Zezu Kli 'na 'Denaade ‑ye Zaa kɛle‑ ne lɛ 3:3 - Nouveau Testament bété de Gagnoa

³ "Ne Zezu yu -lɔ bhulɛle- nɛɛ: «Gbɛklɛklɛ 'ye 'e bhulɛle -lɔ -eyi: 'Nyɔkpɔ "ne 'bhɛle- "ne 'ɔ "kɛ Lagɔ 'na 'Kamalezikpɛ 'ylime 'ye, 'ɔ "mɔ "kusɔ -gwɛleleɔ ne.»

Zezu Kli 'na 'Denaade ‑ye Zaa kɛle‑ ne lɛ 3:3 Iomraidhean Croise

Matie 16:17

"Ne Zezu yi -lɔ "kusɔ weli "ku "libhile, 'ɔ nɛɛ: «'ŋwɛnɛ 'lɔbhɔ 'se -eyi Simɔ, Zonase yowli, "naa-, 'nyɔkpɔ "ne -eyi 'dleku 'pɔ-, -mɔ, -ame To -ɔ -ko "nɔgɔ "me -wɛ 'pɛ- -lɔ -eyi 'dleku.

Matie 19:24

'E bhulɛle "kusɔ 'anye nɛɛ: Samo "kɛ 'mneyi 'na -gwe "me plɛ ne, 'ɛ ne "me 'tɛ-, -mɔ, -klɔgbɔnyɔ "kɛ Lagɔ 'na 'kamalezipkɛ "me plɛ 'ɛ 'tɛ- "me "ne 'ɛ -zi "ku.»

Matie 21:31

'Wayi "sɔ 'glɛme 'na -ɔ "zo- bhɔ 'ɔ To 'plome 'a? -Ɔ -no bhɔ "ɛ 'ɔ To 'na libhɔ -wɛ 'a? 'Nyakpa -wɛ nɛɛ: «"Naa-, tɛkɛnɔ -wɛ.» Zezu nɛɛ: Gbɛklɛklɛ 'e bhulɛle lɛ 'anye, -lɛposanya "ne 'tutu 'ŋwenea -gɛ 'anyɛɛ za Lagɔ 'na 'Kamalezikpɛ "me 'na 'yuku.

Matie 5:18

"Naa-, gbɛklɛklɛ 'ye 'e bhulɛle -kɛ lɛ 'anye, "nɔgɔ -nyɛ dodo "bhaa kɛ -nazɛ -le, 'be 'na 'teketekeyi -bhueyi "ne 'bhɛle- "ne 'ɛ "kɛ Moyize 'na -Lɔ "klo 'bha-, 'wa -cɛ 'be 'na 'tekeyi "klo -sɛ gou, soɔ 'ye 'ɛ "kɛ 'ce -lɔ ko -kaa zikpɛ 'na "kubhiɛɛ.

Malke 10:14

Zezu 'ye- lɛ "ɛ -ɛwɛ 'ylime ne, 'kɛle 'ye 'ɔ 'pɔ- -lɔ. "Ne 'ɔ yua -lɔ bhulɛle- nɛɛ: «'A 'tale- yua 'yi -se 'wa "kɛ -ame lo yili-, -mɔ, 'a toa 'yliku 'titi, "naa-, -wa -ko sɛgbɛɛ yua -wɛ, 'wa 'bhe- -lɔ Lagɔ 'na 'Kamalezikpɛ.

Malke 9:47

-Neɛ' 'yli kɛ gbɔ "ne -e kɛ 'nyinyonoli no ne, -sɛ "bhle. -E "kɛ 'yli -bholo kɛle- -se 'e "kɛ Lagɔzikpɛ "me plɛ 'nɛne "ne 'ɛ -zi, -e "kɛ 'yli "sɔ kɛle- -se -e "kɛ -kosu "me me "ku.

