Filiponya 4:11 - Nouveau Testament bété de Gagnoa

¹¹ 'E -na -kɛ no -gbɔ 'a "kɛ -ame -li 'nyɛ za 'e bhulɛ -kɛ "ɛ soɔ. "Naa-, -ame 'neɛ dɛku ne, 'e -kɛ -bɛɛ' 'oo, 'e "ne -bɛɛ' -kɛ 'oo, 'neɛ -ye 'e -kɛ -wɛ, 'ɛɛ -noɔ -lɔ 'neɛ- yɛ.

Filiponya 4:11 Iomraidhean Croise

Luke 3:14

"Slojanya 'yɔbhɔ me Zaa lo nɛɛ: -Anye "naa-, -ye -a -na no bhɔ? 'Ɔ nɛɛ: 'A te 'nyɔkpɔ 'dlasi kɔ -sɛ kpokposɛ. 'A te 'nyɔkpɔ gbo 'wlime gbli. 'A 'libhi -anyɛɛ peɛloɛ 'ɛyi kɔ "ku.

2 Kolɛtenya 11:27

'E -no libhɔ 'na -ɛ 'kpla kpɛnyee -wɛ "ne -zle -wɛ yi "ne 'e -ka 'ŋɔŋo. Ŋɔŋo "ne 'ŋuto 'lɔbhɔ -ame, "ne 'e -ko lɔbhɔ "ne -ye 'e "kɛ li -wɛ -ka 'yleɔ-, wɔtlɔ lɔbhɔ -ame "ne 'e -ka "meplakoti yle-.

2 Kolɛtenya 6:10

'wa 'gbɔ "ne -a -nyɛne "klo, -mɔ, 'ɛ -ko "ɛ -soɔ "ne 'dlezɔ 'nɛne -anye yiɛ. 'Wa -kɛ 'dleku -gbɔ 'poɛnya 'ye -a -noɔ, "ne -anye 'gbɔ -lɔ "ne 'nyakpa -kwleyia "zo -lɔ -klɔgbɔnya, 'wa -tɔle -gbɔ -a "ne -bɛɛ' -kɛ, "ne -anye -kɛ -lɔ -li 'klekle!

2 Kolɛtenya 8:9

"Naa-, 'a -yi Anyinɛnyɔ Zezu Kli 'na -jɔlo. 'Ɔyi, -klɔgbɔnyɔ, 'ɔ "zoa- 'ɔyi 'poɛnyɔ 'anyɛɛ za, -se 'ɔnɛɛ 'poɛ -wɛ "me, 'a "kɛ -klɔgbɔnya "zo.

2 Kolɛtenya 9:8

Lagɔ kɛ 'bhɛloɛ -se 'ɔ "kɛ 'anye -li 'klekle -ɛ 'nɛne -wɛ 'wliku mana. "Ne 'a yi -li 'klekle -ye 'a 'yɔbhɔ -wɛ kɛle-, "ne 'ɛ yi lɔbhɔ 'ple 'klekle, "ne 'a yi -nazɛ lɔbhɔ -sɛ, "ne 'a yi -li 'na -ɛ 'nɛne 'klekle -wɛ no yiɛ.

Filiponya 3:8

"Ɛ -ɛwɛ 'klekle ne, 'ɛ -ko -ame 'yliku sɛgbɛɛ -bɛɛ' 'na -ye 'e 'pɔ- 'kwlɛ "me Anyinɛnyɔ Zezu Kli za -wɛ. "Ɛ -ye 'e -yibhlele Anyinɛnyɔ Zezu Kli -wɛ, 'ɛ 'kpɔ- "ne 'ɛ -zi -li 'klekle "ku. Zezu Kli za, 'e 'bhale- -li 'klekle "me. 'E 'wolo -da "ku sɛgbɛɛ -didi, -se Klise 'ɔyikɔ "kɛ -bɛɛ' 'na 'ye 'e "kɛ yle -wɛ "zo.

Eblenya 10:34

Sɛko -wɛ, 'a -nyɛ -wa -ko -jiɛ "me -wɛ 'wɔ "bhaa, 'a 'gbapele- 'gɔme. 'A 'ŋunu- 'ŋwɛnɛsɛ "ku, "ne 'wa yi -lɔ 'anyɛɛ -li kɔ -sɛ, sɛko -wɛ, 'a -yi nɛ sɛ -gbɔ: 'A -kɛ nɛ -klɔgbɔ -ɛ 'kpɔ "ne 'ɛ zi "ku, "ne -ɛ "ne bhiɛ "ku -wɛ.