Luke 1:35 - Nouveau Testament bété de Gagnoa

³⁵ "Ne "ɛ "nɔgɔzilɔ yi -lɔ Mali bhulɛle nɛɛ: «Zuzu Wlewle "kɛ -lɔ -eyi "ku 'kwlile-, "ne Lagɔ -ɔ zi "ku 'na 'bhɛloɛ "kɛ -lɔ -eyi "ku 'wale- sɛgbɛɛ zuzu: 'Ɛnɛɛ za, yu -ɔ "kɛ gwɛleɔ- -wɛ "kɛ 'ce -lɔ 'wlewle ko, "ne 'wa "kɔ 'ce -lɔ Lagɔ 'na Yu la.»

Luke 1:35 Iomraidhean Croise

Matie 1:18

Zezu Kli 'na -see 'wa -gwɛlo 'na weli ne lɛ: 'Ɔ "nɔ Mali, 'wa 'tebhe- 'awɔ -lɔ Zozɛfo "ku, -mɔ, 'wa -namlɛ nɛ "ku 'kole- "ne Zuzu Wlewle 'na 'bhɛloɛ kɔ, Mali yi -lɔ go 'ye.

Matie 1:20

'Ɔ "pɛ nɛ "ku 'dle "ne "nɔgɔzilɔ yu -lɔ 'yliku sibhɔ 'yla "me, "ne 'ɔ yu -lɔ bhulɛle- nɛɛ: «Zozɛfo, Davide 'na yu 'na yu, te 'se Mali 'na "kulibhiɛ -gɛ 'gu, -mɔ, Zuzu Wlewle -gbɔ -lɔ "ne 'ɔ yi -lɔ go 'ye.

Matie 14:33

"Ne 'ɔnɛɛ gɛlenya -wa -ko nɛ "ɛ gɔlo "me -wɛ yu -lɔ -kokomini 'yliku "pɔle "ne 'wa yu -lɔ no nɛɛ: «'Diɛɛ, Lagɔ 'na yu 'ye -e -noɔ -lɔ.»

Matie 27:54

Wlɔmo 'na "slojayu "yitɔ "ne "slojanya -wa -kole nɛ Zezu "klo -wɛ, yi nɛ -lɔ dodo 'na 'tɛtɛtɛtɛlenɛ 'ylime 'ye. 'Wa 'ye- nɛ 'lelee -ɛ -ylele lɔbhɔ 'klekle -wɛ 'ylime, "ne nyanɔ yua -lɔ 'lɔbhɔ "yitɛ "ku, "ne 'wa no 'awɔ -lɔ nɛɛ: «'Nyɔkpɔ -wɛ, Lagɔ 'na yu yɔ nɛ -lɔ 'diɛɛ!»

Matie 4:3

"Ne "ɛ Sata yi -lɔ Zezu yɔko 'nyiɔ-, "ne 'ɔ yu -lɔ bhulɛle- nɛɛ: «-E kɛ 'diɛɛ Lagɔ 'na Yu yɔ, bhulɛle- "ɛ 'tiyi ne 'wɔ -se 'ɛ "kɛ "fɔlɔ "me 'ylile-.»

Malke 1:1

Dɛne Lagɔ Yowli Zezu Kli 'na 'Denaade 'cile lɛ "ku.

Malke 1:24

«Nazalɛte 'na Zezu, -ye -e 'yɔbhɔle bhɔ -anye "me -tia 'a? -E "kɛ -anye "kwlɛ 'bhilia- zaa -e -yi bha? -Ame, 'e -yi "neɛmɔ -ye -e -noɔ: Lagɔ 'na lebhelebhleyu -ɔ -ko 'Wlewle 'ye -e -noɔ -lɔ.»

Luke 1:27

'Ŋuyu -digbɔ -ye 'wa 'tebhe- 'nyɔkpɔ -bholo 'ɔ 'pa- Zozɛfo "ku -wɛ 'na dɛce. Davide 'na -bhudu "me 'na yu yɔ -lɔ: "Ɛ 'ŋuyu -digbɔ -wɛ 'pa- -lɔ Mali.

Luke 1:34

Lɔbhɔ 'ye Mali -bhulɛle -lɔ "ɛ "nɔgɔzilɔ nɛɛ: «-see 'ɛ "kɛ bhɔ ylɛle 'a? "Naa-, 'e "ne 'widi -yi.»

