Luke 1:32 - Nouveau Testament bété de Gagnoa

³² 'Ɔ yi 'ce 'kpɔmale- "ne 'wa yu 'ce "kuzi Lagɔ 'na yu la. Anyinɛnyɔ Lagɔ yu 'ce 'ɔ 'to Davide 'na 'leyli-gbɔglo "ku 'jilɛ.

Luke 1:32 Iomraidhean Croise

Matie 1:1

Zezu Kli 'na 'gwɛlenya 'na "kukoweli ne lɛ: Zezu Kli, Davide 'na yu 'na yu yɔ -lɔ "ne Davide, Ablame 'na yu 'na yu yɔ -lɔ.

Matie 12:42

Seba 'na -klɔgbɔŋɔnɔ 'bha- 'awɔ 'mɔblobhlu, "ne 'ɔ -yi 'awɔ 'nanenyɔ Salomɔ 'na bhulɛweli 'yukwli fo -ka. Gbobhlezle, "ɛ -klɔgbɔŋɔnɔ -wɛ yi "ku -sɔ 'ɔ -nyɛ "ɛ -zakpɛ ne "bhaa, "ne 'ɔ yua gbo lua-! -Ɔ -zi lɛ Salɔmɔ "ku -ko "ɛ dɛne.

Matie 28:18

Zezu 'nyua- yɔko, 'ɔ nɛɛ: «'E -yle 'bhɛloɛ 'klekle "nɔgɔ "me "ne dodo ne "ku.

Matie 3:11

«-Ame, 'ŋu nu 'ye 'e "nyɛle lɛ 'anye batɛme, -se 'a "kɛ kɔ 'bheliɔ-. -Mɔ, -ɔ 'bhale -ame 'beme -wɛ 'ɔ 'kpɔ- "ne 'ɔ -zi -ame "ku: 'E "ne 'bhɛle- "ne 'e "kɔ 'ɔnɛɛ 'kpɔkolo 'bho "me -sɛ. 'Ɔyi, Zuzu Wlewle "me, "ne -kosu "me, 'ɔ "kɛ -lɔ 'anye batɛme "nyɛle.

Malke 14:61

Zezu -tli "ku. 'Ɔ "ne -sɛ 'wanɛɛ weli -wɛ keyi. "Ne bɔbɔnyɔ "yitɔ yu -lɔ "kusɔ lo 'yɔbhɔle: «Klise, Lagɔ -ye 'a "zo -wɛ 'na yu 'ye -e -noɔ bha?»

Malke 5:7

'Ɔnɛɛ "mekpaweli -gɛ "mɛ -ce, 'ɔ nɛɛ: «-Ye -e 'yɔbhɔle bhɔ -ame "me 'a, Zezu, Lagɔ -ɔ zi "ku 'na yu? -Yaya -kɛ, Lagɔ 'na 'tɔ "me, te -kɛ -ame "nyɛnye no!»

Luke 1:15

"Naa-, 'ɔ yi 'kpɔmale- Anyinɛnyɔ 'yliku. 'Ɔ -ka 'ce duvɛ -ɛ 'tɛ- "me -wɛ 'nɔmɔ. 'Ɔ -ko 'ɔ "nɔ 'mene "ne Zuzu Wlewle kɔ 'ce -lɔ "ku 'kwlile-.

Luke 1:35

"Ne "ɛ "nɔgɔzilɔ yi -lɔ Mali bhulɛle nɛɛ: «Zuzu Wlewle "kɛ -lɔ -eyi "ku 'kwlile-, "ne Lagɔ -ɔ zi "ku 'na 'bhɛloɛ "kɛ -lɔ -eyi "ku 'wale- sɛgbɛɛ zuzu: 'Ɛnɛɛ za, yu -ɔ "kɛ gwɛleɔ- -wɛ "kɛ 'ce -lɔ 'wlewle ko, "ne 'wa "kɔ 'ce -lɔ Lagɔ 'na Yu la.»

Luke 1:76

"Ne -eyi 'yubhueyi, 'wa yi 'ce -eyi -Ɔziku 'na "guɔkwɔmenyɔ la, "naa-, -e yi 'ce Anyinɛnyɔ 'yliku 'nɔŋo, "ne -e yi 'ce 'ɔnɛɛ -gwe 'wli 'jijalea-,

Luke 3:16

"Ne Zaa yi -lɔ no nɛɛ: «-Ame, 'ŋu "me 'e 'nyɛle -lɔ 'anye batɛme.» -Mɔ, 'nyɔkpɔ -bholo 'bhale -ame 'beme. 'Ɔ 'kpɔ- -kakaka "ne 'ɔ -zi -ame "ku. 'E "ne 'bhɛle- "ne 'e "kɛ 'ɔnɛɛ -kpɔklo 'na 'lu vulu-. 'Ɔyi, Zuzu Wlewle -nyɛ -kosu "bhaa "me 'ɔ "kɛ -lɔ 'anye batɛme 'nyɛle.

