Filiponya 4:8 - Nouveau Testament bété de Gagnoa

⁸ 'Bebhiɛleweli -ye 'e "kɛ 'anye bhulɛle- ne lɛ: "Nowlia 'wanye, -ɛ -noɔ "nɛne yɛ -wɛ, "ne -ɛ -noɔ gbɛklɛklɛ yɛ -wɛ, "ne -ɛ -koɛ 'ŋlukwasɛ -wɛ, "ne -ɛ -noɔ gbaa yɛ -wɛ, "ne -ɛ -ko 'plome -wɛ, "ne -ɛ -ko -kpee -wɛ, "ne -ɛ -le 'ŋwana "ku -wɛ, "ne -ɛ -ko 'wlewle -wɛ, "ne -ɛ sɛ zu 'klo "me -wɛ, 'ɛyi -wɛ 'klekle -na -ko 'anye 'wugɔŋo "me.

Filiponya 4:8 Iomraidhean Croise

Matie 22:16

"Ne 'wa yi -lɔ 'wanɛɛ gɛlenya 'na yɛ "ne Elode 'na keyikonya 'na yɛ Zezu "ku 'lebhele- -gbɔ 'wa yi -se 'wa "kɔ bhulɛle- nɛɛ: «Slonyɔ, -a -yi sɛ -gbɔ -e bhulɛ gbaa, "ne -ye Lagɔ no -gbɔ -a no -wɛ, -e sloa -anye gbɛklɛklɛ "me, "ne -e "ne 'gu 'nyɔkpɔ -gɛ gou, "naa-, -e "ne 'wolo- 'nyɔkpɔ 'na kosɛ "ku.

Malke 6:20

"Naa-, Elode "zo 'awɔ Zaa klokpɔ "me kpɛnyee: 'Ɔ 'wolo "ku sɛgbɛɛ 'nyɔkpɔ 'na -ɔ -ko -kpee "ne -ɔ -ko 'wlewle ne. 'Ɔ 'sibhɔ 'awɔ 'beme. 'Ɔ kɛ Zaa 'na bhulɛweli 'yukwli fo ne, 'ɔ "ne -dee 'ɔ "kɛ 'wli 'kwelia -yi. -Mɔ, 'ɔ -wa nɛ 'ɔnɛɛ 'yukwlifoweli.

Luke 16:15

"Ne Zezu yua -lɔ bhulɛle- nɛɛ: «'Anye, 'a tua 'anyɛɛ "meŋwinɛleɛ 'nyakpa 'ylime 'anyɛɛ nonoli "me, -mɔ, Lagɔ -yi 'anyɛɛ 'dle. "Ne -ye 'nyakpa zia "ku -wɛ, 'ɛ "ne Lagɔ 'ŋwana "ku -le -dɛgbɛdɛgbɛ.

Luke 2:25

"Ne "ɛ Zeluzalɛme -wɛ 'nyɔkpɔ -bholo -ko 'awɔ "bhle, 'ɔ 'pa- Simeɔ. "Ɛ 'nyɔkpɔ -wɛ -ko 'awɔ Lagɔ 'yliku -kpee, 'ɔ -wo 'awɔ Izlayɛle 'na galuylisɛɛ, "ne Zuzu Wlewle -ko 'awɔ "ku.

Luke 23:50

"Ne 'nyɔkpɔ -ye 'wa la Zozɛfo -wɛ, gbobhlenya 'na -zakpɛ "yitɛ "me 'ye 'ɔ -ko -me 'awɔ -lɔ. "Ɛ 'nyɔkpɔ -wɛ -ko 'awɔ 'nɛne kpɛnyee "ne 'ɔ 'ŋwinɛle- 'awɔ Lagɔ 'yliku "me.

Zezu Kli 'na 'Denaade ‑ye Zaa kɛle‑ ne lɛ 7:18

-Ɔ bhulɛ 'ɔyigɛsɛ 'na "kukoweli -wɛ, 'ɔnɛɛ 'ŋlu 'ye 'ɔ 'tɛle -lɔ 'siɛ. -Mɔ, -ɔ 'tɛle -ɔ -lobho -wɛ 'na 'ŋlu 'siɛ -wɛ, gbɛklɛklɛ 'ye 'ɔ bhulɛ -lɔ, "ne 'ɔ "ne -vi "me -ko.