Luke 1:36

-E -gɛ -e "nɔyɔ Elizabɛte -ye 'wa la -ɔ "ne gwɛleŋɔnɔ -wɛ 'yli, 'ɔ -kɛ -me 'widiyu 'na go, 'ɛnɛɛ 'ce 'na 'gbeplo nɛ "me 'ye 'ɔ -ko -lɔ.

Zezu Kli 'na 'Denaade ‑ye Zaa kɛle‑ ne lɛ 1:34

-Ɛwɛ 'klekle 'e 'ye- 'ylime, "ne 'e 'ye- 'ɛ dɛ; 'Ɛza 'e no -lɔ nɛɛ: 'Nyɔkpɔ ne, Lagɔ 'na Yu yɔ -lɔ 'diɛɛ.»

Zezu Kli 'na 'Denaade ‑ye Zaa kɛle‑ ne lɛ 1:49

Lɔbhɔ 'ye Natanayɛle -bhulɛlo -lɔ nɛɛ: «"Bhenyɔ, Lagɔ Yowli 'ye -e -noɔ -lɔ, "ne -e -noɔ 'lelee -lɔ Izlayɛle 'na -klɔgbɔnyɔ yɔ.»

Zezu Kli 'na 'Denaade ‑ye Zaa kɛle‑ ne lɛ 20:31

'Ɛnɛɛ -ɛ kɛleɔ- ne, 'a 'cɛ 'dleku kɛle- -gbɔ Zezu -noɔ -lɔ Lagɔ Yowli yɔ, "ne 'ɔɔ -noɔ -lɔ 'Fuɔnyɔ yɔ. Zaa, 'a 'cɛ 'dleku -kɛ, 'a yi 'ce zikpɛ 'na -ɛ -ka "kubhiɛ -wɛ yle, 'ɔnɛɛ -tɔ "me.

Nonoli 8:36

'Wa -le 'awɔ me dɛku, "ne 'wa yi -lɔ bɔɔ yɔko ylɛ, "ne "ɛ Etiopiɛyu ne yi -lɔ no nɛɛ: «'Ŋu ne lɛ; 'Ye -e -wo bhɔ -se -e "kɛ -ame batɛme "nyɛ cuu.» [

Wlomɛnya 1:4

Zuzu Wlewle "me, Lagɔ 'jilɛ- 'ɔnɛɛ 'bhɛloɛ 'ɔ Yowli "me. -Sɔɔdɛku, 'ɔ -sɔ -glukonya 'glɛme -wɛ. Anyinɛnyɔ Zezu Kli yɔ -lɔ.

Galatenya 2:20

'E -yɛ, -mɔ, -ame, "mɔ "ne -la -yɛ, Klise -yɛ -la -lɔ -ame "me. -Dɛmenadɛ "ku, 'neɛ zikpɛ -ye 'e -ko -la -dɛme "ku ne, Lagɔ 'na 'Yu 'na 'dlekukɛleɛ "me 'ye 'e -sule -lɔ 'neɛ zikpɛ, 'ɔyi -ɔ -wa -ame, "ne -ɔ -ple 'ɔnɛɛ zikpɛ 'neɛ za -wɛ.

Efɛzenya 2:3

'Watɔ -ce, -anye 'lelee, -a ko -me 'awɔ "ɛ 'nyakpa -wɛ 'glɛme, -sɔɔdɛku -a -gɛlele 'awɔ -anyɛɛ 'dlepɔsɛ -nyɛnye -wɛ. -A "zo 'awɔ -anyɛɛ -kosɛ -nyɛ 'dlepɔsɛ -nyɛnye -wɛ "bhaa 'plome. "Ɛ -anyɛɛ 'nyɔkpɔ -kosɛ 'na 'ylime, Lagɔ yi nɛ -anye 'kɛle yɔko 'pɔle -wawɛ 'nasɛ.

Eblenya 4:15

Sɛko -wɛ -a -kɛ bɔbɔnyɔ "yitɔ, -ɔ 'bhɛle- "ne 'ɔ "kɛ -anyɛɛ sɛ 'gbape -me -anyɛɛ 'kwɛme-yɔleɛ 'na za. "Naa- -anyɛɛ sɛ, 'wa 'beɔ- -li 'klekle za "me, -mɔ 'ɔyi, 'ɔ "ne 'nyinyonoli -no.