Luke 1:2 - Nouveau Testament bété de Gagnoa

² -see 'ɛnɛɛ -wayeɛdɛ "kucidɛku "ne 'wa "zo- Lagɔweli 'na "kulɔbhɔnya -sɛle -lɔ 'anye 'de.

Luke 1:2 Iomraidhean Croise

Malke 1:1

Dɛne Lagɔ Yowli Zezu Kli 'na 'Denaade 'cile lɛ "ku.

Malke 16:20

"Ne Gɛlenya yi -lɔ -glɔ 'klekle "ku 'Denaade -sɛle -ka me. Anyinɛnyɔ 'kwɛloa "ne "ɛ libhɔ -ye 'wa no -wɛ "me 'ɔ nyoa 'bhɛloɛ -se 'wa "kɛ -li 'na -ɛ sɛ geji "ku -wɛ no. Soɔ 'ye 'ɔ -tua -lɔ 'ylime -gbɔ gɛlenya 'na weli -ye 'wa -bhulɛ -wɛ 'diɛɛ yɛ -lɔ.

Malke 4:14

'Gloglonyɔ, Lagɔweli 'ye 'ɔ 'glo -lɔ.

Luke 24:48

'Anye -noɔ -lɔ 'ɛnɛɛ -wayeɛdɛ 'waa.

Zezu Kli 'na 'Denaade ‑ye Zaa kɛle‑ ne lɛ 15:27

"Ne 'anye, 'a yi 'ce 'neɛ -wayeɛdɛ "zo me, "naa-, -see 'ɛ 'bhale- "kucidɛku -ce, 'a -ko -ame yɔko.

Zezu Kli 'na 'Denaade ‑ye Zaa kɛle‑ ne lɛ 16:4

'E bhulɛle -mlɛ 'anye "klee, -se lɔbhɔ kɛ -kɛ -ylɛ ne, 'anyɛɛ dle "kɛ -kɛ lɔbhɔ 'sibhɔ- -gbɔ 'e -bhulɛle 'awɔ 'ce 'anye. 'E "ne 'anye -bhulɛle "kucidɛku "naa- 'e -ko -na nɛ 'anye 'glɛme zɛ.

Nonoli 1:3

Zezu 'wlo- lɛ gluzɔ "bhuɔ ne, "ne 'ɔ yi -lɔ "ɛ "kɔlepɔnya -bhele -wɛ 'yliku 'sibhɔ- kosɛ -vu 'na dɛ, -se 'wa "kɛ 'sɛ yibhlele- -gbɔ 'ɔ -yɛ gbligbli -godogodo 'na dɛ. "Ne Zezu yua -lɔ Lagɔ 'na 'Kamalezikpɛ 'na weli bhulɛle- 'yli -glo "sɔ 'na dɛ.

Nonoli 1:8

-Mɔ, 'anye, 'a yi 'ce 'bhɛloɛ yle, -ɛ 'bhale Zuzu Wlewle "me -wɛ, "ne 'ɛ yi 'anye "ku 'kwile-, "ne 'a yi 'kwɛmetamaleɛ yle, "ne 'a "kɛ -lɔ 'neɛ -wayeɛdɛ "zo, Zeluzalɛme, Zude -glɔ 'klekle "ku, "ne Samali, -kaa 'du 'na 'wlisɛledɛ.»

Nonoli 14:25

'Wa 'sibhɔ- Pelɛze, "ne 'wa yi -lɔ Lagɔweli -sloa, "ne 'wa yi -lɔ Atali -du "me me.

Nonoli 16:6

Pɔle -nyɛ Silase "bhaa me 'awɔ Flizi "ne Galasi -glɔ "me, "naa-, Zuzu Wlewle bhulɛloa 'awɔ -gbɔ 'wa te Lagɔweli Azi -sɛle -ka me.

Nonoli 17:11

"Bhle 'na Zufonya 'sa- 'nyakpa 'tee, "ne 'ɛ -zi Tesalonike 'na 'nyakpa "ku. "Naa-, 'wa 'sa -bhobhlo Lagɔweli -wɛ kɔ, -see 'wa 'yɔbhɔ gou -wɛ. Zaa, -se zle ze -wɛ, 'wa 'veɛ Lagɔ-bɔgo "me, -se 'wa 'cɛ 'ylime 'ye -ye Pɔle -bhulɛ -wɛ kɛ -kɛ 'diɛɛ yɛ.