Nonoli 10:22

"Ne 'wa yi -lɔ no nɛɛ: «Slojayu "yitɔ Kɔlenɛye, 'nyɔkpɔ 'na -ɔ 'ŋwinɛle- "me, "ne 'ɔ gu Lagɔ -gɛ, "ne Zufonya 'klekle bhulɛ 'ɔnɛɛ weli 'na -namanɔ, 'ɔyi -ye "nɔgɔzilɔ -bhulɛle -lɔ -gbɔ: -Nɛme Piɛle -neɛ' -bhudu "me, -se 'fo -ye 'ɔ "kɛ -eyi bhulɛle- -wɛ 'yukwli.»

Nonoli 22:12

'Nyɔkpɔ -bholo -ko 'awɔ "bhle, 'ɔyi 'wa la 'awɔ -lɔ Ananiase -ɔ -kɛ Lagɔ 'dleku, "ne 'ɔ -kɛ "me 'lelee Moyize 'na -Lɔ 'dleku, Zufonya 'klekle sɛ 'awɔ 'ɔnɛɛ 'de 'na -namanɔ.

Nonoli 6:3

-Mɔ, -nyɔsɔwanye, 'anye 'glɛme, 'a 'be "bhle 'nyakpa -gbɔsɔ -nyɔ -wanɛɛ 'de 'nyakpa sɛ 'tee -wɛ, "ne -ye Zuzu Wlewle 'yiɛ- "ku "ne 'wa -yɛ 'ylime -wɛ, -se 'wa "kɛ -da "ɛ lilɛ ne dli-,

Wlomɛnya 13:13

-A slu -anyɛɛ zikpɛ 'tee, sɛgbɛɛ zlegɛ: -A te li kpɛnyee, -se -a te "nɔmɔ kpɛnyee. -A -nyɛ "fu 'na 'nyɔ "bhaa -a te go, -a te -ayi -se -a 'yɔbhɔ -wɛ slu, -a te 'slɛ, -se -a te lɔbhɔzo no.

Wlomɛnya 13:3

'Wa kɛ -ɛ "nɛne -wɛ no ne, 'wa -ka gbobhlenya -gɛ 'gu, -mɔ, 'wa yua -gɛ 'gu -wa -kɛ "nyɛnye no ne. -E "ne 'yɔbhɔ -gbɔ -e "kɛ 'kamalenyɔ -gɛ 'gu? Zaa, no 'se -ɛ "nɛne -wɛ -se 'wa "kɛ -eyi 'ŋlu 'kwa-.

Wlomɛnya 14:18

-Ɔ lɔbhɔ soɔ Klise "ku -wɛ, 'ɔ 'nɛne Lagɔ -gɛ "ne 'nyakpa 'ŋunulo.

Wlomɛnya 2:29

'Nyɔkpɔ kɛ zufonyɔ gbaa yɔ ne 'dlezɔ 'ye 'ɔ -noɔle -lɔ. "Ne "kudiɛ -gbaa 'dlezɔ yɛ -lɔ. Zuzu Wlewle "me 'ye 'ɛ 'bhale- -lɔ. -Mɔ, gbagbɛ -ɛ 'kɛleɔ -wɛ "me 'ye 'ɛ -na 'bhale-. Zufonyɔ gbaa, 'nyakpa 'na 'ŋlukwɛɛ 'ye 'ɔ -na yle, -mɔ, Lagɔ -nɛ 'ye 'ɔ yle -lɔ.

1 Kolɛtenya 4:5

Anyinɛnyɔ -namlɛ yi, zaa 'a te -mlɛ 'se 'nyɔkpɔ 'gbobhlele. -Mɔ, 'ɔ kɛ -yi ne, 'ɔɔ "kɛ -lɔ -ɛ zizɔ- titiɛ "me -wɛ "ku 'lea-, "ne 'ɔɔ "kɛ -lɔ 'dlepɔsɛ zle "ku 'lea-, lɔbhɔ 'na dɛku, Lagɔ yi -ɔkɔkokɔko 'ŋlu 'kwa- -se 'ɔ 'yɔbhɔ -wɛ.

