Luke 10:2 - Nouveau Testament bété de Gagnoa

² "Ne 'ɔ yua -lɔ bhulɛle- nɛɛ: «'lɛɛ 'kpɔ- kpɛnyee, -mɔ "bhle 'na libhɔnonya "ne -zu, zaa, 'a bhubhɔ- 'lɛɛbhenyɔ -se 'ɔ "kɛ "bhle 'na libhɔnonya -nɛme.»

Luke 10:2 Iomraidhean Croise

Matie 20:1

«Lagɔ 'na 'Kamalezikpɛ -ko sɛgbɛɛ 'suebhenyɔ -ɔ 'wlo- zegbakpɔ "me zɔ 'bhobhlo, "ne 'ɔ yi libhɔnonya 'siɛ tɛle- -ka "me, -se 'wa "kɛ 'ɔnɛɛ vinyelɛ "me libhɔ no -ka me.

Malke 13:34

Sɛgbɛɛ, 'nyɔkpɔ 'na -ɔ me 'lowlime "ne -ɔ tle 'ɔnɛɛ -bhudu 'ɔnɛɛ "kulɔbhɔnya yɔko, "ne 'ɔ 'joa -lɔ libhɔ kɔ -bholo -bholo, "ne 'ɔ bhulɛle -lɔ 'ɔnɛɛ -bhudu 'na "klokolenyɔ nɛɛ: 'Gɛle- -kɛ 'ylime.

Malke 16:15

"Ne Zezu yua 'lelee -lɔ sɛne bhulɛle- nɛɛ: «'A me -glɔ 'klekle "ku, -se 'a "kɛ "bhle 'Denaade 'nyakpa 'klekle -sɛle.

Malke 16:20

"Ne Gɛlenya yi -lɔ -glɔ 'klekle "ku 'Denaade -sɛle -ka me. Anyinɛnyɔ 'kwɛloa "ne "ɛ libhɔ -ye 'wa no -wɛ "me 'ɔ nyoa 'bhɛloɛ -se 'wa "kɛ -li 'na -ɛ sɛ geji "ku -wɛ no. Soɔ 'ye 'ɔ -tua -lɔ 'ylime -gbɔ gɛlenya 'na weli -ye 'wa -bhulɛ -wɛ 'diɛɛ yɛ -lɔ.

Luke 9:1

Zezu "zo- gɛlenya kogbɔ "sɔ 'wli. 'Ɔ 'nyoa- 'bhɛloɛ -se 'wa "kɛ zuzu -nyɛnyea 'klekle 'kpeti-, -se 'wa "kɛ 'gwizinya yamalea-.

Nonoli 11:19

Etiɛne "ku lɛ "bhuɔ ne, "ne 'nyakpa yi -lɔ 'klecɛnya 'nyɛze ziɛ-, "ne 'wa yi -lɔ -dee 'wa -wa -wɛ me -kaa Fenisi, Siple "ne Atiɔse -glɔ "me, 'wa -slo 'awɔ "bhle Zufonya 'wayikɔ Lagɔweli.

Nonoli 13:2

'Yli -bholo "me, 'wa -ko 'awɔ Anyinɛnyɔ bhubhɔ dɛku nuɛteɛ "me, "ne Zuzu Wlewle yi -lɔ no nɛɛ: «'A -sɛ lɔbhɔ Banabase -nyɛ Sɔle "bhaa -se 'wa "kɛ libhɔ -nyɔ za 'e 'loa- -wɛ no -ka me.»

Nonoli 13:4

Zuzu Wlewle "kɛ Banabase -nyɛ Sɔle "bhaa 'lebhe- ne, Selesi -du "me 'wa 'kwlile- -lɔ zɔ, lɔbhɔ 'wa 'bha- "ne 'wa yi -lɔ bato "ku 'libhi "ne 'wa yi -lɔ Siple -glɔ "me me.

Nonoli 20:28

Zaa, 'a 'slu "kɛ 'ayi 'tee, -se 'a 'slu -me "kɛ 'lelee Zuzu Wlewle 'na wlia 'ye 'ɔ -kulɛle 'anye "ku -wɛ 'tee, -se Lagɔ -gligbɛ 'ye 'ɔ sɔbhɔ- 'ɔyigɛsɛ 'ɔ yowli 'na dlu nu -wɛ "kɛ -kɛ 'anye 'fuɔ.

