Filiponya 4:19 - Nouveau Testament bété de Gagnoa

¹⁹ 'Neɛ Lagɔ yi 'anye -li 'klekle -ye 'a 'yɔbhɔ -wɛ kɔ 'je, Anyinɛnyɔ 'ŋlumenyɔ Zezu Kli 'na 'tɔ "me, "naa-, -Klɔgbɔnyɔ "yitɔ yɔ -lɔ, 'ɔnɛɛ -klɔgbɔ "ne nɛnidɛ -kɛ.

Filiponya 4:19 Iomraidhean Croise

Matie 6:32

-Ɛwɛ 'klekle, -wa "ne Lagɔ -yi -wɛ 'tɛle -lɔ 'siɛ -godogodo. -Mɔ 'a To -ɔ -ko "nɔgɔ "me -yi -se 'a 'yɛbhɛ.

Zezu Kli 'na 'Denaade ‑ye Zaa kɛle‑ ne lɛ 20:17

"Ne Zezu yu -lɔ bhulɛle- nɛɛ: «Te -kɛ -ame kɔ 'sa! "Naa-, 'e -namlɛ -a "To lo "gblɛle "nɔgɔ "me, -mɔ, -eyi, me -ame "nowlia 'wɔ bhulɛle- -ka -gbɔ 'e me -ame To yle -ka, -ɔ -noɔ -me lɛ 'a To yɔ ne, 'neɛ Lagɔ, -ɔ -noɔ -me lɛ -anyɛɛ Lagɔ yɔ ne.»

Zezu Kli 'na 'Denaade ‑ye Zaa kɛle‑ ne lɛ 20:27

"Ne 'ɔ yi -lɔ Toma bhulɛle- nɛɛ: «'Dia- -neɛ' sɔwleyɛ dɛ, -se wolo- 'neɛ kɔmne, 'dia- -neɛ' kwlɛ -se 'fɛ -ame gbɛce -zɔ. Te 'kpɛle-, -mɔ, kɛle- 'dleku.»

Wlomɛnya 1:8

"Kucidɛku, 'e bhɛle 'neɛ Lagɔ Zezu Kli "me 'ayi 'klekle za, sɛko -wɛ, 'wa bhulɛ 'anyɛɛ 'dlekukɛleweli dodo -kpɛtɛ ne "ku.

Wlomɛnya 11:33

Lagɔ 'kpɔ 'diɛɛ! 'Ɔnɛɛ 'ylimeyamaleɛ, "ne 'ɔnɛɛ 'dlepɔsɛ tlo 'diɛɛ "me kpɛnyee, 'nyɔkpɔ "ne 'bhɛle- "ne 'ɔ "kɛ 'ɔnɛɛ 'dlepɔsɛ yibhlele-, 'nyɔkpɔ "ne 'bhɛle "ne 'ɔ "kɛ 'ɔnɛɛ -ye 'ɔ no -wɛ "me 'no. Lagɔbɔgo nɛɛ:

Wlomɛnya 2:4

Lagɔ -ko 'nɛne kpɛnyee, "ne 'ɔ 'piɛ "bhle 'dle kpɛnyee, "ne 'ɔ -yi wosɛ. 'Ɛ "ne no bhɔ -eyi -bɛɛ'? -E "ne bhɔ sɛ -yi -gbɔ Lagɔ 'na "nɛnekoɛ yi 'gbɔ "ne -neɛ' zikpɛ yi kɔ 'bheliɔ-?

Wlomɛnya 8:18

'Ye 'e -gɛ 'yli -wɛ, -zeka 'na 'kplɛkplɛɛ "ne -bɛɛ' yɛ, Lagɔ 'na 'ŋlumeɛ 'na 'ye -a "kɛ bhliji "me -yle -wɛ 'na dɛku.

Wlomɛnya 9:23

-Mɔ -wawɛ, 'ɔ -tua -see 'ɔ -kɛ 'nyɛzedle 'ylime. 'Ɔ 'yɔbhɔ nɛ -gbɔ 'wa yibhlele- 'ɔnɛɛ 'ŋlu "yitɛ, 'ɔ -jijaloa 'wli "kle -se 'wa "kɛ "ɛ 'ŋlu -wɛ yle.