2 Kolɛtenya 13:7

Zaa, -ye -a 'yɔbhɔle Lagɔ -noɔ -lɔ -gbɔ 'a te -kɛ "nyɛnye no. 'Ɛ "ne -kɛ no -gbɔ -a "kɛ 'anye 'ylime 'tua- -gbɔ -anyɛɛ weli 'nɛne, 'bhɔ, -mɔ, -a 'yɔbhɔ -gbɔ 'a no -li 'na -li 'ɛyikɔ. Zaa, 'nyakpa kɛ 'dle 'pɔ -gbɔ 'ɛ "ne -anye kɔ 'nɛne ne, 'ɛ "ne -bɛɛ' -kɛ!

2 Kolɛtenya 6:8

-bedia "zo -anye -bhlegbi "me "ne 'wawɛ zia -anye 'dii. -Bedia bhulɛ -anyɛɛ "ku 'na weli -nyɛnye, "ne 'wawɛ -sɛ -anyɛɛ 'de 'na "namanɔ, 'wa libhi -anye "ku ɛɛ yowlɛnya, "ne -a bhulɛ "me -kɛ gbɛklɛklɛ,

2 Kolɛtenya 8:18

"Nɔwli -nyɔ -nyɛ Tite "bhaa -ye -a "kɛ 'anye "ku 'lebhele -wɛ, Lagɔgligbɛ 'klekle bhulɛ 'ɔnɛɛ weli 'na "namanɔ -se 'ɔ -sɛ Lagɔ 'na 'Denaade -wɛ za.

2 Kolɛtenya 8:21

"Naa-, -ɛ 'nɛne -wɛ 'ye -a 'tɛle -lɔ 'siɛ, 'ɛ "ne Anyinɛnyɔ 'ɔyikɔ 'yliku yɛ, -mɔ, 'nyakpa 'yliku yɛ -me -lɔ.

Galatenya 5:22

-Mɔ, Zuzu Wlewle 'na -ye 'ɔ 'nyɛ ne lɛ: -Waleɛ, 'ŋwɛnɛ, "kuwɔteɛ, 'dlebhlepiɛ, "nɛnekoɛ, "kulɔbhɔɛ, -alua 'na 'dlekukɛleɛ,

Efɛzenya 4:25

Zaa, 'a te -ka -la 'yo 'wlɛ. -Ɔ 'kɔkokɔko bhulɛle -kɛ -la 'ɔluyu gbɛklɛklɛ, sɛko -wɛ, ku -bholo -ye 'a -glɛ -lɔ 'glɛ 'klekle.

Efɛzenya 5:9

Zle 'nɛme -lɔ "nɛnekoɛ, "meŋwinɛleɛ, "ne gbɛklɛklɛ.

Efɛzenya 6:14

Zaa, 'a -sɔ "ku! 'A 'libhi gbɛklɛklɛ "ku sɛgbɛɛ 'anyɛɛ 'bɛto, 'a 'libhi "meŋwinɛleɛ "ku sɛgbɛɛ 'anyɛɛ togwekoti.

Filiponya 3:1

-Dɛmeda, "nowlia 'wanye, Anyinɛnyɔ za, 'a no 'ŋwɛnɛ! 'E yi 'ce 'anye "ɛ sɛbhele -wɛ "ku kɛle, "ne 'ɛ -ka -ame 'gbapea-. 'Ɛ "kɛ 'anye 'kwɛme "tamalea- za yɛ -lɔ -tiaa.

Kolɔsenya 4:5

-Wa "ne Klise -gɛle -wɛ 'na dɛku, 'a slu 'ayi 'ylimeyamalesɛ. Lagɔ 'na "tɛnye -ye 'ɔ 'nyɛ 'anye -wɛ, 'a 'sɛ kɔ.

1 Tesalonikenya 4:12

-Se -wa "ne 'klecɛ 'waa -wɛ "kɛ 'ce 'anyɛɛ kosɛ 'plome "zo, -se 'a te 'ce 'alua lo ko.

1 Timote 2:2

'A bhubhɔ -me "kɛ 'lelee -klɔgbɔnya -nyɛ 'kamalenya -wɛ 'wɔ za. -Se -anyɛɛ zikpɛ "kɛ -kɛ "ku -wɔtɔ 'tee, Lagɔ 'na 'dletɛleɛ "me, "ne -ayi 'na 'tee sluɛ "me.

