Filiponya 4:5 - Nouveau Testament bété de Gagnoa

⁵ 'Nyakpa 'klekle yibhlele- 'anyɛɛ "nɛnekosɛ. Anyinɛnyɔ 'na yizle "ne -ka -la dɛtlo-.

Filiponya 4:5 Iomraidhean Croise

Matie 6:25

«-Ɛwɛza, 'e bhulɛle lɛ 'anye nɛɛ: 'Anyɛɛ zikpɛ 'na 'dlebhɛ te 'anye 'lɔbhɔ, lilɛ 'ye 'ɛ kɛ 'se -noɔ -ce, "meplakoti 'ɛ kɛ 'se -noɔ -ce. Zikpɛ "ne bhɔ lilɛ "ku -zi? "Ne ku "ne bhɔ "meplakoti "ku -zi?

Matie 6:34

«Zaa, 'zegbɛ 'na 'dlebhɛ te 'anye 'lɔbhɔ, -mɔ, 'zegbɛ yi 'ɛyigɛsɛ 'na dɛ gbɔ. "Naa-, zle 'na -ɛ ze -wɛ -kɛ 'ɛnɛɛ "kplɛkplɛɛ.»

Luke 21:34

Zezu nɛɛ: «'A 'luɔle- -kɛ 'ayi "ku, 'a te -kɛ 'ayi 'dle nuɔ 'yiɛ, no -nɛmɛ -mɔ, "ne zikpɛ ne "ku 'na -li za. -Ɛ "kɛ yi -wɛ te kɛ 'anye vu zɛ.»

1 Kolɛtenya 16:22

'Nyɔkpɔ "mɔ Anyinɛnyɔ -wa, 'wa "pɔ 'kwiaku! Malanata: 'Ɛ sɛ zɔ nɛɛ: Anyinɛnyɔ yi!

1 Kolɛtenya 6:7

'Gbo "kɛ 'anye 'klecɛnya 'glɛme -ko ne, 'a "ne Lagɔ 'na -gwe "ku 'nɔŋo! Sɔɔbɛɛza 'a "ne 'yɔbhɔ bhɔ -gbɔ 'wa 'gbapea 'anye 'a? Sɛko bhɔ "ne 'a "ne 'tale- bhɔ 'nyakpa 'yi -se 'wa "kɛ 'anye 'wlu 'di 'a?

1 Kolɛtenya 8:13

'Ɛza, 'e kɛ 'sɛ -yi -gbɔ "ɛ lilɛ -wɛ yi -ame "nowlia -nyɛ -ame "nɔyoa 'wɔ "bhaa 'siɛ 'bhle ne, 'e -ka nɛ 'ɛ nɛmɛ -wɛ li, -se 'e 'toa kɛ 'siɛ 'bhle.

1 Kolɛtenya 9:25

'Sokwɛpanya 'klekle kɛ "ciɛ ne, 'wayi 'wa 'tea -lɔ -li 'na 'gbagbo. 'Wa no -see 'wa 'cɛ -bɛɛ' 'na -ɛɛ 'bhiɛ "ku -wɛ "me ylele- zɛ. -Mɔ, -anye, -ye -a 'cɛ "me ylele -wɛ 'ɛ 'bhiɛ "ku -godogodo.

2 Kolɛtenya 10:1

-Ame Pɔle, -bɛɛ' -bholo 'ye 'e 'yɔbhɔle -lɔ 'anye lo Klise 'na 'dlewɔtɛ -nyɛ 'ɔnɛɛ 'dle "namanɔ "bhaa 'na 'tɔ "me, -bedia nɛɛ: 'E kɛ 'anye 'glɛme -ko ne, 'e "gu -se 'e "kɛ 'anye bhulɛle-, -mɔ, 'e kɛ 'anye 'dɛtlole- ne, lɔbhɔ 'ye 'e 'gbɔtɔle -lɔ 'anye "ku.

2 Tesalonikenya 2:2

'Nyɔkpɔ kɛ -no -gbɔ Lagɔ -ylɛle -ame 'yliku -gbɔ Anyinɛnyɔ -yi "bhuɔ ne, 'a te 'ce guɔ cuu, sɛgbɛɛ 'nyɔkpɔ 'na -ye 'wlime nyimɔ -wɛ, -se 'a te 'lelee 'wanɛɛ -ye 'wa -bhulɛle 'anye -wɛ -gɛ "gu. -Mɔ, -anye "ne -bhulɛ, "ne -anye "ne kɛle-.

Tite 3:2

'Wa te 'nyɔkpɔ 'yli-, 'wa te gbo no, 'wa namale- 'dleku, 'wa 'kɛle- 'dle -wɔtɛ "me 'nyakpa 'klekle za.

Eblenya 10:25

-A te -anyɛɛ -zakpɛ "me 'bha-, -se -bedia -sɛ -wɛ, -mɔ, -a -ya 'kwɛle-kwɛlele- yiɛ, sɛko -wɛ, 'a -gɛyli, Anyinɛnyɔ 'na yli "ne -kɛ -la dɛtlo-.

Eblenya 10:37

"Naa-, Lagɔ-bɔgo "me, sɛne 'wa lɛ -lɔ nɛɛ: «Lɔbhɔ "ne -la dɛtlo, lɔbhɔ "ne -la dɛtlo gou» «-se -ɔ yi -wɛ "kɛ 'du -plɛ, 'ɔ yi -la yi.

1 Piɛle 1:11

Klise 'na Zuzu -koa 'awɔ "me, "ne 'ɔ yu 'awɔ -lɔ Klise 'na 'gbapeɛ 'ylime -tua "kle, 'ɛ -nyɛ 'ɔnɛɛ 'ŋlumeɛ -ye 'ɔ "kɛ nɛ -yle -wɛ "bhaa. "Guɔkwɔmenya -tɛle -sɔɔdɛku "ne -see 'ɛ -li -wɛ 'wɔ "kɛ -ylɛle -wɛ 'siɛ.

1 Piɛle 4:7

Zikpɛ 'na "kubhiɛzle "ne -la dɛtlo. Zaa, 'a 'yamale- 'ylime, 'a te kɛ nonoli "me 'diɔle-, -se 'a "kɛ -kɛ bhubhɔ.

'Ylikloylɛleweli 22:20

Zezu bhulɛ nɛɛ 'ɛyi 'klekle 'diɛɛ yɛ -lɔ, "ne 'ɔ no 'lelee -lɔ nɛɛ: 'Diɛɛ, 'e yi -la yi. Amɛn! Yi, Anyinɛnyɔ Zezu!

'Ylikloylɛleweli 22:7

Zezu nɛɛ: 'Fo 'yukwli, 'e "kɛ yi 'na dɛ "ne -la dɛtlo. Zaa, 'ŋwɛnɛ 'lɔbhɔ -ɔ -fo weli -ɛ 'bhale Lagɔ nu "ne -ɛ -ko "bɔgo ne "me -wɛ 'yukwli.