36 Iomraidhean Croise

Matie 13:52

"Ne Zezu yua -lɔ bhulɛle- nɛɛ: «Sɔbhɔ 'ye -Lɔslonyɔ, -ɔ -yibhlele Lagɔ 'na 'Kamalezikpɛ "me 'na weli -wɛ, 'ɔ -ko sɛgbɛɛ suebhenyɔ, -ɔ -sɛ 'ɔnɛɛ zizidɛ -li 'na 'lele "ne 'ɛnɛɛ 'gɔgɔ.»

Matie 5:15

"Ne 'wa yi bhɔ 'napɛ 'yli 'di "ne 'wa 'yi bhɔ nyidɛ 'wlime 'gbli? 'Bhɔ, "nɔgɔ "ku 'wa glɛ -lɔ "ne 'ɛ 'lea -lɔ -bhudu "me 'na konya 'klekle "ku.

Luke 11:35

'Pɔ -na 'dle too, -neɛ' zle -ɛ -ko -eyi "me -wɛ "mɔ -kɛ titiɛ yɛ.

Luke 11:37

Zezu -bhulɛ lɛ "bhuɔ ne, faliziɛnyɔ yu -lɔ lilɛ "ku lale-, "ne 'ɔyi "bhaa 'wa yi -lɔ sueme me, "ne 'wa yi -lɔ lilidɛ 'plele.

2 Kolɛtenya 4:6

Lagɔ nɛɛ: Zle le titiɛ 'jijɛku. 'Ɔyi -bhele -wɛ -le -lɔ -anye 'dlezɔ. 'Ɔ "kɛ gbɔ -se -a "kɛ Lagɔ 'na 'ŋlu -ɛ le Klise 'na "klo -wɛ yibhlele-.

Efɛzenya 4:14

-A -ka -la nyeanyea -yua "me yilile-. 'A -ka -la gɔlo 'tekeyi -ye jinyɛ 'na -gbɔkɔle 'sile -moɔ 'klekle -wɛ 'wlole. 'Dlepɔsɛ -gbeyi -ka -la -anye "moɔ 'klekle kɔme sɛgbɛɛ 'pepe glɛ gɔlo "bhuɛyi 'kwlɛ. 'Nyakpa -ka -la -anye 'wanɛɛ 'yo -wɛ 'wɔ "me wlɛle.

Kolɔsenya 3:16

Klise 'na weli -ko 'anye 'glɛme, 'ɛ -nyɛ 'ɛnɛɛ -klɔgbɔ 'klekle "bhaa. 'A 'sloasloale 'ylimeyamalesɛ, -se 'a "zozole 'de "me. 'A 'bhɛle- Lagɔ 'anyɛɛ 'dle 'klekle zɔ, 'a bhle lo: Some, Lagɔ -lo 'na -ye 'a 'wɛlɛ- 'ayigɛsɛ -wɛ "ne lo -ye Zuzu Wlewle pɔ 'anye -gwe "ku -wɛ.

Eblenya 5:14

-Mɔ, "yitia, lilɛ 'na -ɛ 'tɛ- "ku -wɛ 'wa li -lɔ, 'wa -yi -bɛɛ' 'nasɛ, 'wanɛɛ 'dlepɔsɛ -sua "ne 'wa ciɛ- -li 'na -ɛ 'nɛne "ne -ɛ "ne 'nɛne -wɛ 'na "me -seselia -sɛ.

Zake 1:25

-Mɔ, 'nyɔkpɔ 'na -ɔ ciɛ -Lɔ "namanɔ -ɛ yelea kɔ 'tee -wɛ ne lɛ. 'Ɔ -kɛ "ɛ -Lɔ -wɛ kɔ, 'ɔ fo Lagɔ 'na weli 'yukwli, "ne 'ɔ "ne 'dlu- "ku, "ne 'ɔ 'plɛ "ku. Sɔbhɔ 'na 'nyɔkpɔ -wɛ, -ye 'ɔ kɛ 'se no -ce yu 'ce 'ŋwana "ku -lele.

2 Piɛle 3:18

Zezu Kli 'na wamaleɛ "ne 'ɔnɛɛ yibhleleɛ, Anyinɛnyɔ, -anyɛɛ 'Fuɔnyɔ, 'kpɔmale- 'anye "me. 'Ɔɔ 'bhe- -lɔ 'ŋlu -dɛme ne "ne -godogodo! Amɛn!