Zezu Kli 'na 'Denaade ‑ye Zaa kɛle‑ ne lɛ 1:13

"Ne 'wa yi -lɔ "ɛ Lagɔ 'na yua "zo. 'Nyakpa 'ɛ -na kɔ 'bhale-; 'Ɛ "ne -see 'ŋɔnɔ -nyɛ 'widi "bhaa 'wa 'gwɛle yu -wɛ yɛ. -Mɔ, Lagɔ "zoa- -da -lɔ 'ɔnɛɛ yua.

Zezu Kli 'na 'Denaade ‑ye Zaa kɛle‑ ne lɛ 1:5

"Ne "ɛ zle le -lɔ titiɛ "me, -mɔ, "ɛ titiɛ "ne kɔ sa-.

Zezu Kli 'na 'Denaade ‑ye Zaa kɛle‑ ne lɛ 1:51

"Ne Zezu yi 'lelee -lɔ sɛne lɛ nɛɛ: «'Diɛɛ, gbɛklɛklɛ 'ye 'e bhulɛle -lɔ 'anye; 'A yi 'ce "nɔgɔ 'na "ku -vuluɔ -nɛ 'ylime 'ye, "ne "nɔgɔzilia 'wa 'gblɛ "ne 'wa 'kwli 'Nyɔkpɔ Yowli 'wli "ku.»

Zezu Kli 'na 'Denaade ‑ye Zaa kɛle‑ ne lɛ 12:40

«Lagɔ 'gba- 'wanɛɛ 'yli "ku, "ne 'ɔ yi -lɔ 'wanɛɛ "nanoɛ- "ku "gba, -se 'wanɛɛ 'yli te -kɛ 'siɛ "ye, "ne 'wanɛɛ "nanoɛ te -kɛ -bɛɛ' "me 'no. Lagɔ nɛɛ, -ɛwɛza 'wa glɛ -lɔ -ame "klo, -see "koa yamalea-!»

Zezu Kli 'na 'Denaade ‑ye Zaa kɛle‑ ne lɛ 3:4

Lɔbhɔ 'ye Nikodɛme 'yɔbhɔ- -lɔ Zezu lo nɛɛ: «'Nyɔkpɔ 'na -ɔ -gɔ -wɛ -see 'wa "kɔ bhɔ "kusɔ gwɛlele-? 'Ɔ yi bhɔ 'lelee 'ɔ "nɔ "mene bhɔlɔ- "ne 'wa yu "kusɔ gwɛlele- 'a?»

2 Kolɛtenya 4:4

"ne -wa "ne Lagɔ 'na weli 'dleku -kɛ, Sata, dodo ne "ku 'na lagɔ gba- 'wanɛɛ "nɛnoɛ "ku. 'Ɛza, 'wa "ne zle -ɛ -ko 'Denaade "me, "ne 'ɛ -noɔ Klise 'na 'ŋlu 'na -ylo yɛ -wɛ 'yli -gɛ. 'Ɔyi, -ɔ -noɔ Lagɔ 'na 'wlole yɔ -wɛ.

2 Kolɛtenya 5:17

'Za, 'nyɔkpɔ -nyɛ Klise "bhaa 'wa "kɛ "ku -kole ne, "lele 'ye 'ɔ "zo -lɔ. "Naa-, -ɛ -noɔ "gɔgɔ yɛ -wɛ "ku 'ye 'ɛ -bhiɛ -lɔ, "ne -ɛ -noɔ "lele yɛ -wɛ -ko -lɔ lɔbhɔ.

Galatenya 6:15

-E "diɔ- "ku 'oo -e "ne "ku "diɔ- 'oo, 'ɛyi -wɛ "ne -bɛɛ' "me -ko! -Mɔ -ɛ -ko -bɛɛ' "me 'pa- -lɔ -gbɔ: Lagɔ "zoa- -anye 'nyakpa -lelea.

Efɛzenya 2:1

-Watɔ -ce, 'a "ku- 'awɔ 'anyɛɛ "nyɛnye za, "ne -anyɛɛ 'nyinyonoli za.

