Filiponya 3:9 - Nouveau Testament bété de Gagnoa

⁹ 'E 'yɔbhɔ nɛ -gbɔ 'ɔyi "bhaa -a "kɛ "ku -kole gou, -mɔ 'ɛ "ne -kɛ 'neɛ 'bhɛloɛ "me yɛ, "ne 'ɛ "ne -kɛ 'lelee gbagbɛ 'na "kɔkɛleɛ "me yɛ, -mɔ, Zezu Kli 'na 'dlekukɛleɛ "me. "Meŋwinɛleɛ -ye Lagɔ 'je lɛ 'ɔnɛɛ -wa -kɔ 'dleku -wɛ kɔ "me.

Filiponya 3:9 Iomraidhean Croise

Matie 9:13

-Ame, 'nyɛzedlekɛleɛ 'ye 'e 'yɔbhɔ -lɔ, -mɔ, 'e -na bɔbɔli lo 'yɔbhɔ. Soɔ 'ye 'ɛ kɛleɔ- -lɔ Lagɔbɔgo "me: 'A me -se 'a tɛle- 'ɛnɛɛ zɔsɛsɛ 'siɛ. "Naa-, 'E -na "meŋwinɛlenya la -ka yi, -mɔ, "nyinyonolinonya za 'e -yi -lɔ.

Wlomɛnya 1:17

"Naa-, 'Denaade 'tua -ɛne, 'nyakpa 'klekle -wa -kɛ Lagɔ 'dleku -wɛ 'ylime, 'wanɛɛ 'dlekukɛleɛ 'ɛyikɔ -gbɔ -lɔ "ne 'wa yi -lɔ "meŋwinɛlenya "zo. 'Diɛɛ, Lagɔbɔgo "me sɛne 'wa lɛ -lɔ nɛɛ: -Ɔ "zo "meŋwinɛlenyɔ 'ɔnɛɛ 'dlekukɛleɛ za -wɛ, 'ɔ yi zikpɛ yle.

Wlomɛnya 10:10

"Naa-, -a "kɛ -anyɛɛ 'dle 'klekle "me 'dleku -kɛ, Lagɔ ŋwinɛlea -anye "me, -a "kɛ -diɛnadiɛ -anyɛɛ 'dlekukɛleweli 'nyakpa 'klekle 'yliku bhulɛle ne, 'ɔ 'fuɔ -anye.

Wlomɛnya 16:7

'A bhɛle- Adlonicuse "ne Zuniase. 'Neɛ -nyoa 'waa -lɔ, "ne 'wayi 'wɔ "bhaa -a -ko nɛ -lɔ -jiɛ "me 'gɔme. "Kɔlepɔnya "yitia 'waa -lɔ, 'waa- -yibhlele -lɔ Klise 'neɛ za 'tɛ-.

Wlomɛnya 5:21

Bhlɛme, 'nyinyonoli -kɛ 'awɔ 'bhɛloɛ -se 'ɛ "kɛ 'kwiɛ "nyɛ. "Ɛ sɛbhele -wɛ, -dɛme 'na dɛku, Lagɔ 'na "nɛnekoɛ -kɛ 'bhɛloɛ -se 'ɛ "kɛ 'nyakpa 'klekle "meŋwinɛlenya "zoa-, -se -a kɛ zikpɛ 'na -ɛ -ka lɛ "kubhiɛ yle Anyinɛnyɔ Zezu Kli "me.

Wlomɛnya 8:1

-Dɛmeda, -wa -nyɛ Zezu Kli "bhaa 'wa -kole "ku -wɛ, 'wa -koa -da gbo lua-.

Wlomɛnya 8:3

Moyize 'na -Lɔ "ne nɛ 'bhɛle- "ne 'ɛ "kɛ -ɛwɛ no, sɛko -wɛ, 'nyɔkpɔ 'na kosɛ "ne "me 'tɛ-, -mɔ, Lagɔ -no. 'Ɔ 'lebhe- 'ɔ Yowli, "ne 'ɔ yi -lɔ 'nyinyonolinonya 'na ku "ku 'libhi, -se 'ɔ "kɛ 'wanɛɛ 'nyinyonoli 'na 'galu 'di. Lɔbhɔ 'ye Lagɔ -luale -lɔ 'nyinyonoli -ɛ ko 'nyɔkpɔ "me -wɛ gbo.

1 Kolɛtenya 1:30

"Naa-, 'ɔ gbɔ -lɔ "ne Klise Zezu "bhaa -a yi -lɔ "ku 'kole-, "ne Klise yi -lɔ -anyɛɛ dɛku 'ylimeyamaleɛ -ɛ 'bhale Lagɔ "me -wɛ "zo. "Ne 'ɔyi "me, Lagɔ yi -lɔ -anye "meŋwinɛlenya "zoa-, "ne -a yi -lɔ 'wlewle ko, "ne 'ɔ yi -lɔ -anye 'nyinyonoli 'na 'galu 'yli -sɛ.

2 Kolɛtenya 5:17

'Za, 'nyɔkpɔ -nyɛ Klise "bhaa 'wa "kɛ "ku -kole ne, "lele 'ye 'ɔ "zo -lɔ. "Naa-, -ɛ -noɔ "gɔgɔ yɛ -wɛ "ku 'ye 'ɛ -bhiɛ -lɔ, "ne -ɛ -noɔ "lele yɛ -wɛ -ko -lɔ lɔbhɔ.