Nonoli 22:21

"Ne Anyinɛnyɔ yi -lɔ -ame bhulɛle nɛɛ: Me 'yuku -wa "ne "zo Lagɔ -wɛ 'na mɛce 'ye 'e 'lebhele -lɔ -eyi.»

Nonoli 8:4

'Wayi 'glɛme 'na -wa -fɔtɔ 'awɔ -wɛ, plɛ 'awɔ -lɔ -bhudu "me, "ne 'wa -sɛle 'awɔ -lɔ Lagɔ 'na 'Denaade 'nyakpa.

1 Kolɛtenya 12:28

Lagɔgligbɛ "me 'na 'tɛtɛnoa -ye Lagɔ 'nyɛ 'glidɛ -wɛ 'pa- -lɔ "kɔlepɔnya, "sɔɔnoa 'pa -lɔ "guɔkwɔmenya, tanoa 'pa -lɔ -wa 'sloa Lagɔweli -wɛ. "Ne 'nyakpa 'na -wa "pɔ zɛzɛ -wɛ -ko -lɔ lɔbhɔ, 'Wayi 'ye -wa 'yamalea 'nyakpa -wɛ 'pe- -lɔ keyi. 'Nyakpa 'na -wa 'kwɛle 'walua -ko, 'nyakpa -wa sloa 'walua 'tee 'na -gwe 'dɛ 'pe- -lɔ lɔbhɔ, "ne 'nyakpa 'na -wa gbɔ gbo 'na -ɛ "ne -yiɔ -ko -me lɔbhɔ.

1 Kolɛtenya 15:10

-Mɔ, Lagɔ 'na -se 'ɔ -wa -ame -wɛ za, 'e "zo- -lɔ -zeka 'nyɔkpɔ "ne 'a -gɛ -lɔ -ame 'yli, "ne 'ɔnɛɛ 'ŋwɛnɛ -wɛ yi -lɔ -ame -li 'na -li noa-, 'e -no libhɔ "ne 'ɛ -zi "kɔlepɔnya 'klekle -nɛ "ku. 'Mɔɔ "ne -kɛ "ɛ libhɔ -wɛ no, -mɔ, Lagɔ 'na -jɔlo 'gbɔ- -lɔ.

2 Kolɛtenya 6:1

Zaa, -anye -nyɛ Lagɔ "bhaa -wa nole libhɔ 'gɔme ne, -anye 'yɔbhɔle -lɔ 'anye -ɛne: -Jɔlo -ye Lagɔ 'je 'anye kɔ -wɛ 'a 'te nyimɔ.

Filiponya 2:21

-Wawɛ 'klekle, 'wayi 'wa gugwɔle -lɔ 'dle "me, -mɔ, 'wa "ne gbɔ Zezu Kli 'na gbo.

Filiponya 2:25

-Mɔ, 'e 'ye- -la lɛ 'ylime ne, 'ɛ -leɛ -a "nɔwli Epaflodiite, 'neɛ libhɔnonyɔ, 'neɛ kwɛlenyɔ, 'ye 'e "kɛ -la -lɔ 'anye -nɛme. 'Ɔyi 'ye 'a 'pɔ- -lɔ -ame -gwe "ku -ye 'e 'tɛle nɛ kwɛlenyɔ 'siɛ -wɛ.

Filiponya 2:30

Klise 'na libhɔ za, 'ɔ 'na "ku, 'ɔ -siɛle glu. 'Ɔ 'bhale- 'ɔnɛɛ zikpɛ "me, "ne 'ɔ yi -lɔ -ye 'a "kɛ nɛ 'ayigɛsɛ -ame -nɛme -wɛ, -nɛme.

Kolɔsenya 1:29

'Ɛza, 'e no -lɔ libhɔ, "ne 'e "tɔtɔle -lɔ 'ayikɔ Klise -ɔ -ko -ame "me 'ɔnɛɛ 'bhɛloɛ "bhaa -wɛ za.

