Luke 10:20 - Nouveau Testament bété de Gagnoa

²⁰ 'Ŋwɛnɛ te kɛ 'anye zuzu -nyɛnyea 'na 'plome -ye 'wa "zo 'anye -wɛ za 'lɔbhɔ, -mɔ, 'ŋwɛnɛ 'lɔbhɔ 'anye 'anyɛɛ 'tɔ -ɛ kɛleɔ- "nɔgɔ "me -wɛ za.

Luke 10:20 Iomraidhean Croise

Matie 10:1

Zezu la- 'ɔnɛɛ gɛlenya -kogbɔ "sɔ, "ne 'ɔ yua -lɔ 'bhɛloɛ "nyɛ, -se 'wa "kɛ -kɛ zuzu -nyɛnyea kpeti-, -se 'wa "kɛ gu -nyɛ gbapegbapeɛ 'klekle "bhaa yamalea-.

Matie 26:24

'Nyɔkpɔ Yowli yi 'ce "ku, -see 'ɛ kɛleɔ- Lagɔbɔgo "me 'ɔnɛɛ dɛku. 'Kpilɛkpilɛ "yitɛ! -Ɔ ple 'Nyɔkpɔ Yowli -wɛ 'na za. Sɔbhɔ 'na 'nyɔkpɔ -wɛ, 'ɔ "mɔ nɛ -gwɛleɔ 'ɛ nɛne nɛ.»

Matie 27:5

Zuda 'pɔ- 'dlasi "Mebɔbɔle-bhudu "me, "ne 'ɔ yi -lɔ 'ɔyi glɛ -ka me.

Filiponya 4:3

"Ne -eyi, 'neɛ 'diɛɛ 'na -gwebhlinyɔ, 'e 'yɔbhɔ -gbɔ kwɛle- "ɛ 'ŋwenea "sɔ -wɛ. "Naa-, 'wayi 'wɔ "bhaa -a -gwele kɔ 'Denaade za, 'ɛ -nyɛ Klema "ne "nowlia -nyɔ 'wɔ "bhaa -a -nole libhɔ 'gɔme -wɛ. 'Wanɛɛ 'tɔ 'kɛleɔ- zikpɛbɔgo "me.

Eblenya 12:23

"ne 'anye, 'a nyiɔ- Lagɔ 'na tɛtɛyua -ye 'ɔ -gwɛle 'na -zakpɛ yɔko -nyɔ 'na 'tɔ kɛleɔ- "nɔgɔ "me -wɛ. 'A nyiɔ- Lagɔ -ɔ 'bhlele -glɔ 'klekle gbo -wɛ yɔko. 'A nyiɔ- 'nyakpa -wa ŋwinɛle- "me "ne 'wa "ku- "ne 'wa "zo- wlewle -wɛ yɔko.

'Ylikloylɛleweli 13:8

Dodo ne "ku 'na 'nyakpa 'klekle yu 'ce "zo, -mɔ nyɔ 'wɔ 'na 'tɔ kɛleɔ- zikpɛbɔgo "me -see zikpɛ "mɔ 'awɔ 'wlo "ne "bhle -ko -me. "Ɛ "bɔgo ne, 'bhlɛbhlɛyu -ye 'wa 'lɔbhɔ- bɔbɔ -za "ne 'ɔ yi "ku -wɛ 'bhe- -lɔ.

'Ylikloylɛleweli 17:8

"Ɛ nɛmɛ -ye 'e 'ye- 'ylime -wɛ -le 'awɔ, -mɔ, 'ɔ "ne -la -le, 'ɔ yi "kuduku 'bha "ne 'ɔ yi -dee 'ɔ "kɛ "kubhiɛle- -wɛ me. "Ne dodo ne "ku 'na konya -nyɔ 'wanɛɛ 'tɔ "ne zikpɛbɔgo ne "me kɛleɔ- "kucidɛku -wɛ, 'wa kɛ "ɛ nɛmɛ -wɛ 'ylime 'ye-, 'ɛ yua geji "ku -sɛ, "naa-, 'ɔ -le 'awɔ, -mɔ, 'ɔ "ne -la -le, 'ɔ yi 'ce "kusɔ yi.

'Ylikloylɛleweli 20:12

"Ne 'e 'ye- "kudukonya 'ylime, yua "ne "yitia, 'wa 'nyegbe- 'leyli-gbɔglo 'yli "ku, "ne Lagɔbɔgo yi -lɔ "ku 'kɛleɔ-, "ne "bɔgo 'na -vinɛ yi -lɔ "ku kɛleɔ-, -ɛɛ -noɔ -lɔ Zikpɛ -bɔgo yɛ. "Ne 'wa yi -lɔ "kudukonya 'gbobhlele- -see 'ɛ 'kɛleɔ- 'awɔ Lagɔ-bɔgo "me -wɛ.

'Ylikloylɛleweli 20:15

'Nyɔkpɔ 'na nyɔ 'na 'tɔ "ne zikpɛbɔgo "me kɛleɔ- -wɛ, -kosu-gbagbo "me 'wa 'pɔ -lɔ.

'Ylikloylɛleweli 21:27

"Ne -bɛɛ' 'na -ɛ -kɛ 'fe Lagɔ 'yli "ku -wɛ -ka "bhle plɛ. "Ne 'nyakpa 'na 'wa no -li ''na -ɛ "ne nosɛ -kɛ -wɛ, "ne yowlɛnya -ka 'lelee "bhle plɛ -me, -mɔ, nyɔ 'wanɛɛ 'tɔ kɛleɔ- 'bhlɛbhlɛyu 'na zikpɛbɔgo "me -wɛ 'wayikɔ "kɛ -lɔ "bhle plɛ.

'Ylikloylɛleweli 3:5

Sɔbhɔ, -ɔ -to 'wliku "kɛ -lɔ "koti 'fɛɛ 'slu-, 'ɔnɛɛ 'tɔ -ɛ kɛleɔ- zikpɛ 'na "bɔgo "me -wɛ, 'e -cɛ "ku 'titli, -ame To 'yli "ku, "ne 'ɔnɛɛ "nɔgɔzilia 'yli "ku, 'e yu yibhlele- -gbɔ 'nyɔkpɔ ne 'neɔ yɔ -lɔ.