2 Kolɛtenya 5:21

Klise "ne 'awɔ 'nyinyonoli 'wlime -kɛ, "ne Lagɔ yu -lɔ -anyɛɛ 'nyinyonoli 'na gbo 'wlime 'gbli-. Zaa, -dɛme'nadɛne "ku, Klise "me, Lagɔ "zoa- -anye "meŋwinɛlenya.

Galatenya 2:16

'Ɛ -ko sɔbhɔ, "ne -a -yi sɛ, 'nyakpa 'na -wa "zo "meŋwinɛlenya -wɛ, 'ɛ "ne -kɛ -gbɔ Moyize 'na -Lɔ 'wa "zo 'plome za yɛ, -mɔ, Zezu Kli 'na 'dlekukɛleɛ "me yɛ -lɔ. "Ne -anye 'lelee -a -kɛle Zezu Kli 'dleku za -a "zo- -lɔ "meŋwinɛlenya Lagɔ 'yliku. -Anye, 'wa yibhlele- -anye "meŋwinɛlenya "ku Lagɔ 'yliku Zezu Kli 'na 'dlekukɛleɛ "me. -Mɔ, 'ɛ "ne -kɛ Moyize 'na -Lɔ 'na 'plome -zo -ylime yɛ. 'Bhɔ! 'Nyɔkpɔ "ne 'bhɛle-, "ne 'ɔ "kɛ Lagɔ 'yliku "meŋwinɛlenyɔ "zo, -Lɔ 'na 'plome -zo -ylime.

Filiponya 3:6

'Ɛ dɛ -wɛ "ku, 'kwɛme 'tɛ- nɛ -ame gbligbli -Lɔ 'na "kɔkɛledɛ "ku, 'ɛza, 'e 'gbapea nɛ -lɔ Lagɔgligbɛ kpɛnyee. "Ne -Lɔ "me 'na -ye 'wa no -gbɔ 'wa no -se 'wa "kɛ "me ŋwinɛle- Lagɔ 'yliku -wɛ, 'e no nɛ 'tee, "ne 'e "ne nɛ 'nuɔsɔbhɔledɛ -kɛ.

2 Timote 1:9

Lagɔ 'fuɔ- -anye, "ne 'ɔ yi -lɔ -anye la- -se -a "kɛ 'ɔnoa "zo. -Anyɛɛ -ye -a no -wɛ za 'ɛ "ne -kɛ -noɔ, -mɔ, 'ɔyigɛsɛ 'yɛbhɛ -lɔ -gbɔ 'ɛ ko sɔbhɔ. Fu 'ye 'ɔ 'je- -lɔ -anye kɔ Zezu Kli "me, -sɔɔdɛku 'wa -na zikpɛ 'wlɛ- -wɛ.

Tite 3:5

"Ne 'ɔ yi -lɔ -anye fuɔ, 'ɛ "ne -kɛ -anyɛɛ -li 'na -li -ye -a no -ayigɛsɛ -wɛ za yɛ. -Mɔ, -see 'ɔ -kɛ -nyezedle za yɛ -lɔ. 'Ɔnɛɛ -ye 'ɔ -gwɛlele -anye "kusɔ -wɛ "zoa- -lɔ -anye 'wlele. "Ne Lagɔ yi -lɔ -anye zikpɛ 'na 'lele 'nyɛ Zuzu Wlewle "me.

Eblenya 6:18

Welipleɛ "ne zligbɔzligbɛ, -li "sɔ 'na 'ye 'wa -ka kɔ 'bhelia- yɛ -lɔ. Lagɔ -ple weli "ne 'ɔ zligbɔ, zaa 'ɔ "ne 'wlɛ yo. 'Ɛyi -wɛ "tamalea- -lɔ -anye 'kwɛme kpɛnyee, 'ɛza -a 'bha- -lɔ -li 'klekle 'beku -se -a "kɛ 'dletɛleɛ -ye 'ɔ 'je- -anye kɔ -wɛ kɔ 'sa.

Zake 3:2

-Anye 'klekle -a 'to 'gbi. 'Nyɔkpɔ 'na -ɔ bhulɛ "ne 'ɔ "ne 'to 'gbi -wɛ, 'ɔɔ -ko -lɔ 'tee. "Ne 'ɔ -yi 'lelee -lɔ 'ɔyi 'na slu sɛ.

2 Piɛle 1:1

-Ame, Simɔ Piɛle, Zezu Kli 'na "kulɔbhɔnyɔ "ne 'ɔnɛɛ "kɔlepɔnyɔ, 'e kɛle -wa -yle -me 'dlekukɛleɛ -ɛ 'tɛ- 'kpɛ "ku sɛgbɛɛ -anye nɛ ne, Zezu Kli, -anyɛɛ Lagɔ "ne -anyɛɛ Fuɔnyɔ 'na 'dlewɔtɛ "me.

1 Zaa 3:4

-Wa no 'nyinyonoli 'klekle -wɛ, Lagɔ 'na -lɔ 'ye 'wa "ne zɔ -lɔ 'plome. "Naa-, 'nyinyonoli 'na nonoɛ, Lagɔ 'na -lɔ 'na 'plomesɛɛ yɛ -lɔ.