Luke 1:1 - Nouveau Testament bété de Gagnoa

¹ -Atito Teofile, weli -ɛ 'ple- -anye 'glɛme -wɛ, 'nyakpa -kwleyia 'ci- 'ɛnɛɛ "bɔgo "me -zo -ku,

Luke 1:1 Iomraidhean Croise

Malke 16:20

"Ne Gɛlenya yi -lɔ -glɔ 'klekle "ku 'Denaade -sɛle -ka me. Anyinɛnyɔ 'kwɛloa "ne "ɛ libhɔ -ye 'wa no -wɛ "me 'ɔ nyoa 'bhɛloɛ -se 'wa "kɛ -li 'na -ɛ sɛ geji "ku -wɛ no. Soɔ 'ye 'ɔ -tua -lɔ 'ylime -gbɔ gɛlenya 'na weli -ye 'wa -bhulɛ -wɛ 'diɛɛ yɛ -lɔ.

Zezu Kli 'na 'Denaade ‑ye Zaa kɛle‑ ne lɛ 20:31

'Ɛnɛɛ -ɛ kɛleɔ- ne, 'a 'cɛ 'dleku kɛle- -gbɔ Zezu -noɔ -lɔ Lagɔ Yowli yɔ, "ne 'ɔɔ -noɔ -lɔ 'Fuɔnyɔ yɔ. Zaa, 'a 'cɛ 'dleku -kɛ, 'a yi 'ce zikpɛ 'na -ɛ -ka "kubhiɛ -wɛ yle, 'ɔnɛɛ -tɔ "me.

Wlomɛnya 14:5

'Nyɔkpɔ 'na -ɔwɛ "pɔ 'dle -gbɔ zle "me 'ye 'ɛ -kokole, "ne 'ɔnɛɛ -ɔwɛ "pɔ 'dle -gbɔ zle -bhele yɛ -lɔ 'klekle. -Ɔkɔkokɔko -kɛle -se 'ɔ 'pɔ 'dle -wɛ 'dleku.

Wlomɛnya 4:21

'Ɔ -kɛ nɛ -bɛɛ' -bholo 'dleku: Weli -ye Lagɔ -ple -wɛ, 'ɔ -kɛ 'bhɛloɛ -se 'ɔ 'cɛ no.

Kolɔsenya 2:2

'E 'yɔbhɔ -gbɔ 'wa "tamale 'dleku, -se 'wa -kole "ku 'ŋwɛnɛsɛ, -se 'wanɛɛ "nanoɛ 'kpɔmale-, -se 'wa "kɛ Lagɔ 'na -ɛ zizɔ- "ku -wɛ yibhlele-, Klise -noɔ -lɔ -ɛ zizɔ- "ku -wɛ yɔ,

Kolɔsenya 4:12

Epaflase, -ɔ -noɔ 'anyɛɛ moɔ -nɔ yɔ -wɛ 'bhɛle 'anye. Zezu Kli 'na "kulɔbhɔnyɔ, -ɔ bhubhɔ 'anyɛɛ za, "ne 'ɔ "ne 'diɔle -wɛ yɔ -lɔ. 'Ɔ 'yɔbhɔ -gbɔ 'anyɛɛ Lagɔ zikpɛ me "klo "ku -se 'a "kɛ Lagɔ 'na -ye 'ɔ 'yɔbhɔ -wɛ yibhlele-, 'ɛɛ "kɛ -lɔ gbɔ "ne 'a "kɛ -lɔ "me "tamale-.

1 Tesalonikenya 1:5

"Naa-, 'Denaade -ye -a -sɛle 'anye -wɛ, bhulɛweli 'ɛyikɔ "me 'ye 'ɛ "ne 'anye "ku -ylɛ, -mɔ, Zuzu Wlewle 'na 'bhɛloɛ "ne 'ɔnɛɛ 'kwɛlekwɛleɛ "me yɛ -me -lɔ. "Naa-, -ye -a bhulɛ nɛ -wɛ, -a -cɛ nɛ 'dleku -gbɔ "ɛ 'Denaade -wɛ 'diɛɛ yɛ -lɔ. Sɛko -wɛ, 'a -yi -see -a -su nɛ -ayi "ku 'anye 'glɛme, 'a "kɛ nɛ -kɛ 'tee ko 'na 'ylime.

1 Timote 3:16

-Ɛɛ, -diɛɛ yɛ -lɔ. Lagɔ 'na -diɛweli -ɛ zizɔ- 'Denaade "me "ne -a yibhlele- 'dlekukɛleɛ "me -wɛ 'kpɔ kpɛnyee. Klise tua- -anye 'ɔyi 'ylime 'nyɔkpɔ sɛ; 'Ɔ ŋwinɛle- "me, Zuzu Wlewle 'ŋunu -me "ku, "nɔgɔzilia 'yo- 'ylime, "Ne 'wa -tuɔ -glɔ 'klekle 'ylime, 'Wa -kɛlo 'dleku dodo ne "ku, "Ne "nɔgɔ "me, 'ɔ -me 'ŋlu.

2 Timote 4:17

-Mɔ, Anyinɛnyɔ "bhaa -a -kole "ku za, 'ɔ "tamalea- -ame 'kwɛme. "Ne 'e yi -lɔ Anyinɛnyɔ 'na 'Denaade sloa-. 'Nyakpa 'klekle -wa "ne Zufonya 'waa -wɛ no- "me. 'Ɛ -sɛ -lɔ -ame gbi 'nu.

Eblenya 10:22

'Wa -sɛ -anye -ɛ ylea- -anyɛɛ 'dle gbo 'klekle -wɛ "me, "ne -anyɛɛ ku -wɛleɔ 'ŋu 'wlewle "me. Zaa, -a 'nyiɔ- Lagɔ yɔko 'dle 'na -dle "ne 'dlekukɛleɛ "me.

Eblenya 6:11

-Ye -a 'yɔbhɔ cuu -noɔ -lɔ -gbɔ 'anye 'glɛme -ɔkɔkokɔko no -li 'klekle -ye 'a tɛle- 'dle -wɛ, 'kwɛmetamaleɛ "me -se 'ɔ -sɛ 'wli. 'Ɛ kɛ sɔbhɔ -ko ne, -li 'klekle -ye 'a tɛle- 'dle -wɛ yi 'ce 'yli 'wlole.