2 Kolɛtenya 12:21

-Bɛɛ' -bholo -ye 'e "gu -gɛ ne lɛ: -Zle 'e "kɛ 'anyɛɛ moɔ -yi ne, Lagɔ yi -lalɛce -ame zu 'labha- 'anye 'yliku. 'E yi -lalɛce 'tu, 'anye 'glɛme 'na -bedia no -nazɛ 'nyinyonoli bhlɛme 'nasɛ, 'e yi 'tu. "Naa-, -dɛme -nazɛ 'yiɛ, 'wa "ne 'wanɛɛ -kosɛ -gɔgɔ 'yi 'tale, 'e yi 'tu, "ne 'wa zlɛ -lɔ gbo, "ne 'wa -su 'wayi 'bidiglagli.

2 Kolɛtenya 4:17

-Ɛɛ, -anyɛɛ -dɛme 'na 'gbapeɛ "ne "me 'tɛ-, "ne 'ɛ "ne gwlɛ "me, -mɔ, 'ŋlu -ɛ 'ple 'ŋlu 'klekle yɔko "me -wɛ -wo -lɔ -anye. "Ɛ 'ŋlu -wɛ gwlɛ "me, "ne 'ɛ 'kpɔ- kpɛnyee, "ne 'ɛ -zi -anyɛɛ 'gbapeɛ "ku.

Efɛzenya 1:18

'Ɔ vulu 'anyɛɛ 'dle "ku -se 'a "kɛ 'ɔnɛɛ zle 'ylime 'ye. 'Ɛ kɛ -soɔ -ko, 'a yi 'ce 'dletɛleɛ -ye 'ɔ 'je 'anye kɔ -sɔɔdɛku, 'ɔ la 'anye -wɛ yibhlele-. 'A yi 'ce -klɔgbɔ-li 'na "namanɔ -ye 'ɔ -sɛ lɔbhɔ -wa -noɔ 'ɔnoa 'waa -wɛ za yibhlele-.

Efɛzenya 1:7

Klise "me, 'ɔnɛɛ 'dlu -ɛ -slu 'siɛ -wɛ "me, "nyɛnye 'bha- -anye 'wlime "ne -anyɛɛ 'nyinyonoli 'na gbo "taleɔ- 'yi, Lagɔ 'na "nɛnekoɛ 'kpɔ kpɛnyee 'na 'ylime!

Efɛzenya 2:7

Sɔbhɔ "ku, 'ye 'ɔ -tua -lɔ -anye 'ɔnɛɛ "nɛnekoɛ 'ylime Klise Zezu "me, Lagɔ 'yɔbhɔ -gbɔ 'ɔ "kɛ -anye 'ɔnɛɛ "nɛnekoɛ -ɛ "ne wɔkɔle -bɛɛ' -kɛ -wɛ 'ylime -tua -godogodo 'na dɛ.

Efɛzenya 3:16

'E bhubhɔ -se 'ɔ "kɛ 'anye 'kwɛme 'tamalea. 'Ɔnɛɛ Zuzu za, 'ɔnɛɛ 'ŋlumeɛ 'kpɔ kpɛnyee zɛ. 'Ɛ -kɛ sɔbhɔ -ko ne, 'a yi 'ce 'kwɛmetamale -klecɛnya "zo,

Efɛzenya 3:8

-Ame Pɔle, 'mɔɔ -noɔ -lɔ 'klecɛnya 'klekle 'na 'glɛme 'na yu yɔ. -Mɔ 'ɛ -ko "ɛ -soɔ "ne 'e -yle lɛ -jɔlo ne: 'E "kɛ -wa "ne zufonya 'waa -wɛ Klise 'na -klɔgbɔ -ɛ "ne "nenidɛ -kɛ -wɛ 'na 'de -sɛle.

Filiponya 4:7

-Se Lagɔ 'na "kuwɛtɛ -ɛ zi lɛ -li 'klekle "ku "kɛ 'anyɛɛ 'dle -nyɛ 'anyɛɛ 'dlepɔsɛ "bhaa 'slu- Zezu Kli "me.