Luke 6:35

Zaa, 'a wamale- 'anyɛɛ -gblenya. -Se 'a 'noa 'nɛne 'wli. -Ye 'wa bho 'anye -wɛ, 'wa 'wlɛ- -se 'a te lebhe gwele keyi "zo. 'Anyɛɛ peɛloɛ yi 'ce 'kpɔmale-. "Ne 'wa "kɛ -lɔ 'anye "ku zi Lagɔ 'na yua la. "Naa- 'ɔ -ko 'nɛne konyinɛnya za, "ne -wa "ne yibhlele- 'nɛne -wɛ za.

Zezu Kli 'na 'Denaade ‑ye Zaa kɛle‑ ne lɛ 12:34

"Ne "ɛ -zakpɛ -wɛ bhulɛlo -lɔ nɛɛ: «-Anyɛɛ -gbagbɛ "me, ŋwɛnɛɛ: 'Fuɔnyɔ -ka 'ce "ku me. Zaa, sɔɔbɛɛza -e no bhɔ -gbɔ 'Nyɔkpɔ Yowli, 'biza 'wa "kɔ biza- 'a? "Ɛ 'Nyɔkpɔ Yowli -wɛ, sɔɔnyɔ yɔ bhɔ?»

Zezu Kli 'na 'Denaade ‑ye Zaa kɛle‑ ne lɛ 6:69

"Ne -anye, -a -kɛ 'dleku, "ne -a -yi sɛ -gbɔ -eyi, Lagɔ 'na Yu -ɔ -ko 'Wlewle 'ye -e -noɔ -lɔ.»

Nonoli 16:17

'Ɔ -bhli nɛ -anye 'beku, Pɔle -nyɛ -ame "bhaa, "ne 'ɔ "kpa nɛ -lɔ "me nɛɛ: «"Ɛ 'nyakpa ne Lagɔ -ɔ zi "ku 'na "kulɔbhɔnya 'waa -lɔ! 'Wa slo 'anye -gwe -ye 'a "kɛ bhli "ne 'a "kɛ "po -wɛ dɛ.»

Nonoli 2:30

-Mɔ, Davide, "guɔkwɔmenyɔ yɔ 'awɔ -lɔ, "ne 'ɔ -yi 'awɔ sɛ -gbɔ Lagɔ -plolo 'awɔ weli kɔ nɛɛ: 'E yi 'ce -neɛ' yu 'na yu -neɛ' 'leyli- -gbɔglo "ku 'jilɛ.

Nonoli 2:36

Izlayɛledu "me 'na 'nyakpa, 'a kɛle- 'ce 'dleku nɛɛ: "Ɛ Zezu -ye 'a 'lɔbhɔle- 'awɔ klowa "klo -wɛ, Lagɔ "zoɔ- "Bhenyɔ "ne 'Fuɔnyɔ.»

Nonoli 7:48

'Ɔ 'sɛbhɛ- 'diɛɛ, -mɔ, Lagɔ -ɔ zi "ku -wɛ, -bhudu -ye 'nyakpa 'sɔbhɔle- kwlɛ nu -wɛ, 'ɛyi 'ye 'ɔ -na "me 'gli, -see 'ɛ 'kɛleɔ- "guɔkwɔmenya 'na "bɔgo "me -wɛ:

Wlomɛnya 1:4

Zuzu Wlewle "me, Lagɔ 'jilɛ- 'ɔnɛɛ 'bhɛloɛ 'ɔ Yowli "me. -Sɔɔdɛku, 'ɔ -sɔ -glukonya 'glɛme -wɛ. Anyinɛnyɔ Zezu Kli yɔ -lɔ.

'Ylikloylɛleweli 3:7

"Kɛle Filadɛlefidu "me 'na Lagɔgligbɛ "me 'na "nɔgɔzilɔ "ku nɛɛ: Sɛne 'ye -ɔ -ko 'Wlewle "ne -ɔ -noɔ 'gbɛklɛklɛbhulɛnyɔ yɔ "ne -ɔ -su -klɔgbɔnyɔ Davide 'na 'safɛ -ɔ kɛ -Bhudu-gbulɛ -kɛle, 'nyɔkpɔ "ne 'bhɛle- "ne 'ɔ "kɛ lɔbhɔ 'gbaa. "Ne -ɔ kɛ lɔbhɔ 'gba-, 'nyɔkpɔ "ne 'bhɛle- "ne 'ɔ "kɛ lɔbhɔ kɛle-.