Luke 1:20 - Nouveau Testament bété de Gagnoa

²⁰ -Mɔ -e "ne 'na bhulɛweli 'dleku -kɛle za, -e yi weli te, -e ka 'ce -la 'gbo 'di -kaa, "ne "ɛ -ye 'e -bhulɛle -eyi -wɛ "kɛ 'ce -lɔ lɔbhɔ ylɛ. Ɛɛ -ye 'e -bhulɛle -eyi -wɛ yi 'yli 'wlole "tɛnye 'na -ye Lagɔ -sɛ lɔbhɔ -wɛ "me.»

Luke 1:20 Iomraidhean Croise

Malke 16:14

'Ɔnɛɛ gɛlenya kogbɔ -bholo -ko lidɛ "ku "ne Zezu yi -lɔ 'yli "ku 'sibhɔ "ne 'ɔ yua -lɔ "ku 'gbɔtɔle- nɛɛ: «'Dlekukɛleɛ "ne 'anye "me -ko, "ne 'a "ne 'yɔbhɔ -gbɔ 'a "kɛ -bɛɛ' "me 'no, "ne -wa 'ye- -ame 'ylime -wɛ 'a "noa 'dleku -kɛle.»

Malke 9:19

"Ne Zezu yua -lɔ bhulɛle- nɛɛ: 'Anye -dɛme 'na 'nyakpa, 'a "ne 'dleku -kɛ, zaa, 'yli zɔŋ 'e "kɛ bhɔ 'anye yɔko -sɛ 'a? "Ne 'yli zɔŋ 'e "kɛ bhɔ 'anye slule- 'a? 'A -nɛme -ame "ɛ yu -wɛ.»

Luke 1:19

"Ne "ɛ "nɔgɔzilɔ yu -lɔ bhulɛle nɛɛ: «'Mɔɔ -noɔ -lɔ Gabliyɛle yɔ, 'mɔɔ -ko -lɔ Lagɔ 'yliku. 'Ɔɔ -lebhe -lɔ -ame -se 'e "kɛ -eyi bhulɛle-, -se 'e "kɛ -eyi 'Denaade -sɛle.

Luke 1:21

Zakali 'na -see 'ɔ -gwlɛ bhuducibhɛ 'wlewle "me -wɛ 'nyea nɛ 'nyakpa 'wa -wo nɛ -wɛ.

Luke 1:22

'Ɔ "kɛ zɔ 'wlo ne, 'ɔ "ne 'bhɛle -se 'ɔ "koa 'gbo 'dile, 'ɔ -te nɛ weli, "ne 'ɔ waka nɛ -lɔ. Lɔbhɔ 'ye 'wa 'no- -lɔ "me -gbɔ 'ɔ 'ye- bhuducibhɛ 'wlewle "me -bɛɛ' 'ylime.

Luke 1:45

'Ŋwɛnɛ 'lɔbhɔ -eyi, -eyi -mɔɔ kɛle- lɛ -ye 'wa -bhulɛle -eyi Anyinɛnyɔ 'na 'tɔ "me -wɛ 'dleku.»

Luke 1:64

Lɔbhɔ cuu, 'ɔnɛɛ nuɛ vuluɔ "ku, "ne 'ɔnɛɛ miɛlu yi -lɔ diɔ: 'ɔ 'di nɛ 'gbo "ne 'ɔ 'kwa nɛ Lagɔ 'ŋlu.

Wlomɛnya 3:3

Zaa, -see -a kɛ bhɔ lɛ, zufonya 'na -bedia "mɔ Lagɔ 'na weli 'plome "zo ne, 'ɛyi -wɛ "kɛ bhɔ gbɔ "ne Lagɔ "kɛ bhɔ 'ɔnɛɛ weli "ku 'bha- 'a?

2 Timote 2:13

-A "mɔ Zezu Kli 'dle tɛle- ne, 'ɔyi, 'ɔ 'tɛle -anye 'dle, "naa-, 'ɔ "ne 'bhɛle- "ne 'ɔ "kɛ -ye 'ɔ bhulɛ -wɛ "ku 'bha.

Tite 1:2

-Se 'wa "kɛ zikpɛ 'na -ɛ -ka "kubhiɛ, "ne Lagɔ -ɔ "ne yo -kɛ no -gbɔ 'ɔ "kɛ -anye kɔ 'je -wɛ 'dleku kɛle- -godogodo -dee 'wa -na 'awɔ zikpɛ 'wlɛ -wɛ.

Eblenya 6:18

Welipleɛ "ne zligbɔzligbɛ, -li "sɔ 'na 'ye 'wa -ka kɔ 'bhelia- yɛ -lɔ. Lagɔ -ple weli "ne 'ɔ zligbɔ, zaa 'ɔ "ne 'wlɛ yo. 'Ɛyi -wɛ "tamalea- -lɔ -anye 'kwɛme kpɛnyee, 'ɛza -a 'bha- -lɔ -li 'klekle 'beku -se -a "kɛ 'dletɛleɛ -ye 'ɔ 'je- -anye kɔ -wɛ kɔ 'sa.

'Ylikloylɛleweli 3:19

'Nyakpa 'klekle -ye 'e -wa -wɛ, 'e 'gbɔtɔloa "ku "ne 'e 'joa "me. Zaa, "tamale 'yli "ku -se 'bheliɔ kɔ!