Tite 3:5

"Ne 'ɔ yi -lɔ -anye fuɔ, 'ɛ "ne -kɛ -anyɛɛ -li 'na -li -ye -a no -ayigɛsɛ -wɛ za yɛ. -Mɔ, -see 'ɔ -kɛ -nyezedle za yɛ -lɔ. 'Ɔnɛɛ -ye 'ɔ -gwɛlele -anye "kusɔ -wɛ "zoa- -lɔ -anye 'wlele. "Ne Lagɔ yi -lɔ -anye zikpɛ 'na 'lele 'nyɛ Zuzu Wlewle "me.

Zake 3:17

"Nɛnoɛ 'na -ɛ 'bhale "nɔgɔ "me -wɛ 'ɛ -ko 'wlele, 'dlewɔtɛ 'ye 'ɛ 'nyɛ -lɔ, "ne 'ɛ -su -lɔ "kuwɛtɛ, "ne 'ɛ 'tɛle 'lelee -lɔ "kukoleɛ siɛ. -Ye 'ɛ no -wɛ "nɛne. "Ne 'ɛ "ne dlidlile- 'nyakpa "me. "Ne 'ɛ "ne wlɛ- yo.

1 Piɛle 1:3

-A 'dile Lagɔ lo keyi, Anyinɛnyɔ Zezu Kli 'ɔ To! 'Ɔnɛɛ "nɛnekoɛ "yitɛ "me, 'ɔ -gwɛlele -anye "kusɔ, Zezu Kli 'na -gluzɔwloɛ "me. 'Ɛneɛɛ za -a -kɛ 'dletɛleɛ 'na -ɛ -ka lɛ "kubhiɛ ne,

1 Zaa 2:29

'A -yi sɛ -gbɔ Klise ŋwinɛle- "me. Zaa, 'a yibhlele- kɛ -ɛne za sɛ: -Wa no "meŋwinɛleli -wɛ Lagɔ 'na yua 'waa -lɔ.

1 Zaa 3:9

-Wa -noɔ Lagɔ 'na yua 'waa -wɛ, 'wa "ne no -da 'nyinyonoli. "Naa-, Lagɔ 'na 'bhɛloɛ -koa "me sɛgbɛɛ gloglo -bɛɛ'. 'Wa "ne -da 'bhɛle- "ne 'wa kɛ 'nyinyonoli no, "naa-, Lagɔ 'na yua 'waa -lɔ zɛ.

1 Zaa 5:1

-Wa -kɛ 'dleku -gbɔ Zezu -noɔ Klise yɔ -wɛ, Lagɔ 'na yua 'waa -lɔ. "Ne -wa -wa To Lagɔ -wɛ 'wa -wa -me 'lelee 'ɔnɛɛ yua.

1 Zaa 5:18

-A -yi sɛ -gbɔ -wa -noɔ Lagɔ 'na yua 'waa -wɛ, 'wa "ne no -da 'nyinyonoli. "Naa-, Lagɔ Yowli -koa keyi, "ne Sata "noa 'bhɛle-.

1 Zaa 5:4

"naa- -wa -noɔ Lagɔ 'na yua 'waa -wɛ yi zikpɛ lu. "Ne -ɛ gbɔ "ne -a lu zikpɛ -wɛ -noɔ -lɔ -anyɛɛ 'dlekukɛleɛ yɛ.

'Ylikloylɛleweli 3:14

"Kɛle "nɔgɔzilɔ -ɔ -ko Laodisedu "me 'na Lagɔgligbɛ "me -wɛ "ku nɛɛ: -Ɔ 'pa- Amɛn "ne -ɔ -noɔ -ɔyeɛdɛ 'na 'dletɛlenyɔ gbaa -ye -li 'klekle 'bhale "me -wɛ 'na -ye 'ɔ -bhulɛ ne lɛ.