Kolɔsenya 1:27

'Ɔ 'yɔbhɔ nɛ -gbɔ 'ɔ "koa -ɛ 'nunadleku ne 'na "kpɔmalesɛ, "ne -klɔgbɔpɔsɛ 'sloa-. "Ɛ -ɛ 'nunadleku ne 'nyakpa 'klekle -nɛ yɛ -lɔ, 'ɛɛ ne lɛ: Klise -ko 'anye -jijɛku "ne 'ɔyi "me, 'a -kɛ 'dleku -gbɔ 'a yi Lagɔ 'na 'ŋlumeɛ 'na dɛ "ye.

Kolɔsenya 3:16

Klise 'na weli -ko 'anye 'glɛme, 'ɛ -nyɛ 'ɛnɛɛ -klɔgbɔ 'klekle "bhaa. 'A 'sloasloale 'ylimeyamalesɛ, -se 'a "zozole 'de "me. 'A 'bhɛle- Lagɔ 'anyɛɛ 'dle 'klekle zɔ, 'a bhle lo: Some, Lagɔ -lo 'na -ye 'a 'wɛlɛ- 'ayigɛsɛ -wɛ "ne lo -ye Zuzu Wlewle pɔ 'anye -gwe "ku -wɛ.

1 Tesalonikenya 2:12

'Ɛza, -a "zo- -lɔ 'anye 'de "me, "ne -a "tamalea- -lɔ 'anye 'kwɛme. "Ne -a yi -lɔ 'anye kɔ 'titli- -gbɔ 'a ko -see Lagɔ 'yɔbhɔ -wɛ, 'ɔyi 'ɔɔ la- -lɔ 'anye -gbɔ 'a "kɛ 'ɔnɛɛ 'Kamalezikpɛ "me plɛ, -se 'a "kɛ 'ɔnɛɛ 'ŋlumeɛ 'na 'didi "me ko -me.

1 Timote 6:17

Bhulɛle -glɔ ne zɔ 'na -klɔgbɔnya -se 'titliloa 'yukwli "me, 'wa te -kɛ bha. 'Wanɛɛ 'dlekukɛleɛ, 'wa "zo Lagɔ "me. -Mɔ, 'wa te -kɛ -klɔgbɔ -ɛ "ne gwlɛ -wɛ "me "zo. Lagɔ -bholo -kpee 'nyɛ -lɔ "fu -anye -li 'klekle -ye -a -su -wɛ -se 'ŋwɛnɛ "kɛ -anye lɔbhɔ.

Filemɔ 1:4

-Se 'e 'bhubhɔ 'ce 'yiɛ -wɛ, 'e 'pɔ -eyi "ku 'dle Filemɔ "ne -e bhɛle -lɔ 'neɛ Lagɔ;

1 Piɛle 5:1

-Dɛmeda, 'e bhulɛle "yitia -wa -ko 'anye 'glɛme -wɛ. -Ame "yitɔ 'ye 'e -noɔ -me -lɔ 'anyɛɛ sɛ. 'E 'ye- Klise 'na 'gbapesɛ 'na dɛ, "ne 'e yi 'ɔnɛɛ 'ŋlu -ɛ "kɛ yi -wɛ 'na dɛ 'ye me.

1 Piɛle 5:10

'Anyɛɛ 'gbapeɛ -ka "me 'gwlɛ. -Mɔ, Lagɔ -ɔ -wa 'anye -wɛ, 'ɔ la- -lɔ 'anye -se 'a "kɛ 'ɔnɛɛ 'ŋlu -ɛ "ne "nenidɛ -kɛ -wɛ 'na dɛ 'ye, Zezu Kli "bhaa 'na "kukoleɛ "me. "Naa-, 'ɔ yi gbɔ "ne 'a -ka 'nuɔsɔbhɔledɛ kɛle-, "ne 'a yi "me "tamale-, "ne 'a yi 'kwɛme "tamale-, "ne 'wa -ka 'ce -la 'anye 'siɛ 'bhle.