1 Timote 3:11

"Ɛ sɛbhele -wɛ, 'ŋwenea -wa -noɔ -me dlinya 'waa -wɛ yi kɛ 'lelee, -see 'wa "koa 'plome "zo -wɛ 'na -li no -me. 'Wa te -kɛ 'walua 'na weli -nyɛnye bhulɛ. 'Wa yibhlele- -kɛ 'wayi 'na "ku piɛle sɛ. -Se 'wa no 'dlekukɛle -li, -li 'klekle "me.

1 Timote 3:4

'Ɔ yibhlele- -kɛ 'lelee 'ɔnɛɛ -bhudu "me 'na 'nyakpa 'na slusɛ. -Se 'ɔnɛɛ yua "zo -kɛ 'nyakpa 'plome, -se 'wa 'fo -kɛ 'ɔnɛɛ weli 'yukwli.

1 Timote 4:12

'Nyɔkpɔ te -eyi 'dii ziɛ-, -se -e -noɔ 'teyigbɔ yɔ za. Zaa, -eyi, tua 'se 'dlekukɛlenya -neɛ' bhulɛweli "me, 'neɛ zikpɛ "me, -neɛ' 'ŋwɛnɛ "me, -neɛ' 'dlekukɛleɛ "me, -neɛ' 'wlewle -koɛ "me -se 'nyakpa "kɛ -neɛ' -gbudu gɛle.

1 Timote 5:10

-Glɔnya -yibhlele sɛ -gbɔ 'nɛne -ko 'ŋɔnɔ yɔ -lɔ. 'Ɔ bhoa- 'ɔnɛɛ yua 'tee. -Wa yu "ku plɛ ka -wɛ, 'ɔ soa- 'tee. 'Ɔ -wɛle 'klecɛnya 'bho yɔko. 'Ɔ -kwɛle "nyɛzenya, "ne 'ɔ -no -li 'klekle -ɛ 'nɛne -wɛ.

1 Timote 5:2

"Zo me 'ŋwenea "yitia 'de "me sɛgbɛɛ -e "nɔ 'wɔ, "zo me 'lelee 'ŋuyua -digbia 'de "me sɛnasɛ sɛgbɛɛ -e "nɔyoa 'wɔ.

Tite 1:8

-Mɔ, 'ɔ yibhlele- -kɛ 'nyakpa 'na "sa sɛ, -se 'ɔ 'wamale- -kɛ -ɛ 'nɛne -wɛ, -se 'ɔ slu -kɛ 'ɔyi 'tee, -se 'ɔ ŋwinɛle- -kɛ "me, -se 'ɔ -ko -kɛ 'wlewle, -se 'ɔ yibhlele- -kɛ 'ɔyi 'na "ku piɛle sɛ.

Tite 2:14

'Ɔ -ple 'ɔnɛɛ zikpɛ -anyɛɛ za, -se -anyɛɛ 'nyinyonoli 'na gbo "kɛ bhiɛ. 'Ɔ 'yɔbhɔ nɛ -gbɔ 'ɔ "kɛ nɛ -anye -zakpɛ -bholo "me 'wlewle "zoa-. 'Nyakpa -wa "kɛ 'ɔnoa "zo- -wɛ, -wa -ko lɔbhɔ -godogodo -se -wa "kɛ -li 'na -li no.

Tite 2:2

-Se bhulɛle 'nyakpa 'na -wa gɔ- -wɛ -gbɔ -li 'klekle "me 'wa mana "me. -Se 'wa no 'plome -zo -li, -ye 'wa bhulɛ -wɛ, 'ɛ me 'dleku 'tee. -Se 'wanɛɛ 'dlekukɛleɛ "tamale- "me, 'wa wale -se 'wa 'piɛ -kɛ "bhle 'dle.

Tite 2:7

-Li 'klekle "me, -tua -neɛ' -kosɛ "namanɔ 'nyakpa 'ylime. 'Ɛ -noɔ -lɔ -gbɔ ko 'tee, -se -neɛ' sloasɛ ko 'tee.

Tite 3:14

"Nowlia -nyɛ "nɔyoa 'wɔ -wa -noɔ 'klecɛnya -waa -wɛ, 'wa ciɛ -li 'na -li 'na nonoɛ, -se 'wa "kɛ 'walua kwɛle- 'wa kɛ kplɛkplɛɛ "me -ko ne, -mɔ, 'wa te "fu 'sɔ "me plaplalea-.

