Filiponya 4:3 - Nouveau Testament bété de Gagnoa

³ "Ne -eyi, 'neɛ 'diɛɛ 'na -gwebhlinyɔ, 'e 'yɔbhɔ -gbɔ kwɛle- "ɛ 'ŋwenea "sɔ -wɛ. "Naa-, 'wayi 'wɔ "bhaa -a -gwele kɔ 'Denaade za, 'ɛ -nyɛ Klema "ne "nowlia -nyɔ 'wɔ "bhaa -a -nole libhɔ 'gɔme -wɛ. 'Wanɛɛ 'tɔ 'kɛleɔ- zikpɛbɔgo "me.

Filiponya 4:3 Iomraidhean Croise

Luke 10:20

'Ŋwɛnɛ te kɛ 'anye zuzu -nyɛnyea 'na 'plome -ye 'wa "zo 'anye -wɛ za 'lɔbhɔ, -mɔ, 'ŋwɛnɛ 'lɔbhɔ 'anye 'anyɛɛ 'tɔ -ɛ kɛleɔ- "nɔgɔ "me -wɛ za.

Wlomɛnya 12:1

-Nyɔsɔwanye, Lagɔ -ko "nɛne -kpɛnye -anyɛɛ za. 'Ɛza, 'e 'yɔbhɔle -lɔ 'anye -ɛne lo: 'A 'je 'ayi Lagɔ kɔ gou sɛgbɛɛ bɔbɔli 'na yɛyɛ nɛ, -ɛ -sɔ lɔbhɔ Lagɔ -nɛ "ku "ne -ye 'ɔ -wa yɛ -lɔ. -See 'a "kɔ 'diɛɛ "zo -wɛ -lɔ.

Wlomɛnya 16:12

'A bhɛle- Tlifɛne "ne Tlifɔse. 'Wa -no Anyinɛnyɔ 'na libhɔ kpɛnyee. 'A bhɛle- 'neɛ 'bheyi Pɛleside. 'Ɔyi 'lelee, 'ɔ -no Anyinɛnyɔ 'na libhɔ kpɛnyee.

Wlomɛnya 16:9

'A bhɛle- Ylubɛ, -nyɔ "bhaa, -a -no Klise 'na libhɔ -wɛ, "ne -a 'tito Satakise.

Filiponya 1:12

"Nowlia 'wanye, 'anye -wa -noɔ 'kleceɛ 'waa -wɛ, 'e "kɛ 'anye weli -cibhɛ bhulɛle-: 'Diɛɛ, -ɛ yle dɛ -ame ne, 'ɛ "ne -bɛɛ' 'na "nyɛnye yɛ, -mɔ, 'ɛ -gbɔ "ne Lagɔ 'na 'Denaade yi -lɔ 'yuku me.

Filiponya 1:16

"Ɛ -wa sɛle 'dlewɔtɔ "me -wɛ, Lagɔ 'na 'ŋwɛnɛ 'wa -kɛ -lɔ "me. Sɛko -wɛ, 'wa -yi 'sɛ -gbɔ "ɛ -jiɛ ne "me -mee 'e -ko ne, 'e "kɛ Klise 'na 'Denaade 'na gboziɛ za yɛ -lɔ.

Filiponya 1:27

Zaa, 'a ko -see Klise 'na 'Denaade 'yɔbhɔ -gbɔ 'a ko -wɛ. -Se 'e -kɛ -yi, 'e "kɛ 'ce 'anye 'ylime 'ye, "ne 'e "mɔ 'ce -yi, 'e yi 'ce "fu 'anyɛɛ weli "me 'no. "Ne 'e yi 'lelee 'sɛ yibhlele- -gbɔ 'a -kole "ku "ne 'a -wale. 'Denaade 'na -ye 'dlekukɛleɛ -nɛme -wɛ 'a -su 'tee "ne 'a nole 'lelee Lagɔlibhɔ 'dle -wɔtɔ "me.

Filiponya 1:5

Sɛko -wɛ, tɛtɛ -yli "me 'na -ye 'e -sloa 'anye Lagɔ 'na 'Denaade -wɛ, 'a -kwɛle -ame -kaa "ne 'ɛ -ylɛ lɛ -dɛme.