Kolɔsenya 4:12

Epaflase, -ɔ -noɔ 'anyɛɛ moɔ -nɔ yɔ -wɛ 'bhɛle 'anye. Zezu Kli 'na "kulɔbhɔnyɔ, -ɔ bhubhɔ 'anyɛɛ za, "ne 'ɔ "ne 'diɔle -wɛ yɔ -lɔ. 'Ɔ 'yɔbhɔ -gbɔ 'anyɛɛ Lagɔ zikpɛ me "klo "ku -se 'a "kɛ Lagɔ 'na -ye 'ɔ 'yɔbhɔ -wɛ yibhlele-, 'ɛɛ "kɛ -lɔ gbɔ "ne 'a "kɛ -lɔ "me "tamale-.

1 Tesalonikenya 2:9

Zaa, 'a "pɔ libhɔ -ye -a -no "ne -a 'kplɛ- -wɛ "ku 'dle. "Nowlia 'wanye, -a -no libhɔ 'ylokwɛ "ne 'sabo, "ne -a "ne 'ce 'anyɛɛ 'glɛme 'na -bholo 'kpla-, soɔ 'ye -a -sɛle -lɔ 'anye Lagɔ 'na 'Denaade.

1 Tesalonikenya 5:12

-Nyɔsɔwanye, -ye -a 'yɔbhɔle 'anye "me lo ne lɛ: 'Nyakpa 'na -nyɔwɔ "bhaa 'a nole libhɔ 'gɔme, "ne 'wa 'kplɛ 'anyɛɛ za -wɛ, "ne -wa -noɔ 'anyɛɛ "klo "ku 'na "yitia 'waa -wɛ, 'a "zoa 'plome, "naa-, Anyinɛnyɔ -soa -lɔ lɔbhɔ -gbɔ 'a kɛ 'kwlɛ -bhli ne, 'wa "kɛ 'anye -gwe 'dɛ 'sloa-.

2 Tesalonikenya 3:1

Zaa, -Nyɔsɔwanye, 'a 'bhubhɔ -me -kɛ -anyɛɛ za, -se Anyinɛnyɔ 'na weli "kɛ -kɛ moɔ 'klekle ŋwɛne-, -se 'ɛ "kɛ 'plome ko, -see 'ɛ -ylɛle 'anye 'glɛme -wɛ.

1 Timote 4:10

"Naa-, -a no libhɔ "nyɛnye "ku, "ne -a "tɔtɔle -ayikɔ, sɛko -wɛ, -a "zo- -anyɛɛ 'dlekukɛleɛ Lagɔ -ɔ -yɛ gbligbli -wɛ "me. "Naa-, 'ɔ -noɔ -lɔ 'nyakpa 'klekle 'na Fuɔnyɔ yɔ, -mɔ, 'wa -kɔ 'dleku -wɛ -nɔ yɔ -lɔ tiaa.

2 Timote 4:5

-Mɔ, -eyi, -li 'klekle "me 'piɛle -kɛ -eyi "ku. Gbapegbapeɛ "kɛ -eyi yle ne, yibhlele- 'ɛ slusɛ, sloa 'Denaade, -se lɔbhɔ Lagɔ "ku 'tee.

Filemɔ 1:1

-Ame Pɔle, Zezu Kli 'na -jiɛnyɔ, "ne Timote -a "nɔwli "bhaa, -eyi, Filemɔ -a -wale, -nyɔ "bhaa -a nole libhɔ "ku ne, 'ye -a 'kɛle lɛ "bɔgo ne "ku,

Eblenya 3:6

-Mɔ, -dɛmeda, -ye Klise no -wɛ, -see 'ɔ -noɔ yu yɔ -wɛ za yɛ -lɔ, "ne 'ɔ -su Lagɔ 'na -bhudu 'na 'wli. 'Ɔnɛɛ -bhudu -wɛ, -anye 'waa -lɔ, -a kɛ -kɛ 'dlekutamaleɛ kɔ -kɛle "ne -a kɛ -kɛ -ye -a tɛle- 'dle -wɛ "me zligbɔle-.

'Ylikloylɛleweli 2:1

"Kɛle "nɔgɔzilɔ -ɔ -ko Efɛzedu "me 'na Lagɔgligbɛ "me -wɛ "ku: «Sɛne -ɔ -su -zeli gbɔɔsɔ lilikwlɛ "me, "ne -ɔ 'nɔŋole- 'napɛ 'na 'glɛdɛ gbɔɔsɔ -ɛ -noɔ -badlɛ "ku 'na jijɛku -wɛ lɛ -lɔ.