Luke 10:9 - Nouveau Testament bété de Gagnoa

⁹ 'A yamalea- "bhle 'na gwizinya, -se 'a 'bhulɛloa- nɛɛ: Lagɔ 'na 'Kamalezikpɛ "ne -la 'anye dɛ tlole-.

Luke 10:9 Iomraidhean Croise

Matie 3:2

«'A 'bheliɔ- kɔ, -mɔ, Lagɔ 'na 'Kamalezikpɛ "ne -la 'anye dɛ tlole-.»

Matie 4:17

'Ɛ dɛ -wɛ "ku, 'ye Zezu 'ci- -lɔ Lagɔ 'na 'Denaade 'na -sɛ -ku, 'ɔ nɛɛ: «'A 'bhelia- 'anyɛɛ kosɛ kɔ, -mɔ, Lagɔ 'na 'Kamalezikpɛ "ne -la 'anye dɛ tlole-.»

Malke 4:30

Zezu nɛɛ: «-Ye 'wa "kɛ bhɔ Lagɔ 'na 'Kamalezikpɛ 'wɔkɔle- 'a? 'Nunɛ 'na -ye 'wa "kɛ bhɔ 'nyakpa "me 'pɔle 'a?

Malke 6:13

"Ne 'wa sɛ 'awɔ 'nyakpa 'na -bɛɛ' zuzu -nyɛnyea keyi. 'Wa 'slu 'awɔ 'gwizinya -kwleyia 'kpe 'wli, "ne 'wa yamaloa 'awɔ.

Luke 10:10

-Mɔ 'Anye "ɛ 'du 'na -mee 'a kɛ 'ce -plɛ, "ne 'wa ne 'ce 'anye 'tee 'sa-, 'a me digbɛ "me -se 'a no nɛɛ:

Luke 10:11

'Anyɛɛ 'du ne "me 'na 'bhibhi 'nabhɛ, -ɛ -ko -anye bho yɔko ne, -a gbɔtɔ bho -se 'ɛ "kɛ 'anye yɔko to-. -Mɔ, 'a 'yibhlele- -kɛ sɛ nɛɛ: Lagɔ 'na 'Kamalezikpɛ "ne -la 'anye dɛ tlole-.

Luke 9:2

'Ɔ -lobhoa -se 'wa "kɛ Lagɔ 'na 'Kamalezikpɛ biɛ-, -se 'wa "kɛ 'nyakpa yamalea-.

Zezu Kli 'na 'Denaade ‑ye Zaa kɛle‑ ne lɛ 3:3

"Ne Zezu yu -lɔ bhulɛle- nɛɛ: «Gbɛklɛklɛ 'ye 'e bhulɛle -lɔ -eyi: 'Nyɔkpɔ "ne 'bhɛle- "ne 'ɔ "kɛ Lagɔ 'na 'Kamalezikpɛ 'ylime 'ye, 'ɔ "mɔ "kusɔ -gwɛleleɔ ne.»

Zezu Kli 'na 'Denaade ‑ye Zaa kɛle‑ ne lɛ 3:5

"Ne Zezu yi -lɔ no nɛɛ: «Gbɛklɛklɛ 'ye 'e bhulɛle lɛ -eyi: 'Nyɔkpɔ "ne 'bhɛle- "ne 'ɔ "kɛ Lagɔ 'na 'Kamalezikpɛ "me bhɔlɔ-, 'ɔ "mɔ 'ŋu "ne Zuzu 'wlewle "me -gwɛleleɔ ne.

Nonoli 28:28

"Ne Pɔle yi 'lelee -lɔ no nɛɛ: -Ye 'a "kɛ yibhlele- ne lɛ. -Wa "ne Zufonya 'waa -wɛ za 'Denaade -yi -lɔ -tiaa. "Naa-, 'wayi, 'wa 'yi 'ce 'yukwli fo zɛ!» [

Nonoli 28:31

Pɔle -sɛle Lagɔ 'na 'Kamalezikpɛ "me 'na 'de -glɔnya, "ne 'ɔ -sloa nɛ -lɔ Anyinɛnyɔ Zezu Kli 'na "ku -kosɛ 'klekle 'nyakpa, 'ɔ "ne "gu nɛ "ne 'nyɔkpɔ "ne bhlu nɛ nuɔ "ku.