Filiponya 4:14 - Nouveau Testament bété de Gagnoa

¹⁴ -Mɔ, -ye 'e 'ye nɛ 'kle -wɛ, 'a -kwɛle nɛ -ame! "Ne -ye 'a -kwɛle -ame -wɛ 'ɛ 'nɛne.

Filiponya 4:14 Iomraidhean Croise

Matie 25:21

'Ɔnɛɛ "bhenyɔ nɛɛ: Libhɔnonyɔ 'na "namanɔ -ɔ tɛle- 'ɔnɛɛ libhɔ 'dle 'ye -e -noɔ -lɔ. 'Wa 'je- -eyi -bɛɛ' 'tekeyi kɔ 'na -see -e 'sɛ- -wɛ -tua 'nyakpa 'ylime -gbɔ -e tɛle- -neɛ' libhɔ 'dle. -Dɛmeda, 'e yi -eyi -bɛɛ' 'na "yitɛ "ku kulɛle-.

Wlomɛnya 15:27

'Waa- -no -lɔ -gbɔ 'wa "koa kwɛle-, -mɔ, "kle 'na dɛku, 'wanɛɛ 'gɛgbo 'wa -kɛ nɛ -lɔ. Zufonya 'na -jɔlo 'ye Lagɔ -ylɛle -lɔ "me "ne 'ɔ yi -lɔ -wa "ne zufonya 'waa -wɛ 'ŋu 'pɔ. 'Ɛza, 'wa "koa -lɔ 'wanɛɛ 'ye 'wa -kɛ -wɛ "me kwɛlele-.

Galatenya 6:6

'Nyɔkpɔ 'na -ɔ 'slo -eyi Lagɔweli -wɛ, -ye -e -kɛ -wɛ, 'nyɛ- 'mo.

Filiponya 1:7

'Ɛ -ŋwa sɔbhɔ, -se 'e "kɛ soɔ 'anye 'klekle 'na 'ŋwɛnɛ "me 'kɛle- -wɛ. "Naa-, 'e "zo- 'anye 'neɛ 'dlezɔ. Sɛko -wɛ, Lagɔ 'na libhɔ -ye 'ɔ 'je- -ame kɔ -jɔlosɛ -wɛ, 'anye 'klekle 'a -no me. -Dɛme 'na -dee 'e -ko -jiɛ "me ne, 'a no "ɛ Lagɔ 'na libhɔ -wɛ "yiɛ. -Dee 'e -yele nɛ kɔ "ne 'e me nɛ Lagɔ 'na 'Denaade 'na 'gboziɛka -zejilɛku -wɛ, 'e -yi sɛ -gbɔ 'a -ko nɛ -ame keyi.

Filiponya 4:18

-Ye 'e 'yɔbhɔ -wɛ, 'e -kɛ, "ne 'ɛ -zu! -Dɛme 'lelee, 'e -yle -ye 'a -slua Epaflodiite 'na za -wɛ. 'Ɛ -li -wɛ -ko sɛgbɛɛ bɔbɔli -nyɔ 'na 'ŋoni -ko sɛgbɛɛ lasiklɔ. 'Ɛ -soɔ 'na bɔbɔli -wɛ 'ye Lagɔ -wa -lɔ "ne 'ɔ 'sa -lɔ kɔ.

1 Timote 6:18

'Nyoa 'de -gbɔ 'wa no -li 'na -li 'nyakpa 'wli -se 'wanɛɛ 'nɛnoɛ zimale-. 'Wa nyɛle 'walua 'dlewɛtɛ "me. 'Wa yibhlele- dli sɛ.

Eblenya 10:33

'Wa 'yli- 'anye, "ne 'wa 'gbapea- 'anye 'nyakpa 'klekle 'yliku, "ne 'a -kwɛle -me 'lelee -ye 'wa 'gbapea- 'anyɛɛ sɛku -wɛ.

Eblenya 10:34

Sɛko -wɛ, 'a -nyɛ -wa -ko -jiɛ "me -wɛ 'wɔ "bhaa, 'a 'gbapele- 'gɔme. 'A 'ŋunu- 'ŋwɛnɛsɛ "ku, "ne 'wa yi -lɔ 'anyɛɛ -li kɔ -sɛ, sɛko -wɛ, 'a -yi nɛ sɛ -gbɔ: 'A -kɛ nɛ -klɔgbɔ -ɛ 'kpɔ "ne 'ɛ zi "ku, "ne -ɛ "ne bhiɛ "ku -wɛ.

Eblenya 13:16

'A te -kɛ -li 'na -li 'na nonoɛ "ne 'nyakpa -nyɛɛ "ku dlu, 'ɛyi -wɛ -noɔ -lɔ bɔbɔli -ɛ 'nɛne Lagɔ -gɛ -wɛ yɛ.

'Ylikloylɛleweli 1:9

-Ame, 'a "nɔwli Zaa, 'anye 'wɔ "bhaa -a 'gbapele 'gɔme. 'Anye 'wɔ "bhaa Lagɔ 'na 'Kamalezikpɛ "me -noa 'ye -a -noɔ -lɔ, 'e 'piɛ- "bhle 'dle "ne 'anye -nyɛ -ame "bhaa -a -kole "ku 'gɔme Zezu "me. 'Wa sa- -ame "ne 'wa -kɔme -ame 'ŋusuɛledu Patemɔse, sɛko -wɛ, 'e bhulɛ Lagɔ 'na weli "ne 'e "zo- Zezu 'na -ɔyeɛdɛ.