Nonoli 26:16

-Mɔ, -sɔ "ku, -se "nyegbele- 'ya, sɔɔbɛɛza 'e 'sibhɔ- -eyi 'yliku -wɛ, 'e "kɛ -eyi bhulɛle nɛɛ: -Ame, 'e -sɛ lɔbhɔ -eyi -se -e "kɛ 'neɛ "kulɔbhɔnyɔ "zo. -Se 'e "kɛ 'ce -se 'e 'sibhɔ -eyi 'yliku "ne -se -e 'ye -ame 'ylime -zeka -wɛ 'na 'de 'glɔnya -sɛle, -se -ye 'e "kɛ 'ce 'lelee -eyi sloa- -wɛ 'na 'de -glɔnya -sɛle bhliji "me.

Nonoli 4:20

'A -gɛyli, 'ɛ kɛ -anye 'waa -ye -anyɛɛ 'yli 'ye- 'ylime "ne -ye -anyɛɛ 'yukwli 'no- "me -wɛ za yɛ, -a -ka 'ɛnɛɛ za "ku 'tli.»

Nonoli 8:4

'Wayi 'glɛme 'na -wa -fɔtɔ 'awɔ -wɛ, plɛ 'awɔ -lɔ -bhudu "me, "ne 'wa -sɛle 'awɔ -lɔ Lagɔ 'na 'Denaade 'nyakpa.

Wlomɛnya 15:16

'ɔ "zoa- -ame Anyinɛnyɔ Zezu Kli 'na "kulɔbhɔnyɔ, -wa "ne zufonya 'waa -wɛ za. 'Ɔ "zo- -ame 'neɛ 'dɛ, -se 'e "kɛ 'Denaade -glɔnya -sɛle. -Se -wa "ne zufonya 'waa -wɛ "kɛ bɔbɔli -ɛ "nɛne Lagɔ -gɛ -wɛ "zo, "ne Zuzu Wlewle gbɔ -lɔ "ne "ɛ bɔbɔli -wɛ "namale -lɔ Lagɔ -gɛ.

1 Kolɛtenya 4:1

'Wa 'wolo- -anye "ku sɛgbɛɛ Klise 'na "kulɔbhɔnya. -Anyɛɛ libhɔ -noɔ -lɔ -gbɔ -a -sɛ Lagɔ 'na 'gbɛklɛklɛweli -ɛ zizɔ- "ku -wɛ 'na 'de.

Eblenya 2:3

"Ne -anye "na? -See -a "kɛ bhɔ "zo "ne 'ɛ -ka -anye yle-, -a kɛ "ɛ 'popoweli "yitɛ -wɛ yɔko ylɛle? "Ɛ 'popoweli ne, Anyinɛnyɔ 'ci- -lɔ 'ɛnɛɛ -sɛ -ku. "Ne 'wa 'no- "ɛ 'popoweli ne "me -wɛ yi 'lelee -lɔ -anye bhulɛle- -se 'ɛ -noɔ 'diɛɛ yɛ.

1 Piɛle 5:1

-Dɛmeda, 'e bhulɛle "yitia -wa -ko 'anye 'glɛme -wɛ. -Ame "yitɔ 'ye 'e -noɔ -me -lɔ 'anyɛɛ sɛ. 'E 'ye- Klise 'na 'gbapesɛ 'na dɛ, "ne 'e yi 'ɔnɛɛ 'ŋlu -ɛ "kɛ yi -wɛ 'na dɛ 'ye me.

2 Piɛle 1:16

"Naa-, Anyinɛnyɔ Zezu Kli 'na zɛzɛ sɛ 'na "kusɔ 'na yiyiɛ, nunɛ -ye -a sɛ -ayi 'wlime -wɛ "me 'ye 'ɛ -na -kɛ 'bhale-. -Mɔ, 'ɔyi, -a 'yo- 'ylime gbɛklɛklɛ 'ɔnɛɛ 'ŋlu 'klekle "me.