Filiponya 1:7

'Ɛ -ŋwa sɔbhɔ, -se 'e "kɛ soɔ 'anye 'klekle 'na 'ŋwɛnɛ "me 'kɛle- -wɛ. "Naa-, 'e "zo- 'anye 'neɛ 'dlezɔ. Sɛko -wɛ, Lagɔ 'na libhɔ -ye 'ɔ 'je- -ame kɔ -jɔlosɛ -wɛ, 'anye 'klekle 'a -no me. -Dɛme 'na -dee 'e -ko -jiɛ "me ne, 'a no "ɛ Lagɔ 'na libhɔ -wɛ "yiɛ. -Dee 'e -yele nɛ kɔ "ne 'e me nɛ Lagɔ 'na 'Denaade 'na 'gboziɛka -zejilɛku -wɛ, 'e -yi sɛ -gbɔ 'a -ko nɛ -ame keyi.

Filiponya 4:2

Evodi "ne Sɛtiike, 'e 'yɔbhɔ -gbɔ 'a 'nonole- "ku "me, -se Anyinɛnyɔ "bhaa 'a kole- "ku.

Kolɔsenya 1:7

Epaflase, -ɔ -noɔ -a 'tito yɔ, "ne 'ɔyi "bhaa -a -no libhɔ -wɛ, 'ɔ sloɛ -lɔ 'anye. 'Ɔɔ -ko -lɔ -anyɛɛ 'bhulɛ "me 'anye yɔko sɛgbɛɛ Klise 'na "kulɔbhɔnyɔ -ye 'a "kɛ 'dle "tɛle.

'Ylikloylɛleweli 13:8

Dodo ne "ku 'na 'nyakpa 'klekle yu 'ce "zo, -mɔ nyɔ 'wɔ 'na 'tɔ kɛleɔ- zikpɛbɔgo "me -see zikpɛ "mɔ 'awɔ 'wlo "ne "bhle -ko -me. "Ɛ "bɔgo ne, 'bhlɛbhlɛyu -ye 'wa 'lɔbhɔ- bɔbɔ -za "ne 'ɔ yi "ku -wɛ 'bhe- -lɔ.

'Ylikloylɛleweli 17:8

"Ɛ nɛmɛ -ye 'e 'ye- 'ylime -wɛ -le 'awɔ, -mɔ, 'ɔ "ne -la -le, 'ɔ yi "kuduku 'bha "ne 'ɔ yi -dee 'ɔ "kɛ "kubhiɛle- -wɛ me. "Ne dodo ne "ku 'na konya -nyɔ 'wanɛɛ 'tɔ "ne zikpɛbɔgo ne "me kɛleɔ- "kucidɛku -wɛ, 'wa kɛ "ɛ nɛmɛ -wɛ 'ylime 'ye-, 'ɛ yua geji "ku -sɛ, "naa-, 'ɔ -le 'awɔ, -mɔ, 'ɔ "ne -la -le, 'ɔ yi 'ce "kusɔ yi.

'Ylikloylɛleweli 20:12

"Ne 'e 'ye- "kudukonya 'ylime, yua "ne "yitia, 'wa 'nyegbe- 'leyli-gbɔglo 'yli "ku, "ne Lagɔbɔgo yi -lɔ "ku 'kɛleɔ-, "ne "bɔgo 'na -vinɛ yi -lɔ "ku kɛleɔ-, -ɛɛ -noɔ -lɔ Zikpɛ -bɔgo yɛ. "Ne 'wa yi -lɔ "kudukonya 'gbobhlele- -see 'ɛ 'kɛleɔ- 'awɔ Lagɔ-bɔgo "me -wɛ.

'Ylikloylɛleweli 20:15

'Nyɔkpɔ 'na nyɔ 'na 'tɔ "ne zikpɛbɔgo "me kɛleɔ- -wɛ, -kosu-gbagbo "me 'wa 'pɔ -lɔ.

'Ylikloylɛleweli 21:27

"Ne -bɛɛ' 'na -ɛ -kɛ 'fe Lagɔ 'yli "ku -wɛ -ka "bhle plɛ. "Ne 'nyakpa 'na 'wa no -li ''na -ɛ "ne nosɛ -kɛ -wɛ, "ne yowlɛnya -ka 'lelee "bhle plɛ -me, -mɔ, nyɔ 'wanɛɛ 'tɔ kɛleɔ- 'bhlɛbhlɛyu 'na zikpɛbɔgo "me -wɛ 'wayikɔ "kɛ -lɔ "bhle plɛ.

'Ylikloylɛleweli 3:5

Sɔbhɔ, -ɔ -to 'wliku "kɛ -lɔ "koti 'fɛɛ 'slu-, 'ɔnɛɛ 'tɔ -ɛ kɛleɔ- zikpɛ 'na "bɔgo "me -wɛ, 'e -cɛ "ku 'titli, -ame To 'yli "ku, "ne 'ɔnɛɛ "nɔgɔzilia 'yli "ku, 'e yu yibhlele- -gbɔ 'nyɔkpɔ ne 'neɔ yɔ -lɔ.