Eblenya 11:2

'Wa kɛ -a 'to 'wa 'to 'wɔ 'ji "ku pɛle ne, 'wanɛɛ 'dlekukɛle 'ylime yɛ -lɔ.

Eblenya 13:18

'A bhubhɔ- -anyɛɛ za, -mɔ, -anye, -a -kɛ 'dleku -gbɔ -a "ne 'anye weli kɔ -nyimɔle, "naa-, -li 'na -li 'na nonoɛ 'ye -a 'tɛle -lɔ siɛ -godogodo.

Zake 1:27

-A To Lagɔ 'yliku 'na bɔbɔbɔboɛ gbaa ne lɛ: -A slu -kɛ "kuyua -nyɛ -kwiziŋwenea -wa -ko 'nyɛze "me -wɛ 'tee, -se -a te -kɛ dodo ne "ku 'na -li -ɛ 'pla 'fe -wɛ mamale-.

Zake 3:17

"Nɛnoɛ 'na -ɛ 'bhale "nɔgɔ "me -wɛ 'ɛ -ko 'wlele, 'dlewɔtɛ 'ye 'ɛ 'nyɛ -lɔ, "ne 'ɛ -su -lɔ "kuwɛtɛ, "ne 'ɛ 'tɛle 'lelee -lɔ "kukoleɛ siɛ. -Ye 'ɛ no -wɛ "nɛne. "Ne 'ɛ "ne dlidlile- 'nyakpa "me. "Ne 'ɛ "ne wlɛ- yo.

1 Piɛle 1:22

Gbɛklɛklɛ 'plome -zo za, 'a "zo- 'wlele, -se 'a "kɛ 'a "nowlia -wa -noɔ 'klecɛ 'waa -wɛ 'wamale-. 'A wama- -wamale kpɛnyee 'dle 'na 'dle kɔ.

1 Piɛle 2:12

-Wa "ne Lagɔ -yi -wɛ -glɛme, 'a slu- 'ayi 'tee. Lɔbhɔ 'na dɛku, 'wa kɛ 'anyɛɛ "ku 'na weli -nyɛnye bhulɛ -gbɔ 'a no "nyɛnye ne, 'wa yi 'ce 'anyɛɛ -li -namanɔ -ye 'a no -wɛ 'ylime 'ye, "ne -zle Lagɔ -kɛ 'wanɛɛ zipkɛ "me -plɛ, 'wa yu 'ce 'ŋlu 'kwa-.

1 Piɛle 4:8

-Li 'klekle "me, 'a wale- 'dle 'na -dle kɔ, "naa- «-walewaleɛ 'wale -lɔ 'nyinyonoli 'na 'gbagbo "ku.»

2 Piɛle 3:1

-Awale 'wanye, "bɔgo 'na "sɔnɛ 'ye 'e 'kɛle lɛ dɛne 'anye "ku. "Ɛ "bɔgo "sɔkpɔ -sɔkpɛ -wɛ "me, 'e 'luɔle 'anye 'dle, -se 'e "kɛ 'anye kwɛle-, -se 'a "kɛ 'dlepɔsɛ yibhlele-.

1 Zaa 3:18

'Na yua nye, -a te nuɔ -gwe -fu -nyɛ 'dlepɛɛ "me wamale-, -mɔ nonoli "me "ne gbɛklɛklɛ "me.

1 Zaa 3:3

-Wa "tɛle- -ɛwɛ 'dle Klise "me -wɛ "zoa 'wayi 'wlele -see 'ɔyi 'ɔɔ -ko 'wlele -wɛ.

1 Zaa 4:1

'Na 'dleglɛ -titoa nye, 'a te 'se -wa no nɛɛ: «Zuzu Wlewle -ko -anye "me» -wɛ 'dleku kɛle-. -Mɔ, 'a woloa -kɛ "me 'tee, -se 'a "kɛ -kɛ 'sɛ yibhlele- -gbɔ Lagɔ Zuzu -ko -diɛnadiɛ "ɛ 'nyakpa -wɛ "me. "Naa- "guɔkwɔmenya -gbeyia 'na 'kwleyia yiɛ- -kɛ zikpɛ ne "ku.